меѓународен ден на бошњаците – Kurir.mk

Честитка по повод 28-ми Септември, Меѓународниот ден на Бошњаците од Претседателот Мицкоски

Магдалена Андонова — Tue, 28 Sep 2021 12:29:24 +0000

Христијан Мицкоски, претседателот на најголема опозициски партија ВМРО-ДПМНЕ денеска до сите припадници на бошњачката заедница упати честитка по повод 28ми Септември, Меѓународниот ден на Бошњаците, која ви ја пренесуваме интегрално во целост:

„Почитувани сограѓани од бошњачката заедница, дозволете ми од мое лично име и името на ВМРО-ДПМНЕ да Ви го честитам Меѓународниот ден на Бошњаците посакувајќи напредок и сигурна и извесна иднина. Празнувањето на овој ден во нашата земја е знак за негување на меѓусебните односи, но и знак за прифаќање на јазикот, богатата бошњачка традиција, идентитет и култура. Сакам да истакнам дека од големо значење е придонесот на Бошњачката заедница за економскиот, културниот и општествениот живот во државата. Мојот личен приоритет, но и приоритет на ВМРО-ДПМНЕ продолжува да биде прифаќањето, разбирањето и толеранција на различностите и почитување на сите граѓани се со цел од Македонија да направиме држава за сите луѓе, да создадеме иднина за сите генерации и да работиме на подобрување на уловите за живеење. Да ја смениме тешката реалност, ѕидовите кои се издигнуваат, поделбите кои ги создаваат. Да се победи неспособноста и криминалот. Овој ден нека биде симбол на обединети и сплотени граѓани. Нека ви е честит Меѓународниот ден на Бошњаците, Ви посакувам добро здравје, среќа, радост, мир и спокој.“

Меѓународен ден на Бошњаците: 28ми септември неработен ден за припадниците на бошњачката заедница

Магдалена Андонова — Fri, 24 Sep 2021 12:29:26 +0000

Меѓународниот ден на Бошњаците 28 септември (вторник) е неработен ден за граѓаните припадници на бошњачката заедница во Република Македонија, соопшти Министерството за труд и социјална политика. Од Министерството на граѓаните припадници на бошњачката заедница им го честитаат Меѓународниот ден на Бошњаците.

Честитка од Христијан Мицкоски по повод Меѓународниот ден на Бошњаците

Дарко Андоновски — Mon, 28 Sep 2020 10:12:59 +0000

Дозволете ми од мое лично име и од името на ВМРО-ДПМНЕ да ви го честитам Меѓународниот ден на Бошњаците на сите припадници на Бошњачката заедница, со искрени и срдечни желби за многу здравје, долг живот и благосостојба, ова денеска преку честитка го испрати лидерот на ВМРО-ДПМНЕ Христијан Мицкоски. -Бошњачката заедница е составен дел од Македонија со децении, Бошњаците се лојални граѓани на нашата држава, кои творат, работат и создаваат, и во општеството се познати како чесни и честити луѓе. Бошњачката традиција и култура се вкоренети во општеството и се дел од изградениот систем на почит и меѓусебно разбирање меѓу заедниците, по кои Македонија е позната со векови. Бошњаците исто како и Македонците, и сите други граѓани на Македонија денес се обременети од тешкотиите кои ги создава власта, лошата клима во општеството, нетолеранцијата која со секој чекор сакаат да ја поттикнат, загушеноста на бизнис секторот, и притисокот на власта врз буквално секој дел од општеството. Сите заедници во Македонија имаат исти проблеми, исти потреби, и за нив се потребни исти решение. Кои власта не сака да ги види, ниту да ги спроведе, затоа што истата ја перцепира моќта низ призмата на сопствено богатење, додека народот осиромашува, додава во неговата честитка Мицкоски. Тој вели и дека на лошиот амбиент во општеството мора да му се стави крај. Македонија мора повторно да биде земја на среќни граѓани. Уште еднаш ви го честитам Меѓународниот ден на Бошњаците, со искрени желби за подобро утре.