ГРЦИЈА НАЈАВУВА: Еве од кога ќе се отворат другите гранични премини со Македонија

Ивона Петрова — Mon, 21 Jun 2021 08:10:02 +0000

Отворање на граничните премини Ники (Меџитлија) кон Северна Македонија и Кристалопиги кон Албанија, на 1 јули, најави, преку Фејсбук, градоначалникот на општина Преспа Панајотис Пасхалидис, јави дописничката на МИА од Атина. -Важна вест: Веродостојни информации дека од 1 јули одново и регуларно ќе почнат да работат граничните премини Кристалопиги и Ники, напиша Пасхалидис. И од двете страни на границата, и од Северна Македонија и од Грција, локалното население, но и бизнисмените во изминатиот период бараа да се отвори граничниот премин Ники (Меџитлија). Од граничните премини меѓу Северна Македонија и Грција, од грчка страна, отворен е само преминот Евзони (Богородица). Последната министерска одлука за граничните премини и предусловите за влез во Грција, објавена во петокот е во сила до 26 јуни 2021 година.

ГП „Меџитлија“ се затвора до 4 август

Љупчо Цветаноски — Wed, 22 Jul 2020 09:02:39 +0000

Грчкиот граничниот премин „Ники“ односно граничниот премин „Меџитлија“ ќе биде затворен за патнички и товарен сообраќај во периодот од 22.07 (среда) од 00.00 часот до 04.08.2020 (вторник), во врска со новите протоколи на грчката Влада за рестрикитивни мерки за Ковид-19. Министерството за внатрешни работи ги известува граѓаните дека до граничната служба на граничниот премин „Меџитлија“ од страна на грчката гранична служба од граничниот премин ,,Ники“, доставено е известување дека грчкиот граничен премин ,,Ники“ ќе биде затворен за патнички и товарен сообраќај во овој период. „Сите патнички и товарни моторни возила што планираат да остварат влез и излез од и во Грција во наведениот период, тоа ќе може да го остварат на грчкиот граничен премин ,,Евзони“, информираат денеска од МВР.

меџитлија – Kurir.mk

ГРЦИЈА НАЈАВУВА: Еве од кога ќе се отворат другите гранични премини со Македонија

ГП „Меџитлија“ се затвора до 4 август