Меџик Џонсон – Kurir.mk

Меџик Џонсон: Кари продолжува да докажува дека е најдобриот шутер во историјата

Ивона Петрова — Mon, 04 Jan 2021 11:01:54 +0000

Легендата на Лејкерс, Меџик Џонсон рече дека Стеф Кари е најдобриот шутер во историјата на НБА лигата. Оваа изјава на Џонсон доаѓа по 62 постигнати поени на Кари, ноќеска на дуелот на Голден Стејт со Портланд (137:122). – Стеф Кари постигна рекорд во кариерата 62 поени! Продолжува да докажува дека тој е најдобриот „снајперист“ во историјата и претендент за титулата МВП со Леброн, Дејвис, Дурент, Кајри, Дончиќ, Каваи и Јанис! – напиша Меџик на својата страница на Твитер. Во последните 46 години, повеќе поени од Кари во дресот на Голден Стејт постигна само Рики Бери. Тој на 26 март 1974 година беше стрелец на 64 поени.

Дончиќ има шанса да подобри рекорд на Меџик Џонсон

Магдалена Андонова — Fri, 31 Jul 2020 13:29:30 +0000

Плејмејкерот на Далас Маверикс, Лука Дончиќ, ја заслужи можноста да руши легендарни рекорди во својата втора сезона во НБА. 21-годишниот Словенец има шанса да стане најмладиот кошаркар (21 година и 168 дена на крајот на регуларната сезона), кој ја предводи НБА-лигата по број на „трипл-дабл“ за една сезона, со што ќе скрши речиси 40-годишен рекорд на Меџик Џонсон за сезоната 1980/81, според статистичките податоци на „Елиас спортс биро“. Дончиќ во моментов е лидер на „трипл-дабл“ со 14, но внимателно го следат sвездата на Лејкерс Леброн Џејмс со 13 и лидерот на Денвер, Никола Јокиќ со 12. Вечерва од 03:00 часот словенечката сензација и неговиот тим Далас Маверикс излегуваат за првиот од вкупно осум преостанати натпревари од регуларната сезона против Џејмс Харден и Хјустон. Пред прекинување на сезоната, Дончиќ во просек имаше 28,7 поени, 9,3 скока и 8,7 асистенции. (МИА)

Меџик Џонсон за Коби: Она што го стори за кошаркарската игра не може да се опише со зборови, ништо нема да биде исто без него

Катерина Бојаџиева — Mon, 27 Jan 2020 16:11:39 +0000

Меџик Џонсон е еден од синонимите на Лос Анџелес Лејкерс. Легендарниот бек и поранешен шеф на калифорнискиот клуб не можеше да остане рамнодушен по трагедијата во која животите ги загубија Коби Брајант, неговата ќерка Џиана и уште седум други кои биле на хеликоптерот што се урна синоќа. -Не можам да верувам и плачам целото утро по вестите за Коби и неговата ќерка Џиџи. Она што го стори за кошаркарската игра не може да се опише со зборови. Тој пренесе знаење на помладите – без разлика дали станува збор за адолесценти, деца од колеџ, НБА или женската НБА. Знам дека ќе им недостасува на обожавателите насекаде, особено во Лос Анџелес. Коби и јас споделивме многу специјални разговори за животот и играта. Имавме многу заеднички нешта надвор од теренот. Обожавав кога разговараме за Лејкерси со него, за татковството, семејството и колку ја сакаме Италија. Ќе ми недостигаш толку многу. Мојот пријател, легенда, сопруг, татко, син, брат, добитник на Оскар и најголемото „езерџија“ на сите времиња го нема. Тешко е да се прифати. Коби беше лидер во играта, ментор како на кошаркари, така и кошаркарки. Ништо не би било исто без Коби. Ниту Лејкерс, ниту кошаркарската игра, ниту нашиот град. Јас и Куки се молиме за Ванеса, неговите прекрасни ќерки, Наталија, Бјанка и Капри, како и неговите родители, Џо и Пам и неговите сестри. Ние секогаш ќе бидеме тука за семејството Брајант, пишува Џонсон во изјавата.

Коби Брајант: Меџик Џонсон заслужува втора статуа заради привлекувањето на Леброн Џејмс

Даниел Василев — Sat, 07 Jul 2018 13:40:21 +0000

Поранешниот играч на Лос Анџелес Лејкерс, Коби Брајант не штедеше пофални зборови за генералниот менаџер на клубот, Меџик Џонсон, кој беше најзаслужен за привлекувањето на големата ѕвезда на НБА, Леброн Џејмс. Според Брајант, Џонсон заслужува втора статуа пред салата на тимот „Стејплс Центар“. Генералниот менаџер на Лејкерс веќе има една таква која беше поставена во 2004 година. - Размислете за секунда колку многу направил Меџик за Лејкерс. Тој стана пет пати шампион, три пати ја освои МВП наградата, беше тренер на тимот, а сега откако стана претседател на кошаркарските операции на клубот, успеа да го привлече и Леброн Џејмс. Не знам што мислат сопствениците на клубот, но овој човек заслужува втора статуа пред „Стејплс Центар“, рече Брајант во етерот на „ЕСПН“. МИА