медузи – Kurir.mk

МАКЕДОНЦИТЕ ЌЕ СЕ РАЗОЧАРААТ ОД ЕДНО ОД ОМИЛЕНИТЕ МЕСТА ВО ГРЦИЈА – врие од медузи овие денови, еве како изгледаат (ФОТО)

Дарко Андоновски — Thu, 01 Sep 2022 07:47:17 +0000

На Фејсбук групата „На одмор во Грција“ се појави статус во кој една Македонка која е во моментов таму споделува искуство од плажите на Полихроно. Имено во постот објавен на Фејсбук пишува дека на ова туристичко место вриело од медузи. „Вчера 30-09 Полихроно вриеше од медузи... Утрото имаше само неколку, попладнето како да им стасаа цели фамилии 😁😁😁 .. Во морето кај да се свртиш ги имаше, а приквечерината веќе излегуваа и на брег. За жал повеќе од 20 извадија надвор и ги убиваа. Незнам како беше денес ама дојдоа да не испратат сигурно нас вчера 😁😄 А незнам и колку се опасни овој вид, бидејќи еден човек ги фаќаше одозгора на мазниот дел ги превртуваше обратно и ги враќаше во длабокото“, стои во постот на Фејсбук.

БИДЕТЕ ВНИМАТЕЛНИ: Грција со нов уште поголем проблем по коронавирусот, нивното каснување е болно и остава трага на изгореница!

Дарко Андоновски — Tue, 14 Jun 2022 11:10:17 +0000

Во Грција деновиве се појавија опасни медузи, чие убод освен што гори, предизвикува и здравствени последици. Поради тоа на многу плажи беа истакнати црвени знамиња со кои беше означена забраната за влез во вода. Веќе три недели Грците ги мачат виолетовите или пурпурните медузи кои, според сите проценки, не се безопасни и се чини дека претставуваат нова опасност по коронавирусот за туристичкото лето во Грција. „Тоа е опасен вид на медуза, каснувањето е болно, остава трага како изгореница, тешко се измива. Може да предизвика тахикардија, плускавци на телото, повраќање, дијареа кај луѓе кои имаат други проблеми“, рече за српската ТВ Прва, дописничката на „Политика“ од Атина, Јасмина Павловиќ Стамениќ. Со големина од околу 10 сантиметри со долги пипала, овие медузи, иако карактеристични за Шпанија и Италија, се намножија и стигнаа до Јонското и Егејското Море, а според експертите можно е да се појават и во Јадранското Море. „Бараат потопло море, се хранат со планктони, а се појавуваат на период од 10 години. Досега океанолозите успеаја да ги лоцираат, но сега водните струи носат и не знаат каде ќе се појават следно. Моментално ги зафатија двете страни на Атика, отидоа кон Јонос, кон Пелопонез. Не се знае кога ќе отпловат. Проблемот е што се проѕирни и розови, па не ги гледате“, изјави Јасмина Павловиќ Стамениќ. Според неа, грчките медиуми секојдневно предупредуваат за овие медузи, а во случај да се изгорите, препораката е – брзо плакнење со морска вода, ставање мраз, сода бикарбона. На организираните плажи има црвени знамиња кои ги предупредуваат капачите на нивното присуство, се обидуваат да ги соберат со мрежи, но и тоа не е сигурност. „Треба да се биде внимателен бидејќи со брановите можат да стигнат до брегот. Водните струи ги носат во сите правци – и во Егејското и во Јонското Море, а наскоро треба да се очекуваат и во Јадранското Море, иако водата е постудена“, предупредува Јасмина Павловиќ Стамениќ.

Внимавајте периодов ако сте таму: Ова е мапа на плажите во Грција каде се појавиле медузи

Катерина Бојаџиева — Wed, 24 Jul 2019 12:03:16 +0000

Доколку одлучите да летувате во Грција, за да поминете безболно, добро е да знаете на кои плажи и во кои летувалишта се појавуваат медузи. За таа цел изработена е мапа која покажува во кое време од годината каде има медузи. Мапата константно се ажурира и им дозволува на корисниците да учествуваат во нејзиното оформување, доколку некаде виделе медуза. Затоа нека не ве буни тоа што мапата се вика Медузи 2018. Мапата може да ја погледнете ТУКА. Исто така, Грците предупредуваат и замолуваат да не се вадат медузите од морето, зашто на тој начин се убиваат.

На овие грчки плажи има најмногу медузи (МАПА)

Ивана Ефремовски — Fri, 28 Jun 2019 10:26:33 +0000

Грчкиот опсерваториум за биодиверзитет создаде мапа со која летувањето во Грција може да биде уште побезбедно, бидејќи преку неа имате преглед точно каде се појавиле медузи. Мапата константно се ажурира и им дозволува на корисниците да учествуваат во нејзиното оформување, доколку некаде виделе медуза. Мапата може да ја погледнете ТУКА. Грците предупредуваат и замолуваат да не ги вадите медузите од морето и на тој начин да ги убивате.

ФОТО: Поради медузи се затвораат плажи во Австралија

Ивона Петрова — Mon, 07 Jan 2019 13:03:02 +0000

Околу 2.600 луѓе изминатиов викенд биле допрени од медузи на плажите во австралиската држава Квинсленд, кои се сега затворени поради огромниот број медузи. Станува збор за таканаречените Блуботл (Bluebottle) медузи чии изгореници се болни, но вообичаено не се смртоносни, јави Би-Си-Си. Најчесто силни ветрови носат колонии медузи во близина на брег. Минатата недела 13.000 луѓе побарале помош поради изгореници од медузи, што е три пати повеќе во однос на истиот период минатата година. Најмногу инциденти биле регистрирани во регионите Голд Коуст и Саншајн Коуст. МИА