медуза – Kurir.mk

Важен совет пред одморите: Што да (не) направите ако ве “бакне“ медуза?

Ивана Ефремовски — Tue, 06 Jun 2023 19:27:19 +0000

Се надеваме дека медузата нема летувањето да ви го направи незаборавно, но еве што да (не) правите ако сепак тоа се случи. Медузите се такви што нивното присуство во водата најчесто и не го забележуваме, се додека не го почувствуваме, односно додека не почне да пече. Она што веднаш би требало да го знаете е дека изгорениците од медуза не се опасни, но дека се непријатни тоа е вистина. Овие изгореници можете да ги третирате сами, но во случај да е опечена поголема површина од површината на раширена дланка, најдобро е да посетите лекар. Еве што да правите кога ќе ве „бакне“ медузата: Измијте ја изгореницата со морска вода или оцет. Никако не ја мијте со топла или слатка вода затоа што повторно може да активира жаришта на медузата кои се задржале на вашата кожа. Освен миењето со оцет или морска вода во траењето од околу половина минута, како прва помош може да ви послужи и сода бикарбона. Кога со морска вода или оцет сте ги отстраниле жарниците на медузата, се препорачува на местото, доколку сте во можност, неколку минути да ставите мраз. Уште некои од опциите се местото да го истриете со домат пресечен на половина, ако ви е при рака. Помага и сок од домати, лимон, а некои твдат и дека помага урината. За оние кои не сакаат да ги испробаат овие „домашни лекови“, изгорениците од медуза по остранувањето на жарниците можат да се третираат и со креми кои содржат антихистаминици или аналгетици.

Туристи на длабочина од неколку стотина метри снимиле медуза поголема од нивната подморница (ВИДЕО)

Ристе Здравков — Thu, 09 Mar 2023 15:13:50 +0000

Во водите околу Антарктикот било забележано ретко и необично суштество, а станува збор за огромна медуза со пипала долги и до 10 метри. Во текот на истражувањето на брегот околу Антарктикот, туристите кои се наоѓале во приватна подморница успеале да го снимат ова необично суштество кое дотогаш било видено само 126 пати. Медузата била поголема од подморницата во која се наоѓале луѓето, а оваа, за многумина застрашувачка глетка, била снимена на длабочина од неколку стотини метри, во близина на антарктичкиот остров Рона.

❗Captan una extraña medusa gigante que habita aguas profundas en la Antártida. La criatura de aspecto alienígena presenta unos tentáculos que pueden alcanzar los diez metros de longitud.

Vídeo: Monterrey Bay Aquarium Research Institute (MBARI) pic.twitter.com/RXc37epnQd
— 𝑪𝒆𝒏𝒕𝒊𝒏𝒆𝒍𝒂35 (@QuakeChaser35) March 3, 2023

Кон крајот на минатата и почетокот на оваа година биле воочени уште неколку појавувања на оваа огромна медуза. Научниците сè уште не знаат многу за овие безрбетници, кои живеат во темните и студени зони на поларните океани и кои со помош на своите брановидни пипала налик ленти фаќаат планктони и мали риби. Корисниците на Твитер кои го погледнале објавеното видео велат дека ова суштество изгледа како да не е од нашата планета.

Што да (не)правите кога ќе ве “бакне“ медуза?

Ивана Ефремовски — Mon, 27 Jun 2022 13:12:57 +0000

Медуза уби човек во Австралија – првпат по 14 години

Дарко Андоновски — Thu, 04 Mar 2021 11:58:56 +0000

Тинејџер од австралиската покраина Квинсленд почина од убод од медуза. Тоа е прв ваков смртен случај во земјата по 14 години. Младиот човек пливал во северното приморје кога го допрела така наречената морска оса (Chironex fleckeri), која се смета за најотровната медуза и едно од најопасните морски животни. Несреќата се случила на 22 февруари. Брзата помош пристигнала брзо и 17-годишникот веднаш бил пренесен со хеликоптер до најблиската болница. Полицијата во Квинсленд денеска потврди дека момчето починало во понеделникот. Последен пат, шестгодишно момче беше убиено од медуза во 2007 година, исто во северното приморје на Австралија.

Медузата можна замена за вообичаените морски специјалитети

Магдалена Андонова — Thu, 22 Oct 2020 10:09:15 +0000

Нoвo истражување спроведено на Универитетот на Квинсленд во Австралија покажа дека 92 видови морски плодови и риби што се користат во исхраната на луѓето се загрозени. На 11 од нив им се заканува истребување. – Морската храна не е одржлива и тие животни ги нема на меѓународната листа на загрозени видови и екосистеми. Затоа, ние мора да го регулираме риболовот и да се ловат риби што можат да го издржат тој ловен притисок, смета професорката Лесли Роберсон. Со цел да се зачуваат загрозените морски видови, медузата наскоро би можела да се најде на менијата наместо вообичаената морска храна. Имено, истражувачите утврдиле дека во иднина медузата може да се користи како одржлива замена, бидејќи големата побарувачка за бакаларот, меките риби и други морски плодови води кон нивна загрозеност, а на крајот – и истребување на овие видови. (MИА)

ФОТО: Над Тексас се појави необичен светлосен феномен

Ивона Петрова — Tue, 18 Aug 2020 09:22:45 +0000

Понекогаш за време на грмотевици на небото може да се забележат светлосни феномени кои со својата форма потсетуваат на џиновска црвена медуза. Во јули, научник од опсерваторијата „Мек Доналд“ во Тексас снимил ретко видено црвено електрично празнење кое е наречено „црвен виленик“. За разлика од обичните молњи, „црвениот виленик“ се јавува многу високо меѓу 50 и 90 километри над облакот со грмотевици. Имаат разни облици и видови на сјај, наведува Европската вселенска агенција. „Црвениот виленик“ тешко се снима со камера, нивната појава трае само неколку милисекунди и често не се забележува со голо око, туку со посебни камери. Фотографот Стефен Хумел, кој специјализирал снимање на ноќно небо, на 2-ри јули во Тексас успеал да сними спектакуларна фотографија на овој необичен светлосен феномен. Хумел истакнал дека оваа година снимил 70 часа видеоматеријал и фотографии и "фатил“ околу 70 "црвени виленици“, а половината од нив биле за време на една олуја.

#ENVIRONMENTCLIMATE Magnificent Red Jellyfish Sprite Photographed During A Storm in Mount Locke https://t.co/NhiWKkpOIr pic.twitter.com/YkcbCXAPAm
— ScienceTimes (@ScienceTimesCom) August 17, 2020

Многу боли, но не е опасно: Што (не)треба да правите кога ќе ве “бакне“ медуза?

Ивана Ефремовски — Tue, 23 Jul 2019 12:49:21 +0000

Внимавајте доколку одите на одмор на Јадранско Море- се појави отровната „компас-медуза“

Катерина Бојаџиева — Wed, 15 May 2019 09:57:28 +0000

Крај хрватскиот брег на Јадранското Море се појави отровната „компас-медуза“, за којашто експертите предпредуваат дека воопшто не смее да се допира, оти предизвикува тешки повреди. Компас-медузата (Chrysaora hysoscella) е всушност вид што живее во крајбрежните води на Атлантскиот Океан и Средоземното Море. Има жолто-темносивкасто тело коешто личи на компас и кое може да порасне и до 30 сантиметри во ширина, а краците и до еден метар должина. Краците се вкупно 24 на број. Се претпоставува дека компас-медузите живеат една година. Се хранат со зоопланктони, а природен непријател им се морските желки и океанската сончева риба.