мег рајан – Kurir.mk

ВИДЕО: Мег Рајан во нова љубовна комедија по осум години

Ивона Петрова — Wed, 01 Nov 2023 10:41:54 +0000

Американската глумица Мег Рајан се враќа на големото платно со љубовна комедија што самата ја напиша, режираше и продуцираше. Дури осум години по нејзиниот последен холивудски филм, ѕвездата на романтичните филмови проговори за „Што се случува подоцна“ (What Happens Later). Нејзин партнер во филмот е Дејвид Духовни. Прикажувањата во американските кина почнуваат овој петок. Последните нејзини филмови беа „Забавната девојка“ и „Итака“ од 2015 година. - Ми требаше долго време за да направам што било, па само три од овие осум години работев на ова, објасни таа. Духовни ја пофали работата на Рајан во сите нејзини различни задачи околу филмот. - Мег ја носи таа одговорност навистина лесно - што е убаво. Никогаш не помислив дека е преоптоварена или под притисок иако убеден сум дека во одредени мигови беше така, додаде глумецот. На ИМДБ, оние кои ги погледнале претпремиерите, веќе му дале на филмот просечна оцена од 7,9 / 10.

Мег Рајан ќе режира филм на Нетфликс

Ивана Ефремовски — Thu, 17 Mar 2022 08:09:54 +0000

Мег Рајан ќе ја режира филмската адаптација на романот на Сали Франсон од 2018 година – „Дамски водич за распродажба“, за стрим-платформата Нетфликс. Според „ИМДБ“, познатата глумица, која е на самиот почеток од седмото десетлетие од својот живот, вторпат седнува на режисерското столче по дебито со драмата „Итака“ од 2015 година. Зад себе, инаку, има улоги во 51 филм или ТВ-серија. Џени Рејчел Вајнер го пишува сценариото, а продуценти на филмот се Гери Фостер и Рас Красноф од „Красноф / Фостер ентертејнмент“ и Ким Хоџерт од „Анонимус контент“. (МИА)

Беше природна убавица која ја сакавме сите, денес е жртва на пластичните операции: Погледнете го лицето на Мег Рајан (ФОТО)

Ивана Ефремовски — Sat, 13 Apr 2019 15:50:08 +0000

Били Кристал и Мег Рајан пред точно 30 години беа ѕвезди на хит филмот „Кога Хари ја сретна Сали“, а вчеравечер во Холивуд актерите ја прославија годишнината на филмот. Тие се појавија на отворањето на TCM Classic Film Festival во друштво на режисерот на филмот Роб Рајнер, а медиумите беа воодушевени од нивната повторна средба по цели 30 години. На отворањето на филмскиот фестивал, 57-годишната актерка се појави во стилски црн костум во комбинација со бела кошула и црна вратоврска и чевли. Таа шокираше со изгледот. Полни образи, затегнато лице, чело без брчки и видно зголемени усни во однос на фотографиите од премиерата на филмот "Кога Хари ја сретна Сали" во 1989 година, многумина сметаат дека Мег им се препуштила на пластичните операции. "Ги сакам своите години, го сакам мојот живот. Ја сакам личноста која станав", признала Мег во едно интервју, но одбила да искоментира за изгледот.

ФОТО: Мег Рајан кажа „ДА“, еве како ја објави веридбата

Ивона Петрова — Sat, 10 Nov 2018 14:59:49 +0000

Мег Рајан и Џон Меленкамп се вериле, официјално потврди русокосата актерка. Ѕвездата ги потврди среќните вести со прикажување на смешен цртеж на двајцата на Инстаграм. Еден ден пред тоа, папараци ја снимија со веренички прстен на нејзината рака во Њујорк. Тие се заедно од 2011 година. Тие прво поминаа три години заедно, а потоа одлучија да се раделат. Близок извор до Рајан прокоментирал дека причината за раздорот во нивната врска била неможноста да се одржи врска на „растојание“. Актерката живее во Њујорк, а рокерот во Индијана, и двајцата одбиваат да се преселат. Според близок пријател на Џон Меленкамп, сепак, вистината е друга – не му се допаѓала медиумската врева, која го следела заедничкиот живот со Мег. За 67-годишниот музичар, ова ќе биде четвртиот брак, додека за Мег Рајан (56) тој ќе биде втор. Таа беше со Денис Квејд, од кого има син. Рајан има и посвоено девојче. Од неговите три претходни бракови пак, Меленкамп има пет деца.

Беше најсимпатичната русокоса во Холивуд, а потоа се уништи со пластичните операции (ФОТО)

Ивана Ефремовски — Thu, 18 Oct 2018 14:17:38 +0000

Холивудската актерка Мег Рајан стана светски позната благодарејќи им на романтичните комедии како што се „French Kiss", „Kate & Leopold", „You've Got Mail". Убавата актерка потоа изненадувачки исчезна поради тоа што знаела колку Холивуд е суров кон жените во одредени години од животот и одлучила да се подмлади. Желбата засекогаш да остане млада дефинитивно скапо ја чинела. Рајан на крајот на минатиот век беше миленичка на публиката. Симпатичната русокоса актерка секогаш знаеше како да предизвика насмевка на лицето кај публиката. Но, по неколкуте пластични операции на лицето Мег Рајан е непрепознатлива. -Направила премногу промени. Таа веќе не изгледа како Мег што ја знаеме и во која бевме вљубени, изјави режисерот на филмот „Kate & Leopold“, Џејмс Манголд. Промената на лицето Мег Рајан ја започна со филер за усните, но за жал убавата актерка не застана тука.