меѓународен сојуз – Kurir.mk

На 5 јуни нова јавна седница за кривичниот предмет „Меѓународен сојуз”

Ивона Петрова — Tue, 25 Apr 2023 08:29:59 +0000

Јавната седница пред Апелациониот суд Скопје по кривичниот предмет КОКЖ- 153-22 во јавноста познат како „Меѓународен сојуз" закажана за ден 24.04.2023 година се одложи поради неможност на обвинетиот Б.Ј.од С. да присуствува на седницата по скоро извршена хируршка интервенција, соопштија денеска од Апелациниот суд Скопје. Во соопштението се наведува дека Б.Ј. се уште е хоспитализиран и ја прима неопходната нега. - За обвинетата J.Е. нема уредна достава, за во судот е известен од бранителот дека има промена на адреса непријавена во судот, по што е до бранителот во рок од три дена да ја достави точната адреса. Заради тоа судот насрочи нов термин за јавна седница на 05.06.2023 година во 11:00 што странките и присутната јавност беа усно известени, информираат од Апелација.

Странките најавија жалби за пресудата за случајот „Меѓународен сојуз”

Дарко Андоновски — Thu, 07 Apr 2022 12:32:49 +0000

Застапникот на обвинението за случајот „Меѓународен сојуз”, јавната обвинителка Ивана Трајчева, ќе поднесе жалба на пресудата на Основниот кривичниот суд Скопје, по однос на ослободителната одлука за обвинетата Фросина Ременски. Давајќи образложение за најавената жалба обвинителката Трајчева, истакна дека за неа како обвинител којшто го застапуваше овој предмет во текот на судската постапка навистина е нејасно како судот не утврдил кои се дејствијата на влијание од страна на Ременски. – Самите оштетени посочија дека токму поради нејзината личност, функцијата која што ја извршувала во тој момент довела до потпишување на таквите договори. Кога ги имате овие два факти коишто судот и самиот ги прифатил, неспорно денеска тоа беше кажано, навистина не знам како на крајот судот донел заклучок дека Обвинителството во текот на постапката не докажа надвор од разумно сомневање дека го сторила делото кое што и се става на товар. Но, ние како странка во постапка имаме право на жалба и сметам дека тоа право секако ќе биде искористено, рече обвинителката Трајчева. Воедно, што се однесува на осудителниот дел таа посочи дека се потврдила тезата на Обвинителството дека обвинетите ги сториле делата коишто им се ставаат на товар со предметниот обвинителен акт. – Во однос на казните морам да кажам дека ќе мораме да ја почекаме писмената пресудата за да слушнеме точно кои околности како олеснувачки и отежнувачки биле ценети од страна на судот при одлучување и одредување на видот и висината на изречените казни бидејќи, како слушнав и денеска, самите тие околности не ги слушнавте. Оттука не можам да ви кажам дали би имало жалба во овој дел по однос на веќе изречените казни, рече Трајчева. Правниот застапник на првообвинетиот Бојан Јовановски, адвокатот Сашо Дуковски, после изречената пресуда за „Меѓународен сојуз”, изјави дека оваа судска пресуда не се заснова ни еден милиметар на докази коишто беа изведени во текот на постапката, туку е несреќен компромис помеѓу политика, а особено на личен анимузитет на судечкиот судија према моите клиенти, особено кон обвинетиот Бојан Јовановски. – Не влегувам воопшто во драконската казна дали е мала или голема, затоа што сметам дека во овој конкретен случај нема никакво кривично дело извршено од страна на обвинетиот Бојан Јовановски, изјави Дуковски и најави дека за ова пресуда ќе биде поднесена жалба. Поранешната пратеничка од редовите на СДСМ, Фросина Ременски, по објавување на одлуката дека е ослободена од вина кратко наведе дека е задоволна од денешнава одлука и побара разбирање по добивањето на пресудата да даде образложение за денешниов настан.

Фросина Ременски ослободена од обвинение за „Меѓународен сојуз“: Јасна Мандиќ доби 4 години затвор, таткото на Боки 13 осуден на условна казна

Магдалена Андонова — Thu, 07 Apr 2022 10:38:01 +0000

Кривичниот суд – Скопје денеска ја објави пресудата за предметот „Меѓународен сојуз”, каде првообвинет се Бојан Јовановски – Боки 13 и уште четири други лица, меѓу кои и поранешната пратеничка Фросина Ременски. Бојан Јовановски Боки 13 доби единствена казна затвор од времетрање од 9 години за кривични дела измама и перење пари. Јасна Мандиќ е прогласена за виновна за кривично дело измама и е осудена на единствена затворска казна од 4 години. Поранешната пратеничка од СДСМ Фросина Ременски се ослободува од обвинението. Таткото на Бојан, Миле Јовановски е осуден на eдинствена условна казна од две години.

Пресуда за случајот „Меѓународен сојуз”

Ивона Петрова — Thu, 07 Apr 2022 05:28:58 +0000

Кривичниот суд – Скопје денеска ќе ја објави пресудата за предметот „Меѓународен сојуз”, каде првообвинет се Бојан Јовановски – Боки 13 и уште четири други лица, меѓу кои и поранешната пратеничка Фросина Ременски. Судењето за овој предмет го води судијката Софче Гаврилова – Ефремова, а застапник на обвинението е обвинителката Ивана Трајчева. Според обвинителниот акт, во периодот од 8 јули 2017 година до 13 април 2018 година првообвинетиот, како претседател на обвинетата невладина организација Меѓународен сојуз, со намера за себе да прибави противправна имотна корист, ги искористил документите од посочената НВО и довел и одржувал во заблуда две оштетени лица. Тој лажно прикажувал дека ќе обезбеди државно неизградено земјиште за изградба на Европски центар за возрасни лица и мобилен сервис, како и субвенции од страна на државата и оштетените вака доведени во заблуда на штета на својот имот му исплатиле преку Македонска авторска агенција износи кои надминуваат значителна вредност, и тоа 719 905 евра, односно 233 821 евра во денарска противвредност.

На 7 април објава на пресуда за „Меѓународен сојуз“

Ивона Петрова — Fri, 18 Mar 2022 12:14:03 +0000

Одлуката на судот за предметот „Меѓународен сојуз“ во кој првообвинет е Бојан Јовановски – Боки 13 ќе биде објавена на 7 април 2022 година, информираше денеска судијката Софче Гаврилова – Ефремова по завршните зборови на Јовановски, кој пак му предложи на судот да не му се суди по ликот и делото, туку по доказите. -Од се досега изнесеното, неспорно се утврди дека кривичното дело не е сторено, бидејќи немало ни мотив ни идеја, единствено сме работеле да се оствари проектот. Му предлагам на судот одлуката да ја базира на докази и да се оттргне од шпекулации. Предлагам во целост да донесе ослободителна пресуда по обвенението и апелирам и молам на законита пресуда. Да не судат мојот лик и дело, да се судат доказите. Се чуствувам комплетно невин, истакна во завршните зборови Боки 13. Тој се осврна и на обвинението за поранешната пратеничка од СДСМ Фросина Ременски, за која, како што рече, „Фросина и да сакала да ми помогне, била оневозможена од нејзините партиски алчни другари“. Во текот излагањето на завршните зборови на Јовановски, судијката Гаврилова – Ефремова неколку пати го предупреди првообвинетиот да се придржува на завршните зборови кои се однесуваат на изнесените докази и, како што рече, ова е последен пат да го предупредува. Јовановски возврати дека се надева оти овие прекорувања од судијката се уште само денеска и ја замоли „да го изржи уште денес“. Првото рочиште за овој предмет се одржа на 1 јули 2020 година. Според обвинителниот акт, обвинетите ги измамиле бизнисмените Силјан Мицески и Адријан Амзоски дека ќе учествуваат во проект преку „Меѓународниот сојуз“ на Бојан Јовановски – Боки 13 и ги оштетиле со повеќе илјади евра. Првообвинет во овој предмет е Бојан Јовановски – Боки 13, кој според обвинителниот акт е обвинет за кривичните дела „измама и перење пари”. Обвинети во овој случај се и поранешната пратеничка од редовите на СДСМ Фросина Ременски, Миле Јовановски, таткото на првообвинетиот Бојан Јовановски, и Јасна Мандиќ – Ерцеговиќ. Обвинетата Ременски се товари за кривично дело „помагање во делото измама”, Мандиќ за „помагање во измамата и перењето пари”, а Миле Јовановски се товари за „помагање во перењето пари” и за „неовластено изработување, држење, посредување и тргување со оружје”. Како правно лице обвинета е и невладината организација „Меѓународен сојуз”.

Кога Боки 13 ќе спомне функционер на СДСМ, судијката го прекинува: Тој, сепак, откри детали од комуникацијата со некогашните сопартијци

Ивана Ефремовски — Fri, 18 Mar 2022 10:35:27 +0000

Бојан Јовановски, познат како Боки 13 денес ги има своите завршни зборови пред судот во својата одбрана за случајот „Меѓународен сојуз“. Но, не му беше дозволено да зборува како и што сака, бидејќи во моментите кога спомнуваше имиња на функционери и екс-функционери од СДСМ, тој беше замолкнуван од страна на судијата. Прв пат ова се случи кога денес Јовановски ги спомна Зоран Заев, Стефан Богоев и Александар Кирацовски, сакајќи да ја објасни нивната поврзаност со дел од проектите на „Меѓународен сојуз“. По ова, неговиот говор е попречен со објаснување од судијката дека тој треба да зборува за нешто друго. Судењето за овој случај го води судијката Софче Гаврилова-Ефремова, а застапник на обвинението е обвинителката Вилма Рускоска. -Жалам што не успеавме да ги испитаме како сведоци, штета што не изведовме докази и комуникации. Тие пораки може ќе придонесоа за уште повеќе докази. За овој проект министерот за транспорт и врски Сугарески потпиша наменски меморандум со „Меѓународен сојуз“ со цел брзо и ефикасно реализирање на поставениот проект, претходно поддржан од Владата на Зоран Заев. Пред да се донесе акцискиот план, му беше презентиран проектот на Заев како тогашен премиер, а јас како тогашен член и симпатизер на СДСМ. Од Заев не само што добивме поддршка, туку и ветување дека ќе биде формирана специјална комисија која ќе помогне за реализација на проектите од „Меѓународен сојуз“, истакна Јовановски. По ова Бојан беше прекинат од судијката која му се закани дека ќе му го скрати правото за завршни зборови. Судијката му посочи дека негова должност е да направи анализа на изведените докази во постапката, а не да зборува за ова. Сепак Јовановски откри дел од комуникацијата со дел од функционерите на СДСМ. -Со Стефан Богоев јас имам пријателски однос, континуирани средби. Зборуваме и за политика и за приватни теми. Во предизборната кампања на Богоев за кандидат за градоначалник на Карпош е ставен проектот за изградба на старечки домови. За тоа постојат комуникации кои не беа изведени пред овој суд. Ноторна девијација на вистината е тоа дека јас сум знаел дека ќе нема земјиште и сум држел бизнисмени во заблуда. Му велам на Стефан дали може да се видиме да договориме детали за старечкиот дом, тој ми рече дека имал Финансова полиција и не можел, а јас му реков дека мора да се видиме за да не се откажам од договорот. Втора комуникација, Богоев ми вели “немај гајле, завршено е за локацијата“. „Ќе средиме се кога ќе се видиме“, истакна Јовановски. Потоа Јовановски комуницирал со лице задолжено за комунален сектор во општина Карпош. -Локацијата постоеше и покрај со Богоев се преговараше и со министерот за транспорт и врски. Доаѓаме до друг факт, носење на уредба со сила на закон, донесена на Влада за уредување на цени за изградба на старечки домови кога се активни овие два договори. Тоа го има во мојата неизведена комуникација со Горан Сугарески. Така се формирани пониски цени во однос на парцелите. Ако ова не било сериозно, кој ми го донесе мене Анго Ангов од општина Дојран да потпише меморандум за соработка. Тој дојде по партиска директива. Јас тој меморандум не го злоупотребив, од тој меморандум многу од општините профитираа. Тие што викаат дека јас сум сакал да се сликам со нив, баш тие бараа да се сликаат со мене и да добиваат лајкови, истакна Јовановски. Адвокатот на Јовановски реагираше дека обвинителот имал право да зборува на ист ваков начин, а на обвинетиот тоа право му е скратено.

Завршни зборови на Боки 13 за случајот „Меѓународен сојуз“

Дарко Андоновски — Fri, 18 Mar 2022 09:08:08 +0000

Бојан Јовановски-Боки 13 денеска во Основниот Кривичен суд Скопје треба да ги даде завршните зборови за случајот „Меѓународен сојуз“. Адвокатот на првообвинетиот во случајот „Меѓународен сојуз“ на претходното рочиште побара да се одложи завршниот говор, затоа што обвинетиот не бил подготвен за тоа. Обвинителството бара Бојан Јовановски, татко му, неговата асистентка, Јасна Ерцеговиќ и екс-пратеничката од СДСМ, Фросина Ременски да бидат прогласени за виновни и да им ги вратат парите на оштетените. Ременски тврди дека не влијаела врз бизнисмени да склучат договори со организацијата „Меѓународен сојуз“ на Боки 13. Обвинетата во случајот на завршни зборови потенцираше дека не учествувала во проектот за старечки домови, а најмалку била запознаена со финансиската вредност. Според неа, наводите дека е угледна личност не се доволен доказ за да биде обвинета. Таа кажа дека не договарала и преговарала и дека не е автор, ниту потписник на договорот. Вели дека потполно неоправдано и неосновано ја обвиниле. „Судот не ги зел во предност сите учесници во овој процес и нивните врски со многу институции на локално и државно ниво. Силјан Мицевски на прашање пред бранителот, одговорил дека Фросина Ременски и Александар Кирацовски не влијаеле врз никој, ниту таа ја договорала цената на овој договор“, кажа Ременски. Таа ја обвини обвинителката Ивана Трајчева за злоупотреба на службената положба, истакнувајќи дека се обидува да симулира кривично дело.

Утре завршни зборови на Бојан Јовановски-Боки 13 за случајот „Меѓународен сојуз“

Тале Кристо — Thu, 17 Mar 2022 16:57:40 +0000

Првообвинетиот во случајот „Меѓународен сојуз“ Бојан Јовановски утре во Основниот Кривичен суд Скопје ќе ги даде завршни зборови, бидејќи на претходното рочиште по барање на адвокатите беше одложено, затоа што обвинетиот не бил подготвен за тоа. Во меѓувреме Обвинителството бара обвинетите во „Меѓународен сојуз“ да се огласат за виновни затоа што во постапката се докажало дека обвинетите ги сториле кривичните дела за кој се обвинети, односно дека материјалните докази биле поткрепени со изјави на сведоците Хуманоста на невладината „Меѓународен сојуз" остана само на хартија, а во реалност се случи измама, со овие зборови обвинителот Трајче Пеливанов ги почна завршните зборови во случајот „Меѓународен сојуз", каде првообвинет е Бојан Јовановски Боки 13. Според обвинителот Пеливанов, во тек на ова постапка било докажано дека обвинетите ги сториле кривичните дела за кој се обвинети, односно дека материјалните докази биле поткрепени со изјави на сведоците. Обвинетите сериозно работеле да оставаат силен впечаток во јавноста. Неспорно е дека оваа дело обвинетиот Бојан Јовановски, не можел да го реализира сам, туку со влијание на останатите обвинети. Неспорна е и улогата на обвинетата Ременски, таа знаела дека извршната власт не стоела зад договорите. Оштетените кажаа дека доколку не била обвинетата Ременски, немале да ги склучат договорите, рече Пеливанов, наведувајќи дека што се однесуваа на обвинетата Јасна Мандиќ, таа ги контактирала странките и знаела се што се случува во невладината „Меѓународен сојуз". Според Пеливанов, обвинетата Јасна Мандиќ свесно и по сопствена волја му помогнала на обвинетиот Бојан Јовановски во извршувањето на кривичното дело „измама". Застапникот на Основното јавно обвинителство за гонење на организиран криминал и корупција побара од Судот да ги прогласи обвинетите за виновни, имајќи ја предвид тежината на кривичното дело. Воедно, полномошниците на оштетените Силјан Мицевски и Адријан Амзовски најавија отштетно побарување. Првообвинет во овој предмет е Бојан Јовановски Боки 13, кој според обвинителниот акт е обвинет за кривичните дела „измама и перење пари"'. Обвинети во овој случај се и поранешната пратеничка од редовите на СДСМ, Фросина Ременски, Миле Јовановски, татко на првообвинетиот Бојан Јовановски, и Јасна Мандиќ Ерцеговиќ. Ременски се товари за кривично дело „помагање во делото измама", Мандиќ за „помагање во измамата и перењето пари", а Миле Јовановски се товари за „помагање во перењето пари" и за „неовластено изработување, држење, посредување и тргување со оружје". Како правно лице обвинета е и невладината организација „Меѓународен сојуз". Обвинетите се изјаснија дека не чуствуваат вина за делата кои обвинети. Судењето за „Меѓународен сојуз" почна на 1 јули, но беше одложено поради барањето на поранешната потпретседателка на Собранието и пратеничка од редовите на СДСМ Фросина Ременски за изземање на обвинителката Вилма Рускоска за понатамошно постапување во овој случај. Кон барањето за иземање на обвинителката Рускоска, се приклучи и обвинетиот Бојан Јовановски – Боки 13. Советот за оценка на 12 мај годинава во целост го прифати обвинителениот акт против правното лице Меѓународен сојуз и пет други физички лица за кривичните дела „измама" и „перење пари и други приноси од казниво дело". Според обвинителството, обвинетите ги измамиле бизнисмените Силјан Мицески и Ардијан Амзоски дека ќе учествуваат во проект преку „Меѓународен сојуз" на Бојан Јовановски-Боки 13 и ги оштетиле со повеќе од милион евра. Основачот на невладината „Меѓународен сојуз", Бојан Јовановски-Боки 13, е обвинет на девет години затвор со неправосилна пресуда за случајот „Рекет", каде што е обвинет за „примање награда за противзаконито влијание" и за „перење пари", заедно со поранешната специјална обвинителка Катица Јанева, која доби затворска казна од седум години за „злоупотреба на службена положба и овластувања". Во случајот „Меѓународен сојуз“, освен Бојан Јовановски - Боки 13, Судењето за „Меѓународен сојуз" почна на 1 јули, но беше одложено поради барањето на поранешната потпретседателка на Собранието и пратеничка од редовите на СДСМ Фросина Ременски за изземање на обвинителката Вилма Рускоска за понатамошно постапување во овој случај. Кон барањето за иземање на обвинителката Рускоска, се приклучи и обвинетиот Бојан Јовановски – Боки 13. Советот за оценка на 12 мај годинава во целост го прифати обвинителениот акт против правното лице Меѓународен сојуз и пет други физички лица за кривичните дела „измама" и „перење пари и други приноси од казниво дело". Според обвинителството, обвинетите ги измамиле бизнисмените Силјан Мицески и Ардијан Амзоски дека ќе учествуваат во проект преку „Меѓународен сојуз" на Бојан Јовановски-Боки 13 и ги оштетиле со повеќе од милион евра. Основачот на невладината „Меѓународен сојуз", Бојан Јовановски-Боки 13, е обвинет на девет години затвор со неправосилна пресуда за случајот „Рекет", каде што е обвинет за „примање награда за противзаконито влијание" и за „перење пари", заедно со поранешната СЈО Катица Јанева, која доби затворска казна од седум години за „злоупотреба на службена положба и овластувања". Во случајот „Меѓународен сојуз“, освен Бојан Јовановски - Боки 13, обвинети се Јасна Мандиќ, Фросина Ременски, Миле Јовановски и Христина Блажеска, за кривичните дела „измама“ и „перење пари“.

Ременски тврди дека не влијаела врз бизнисмени да склучат договори со „Меѓународен сојуз“

Ивана Ефремовски — Wed, 16 Mar 2022 15:30:51 +0000

Обвинетата во случајот „Меѓународен сојуз“ Фросина Ременски на денешните завршни зборови во Основниот Кривичен суд Скопје потенцираше дека не учествувала во проектот за старечки домови, а најмалку била запознаена со финансиската вредност на истиот. -Наводите дека сум била угледна личност не се доволен доказ за да бидам обвинета. Судот не ги зел во предност сите учесници во овој процес и нивните врски со многу институции на локално и државно ниво. Силјан Мицевски на прашање пред бранителот, одговорил дека Фросина Ременски и Александар Кирацовски не влијаеле врз никој, ниту таа ја договорала цената на овој договор, рече Ременски. Таа вели дека не договарала и преговарала и дека не е автор ниту потписник на договорот и дека покрај ова потполно неоправдано и неосновано ја обвиниле неа.

Завршни зборови на суд: Боки 13 не можел да измами бизнисмен, а татко му заработувал од продажба на јаболки – тврди адвокатот

Ивана Ефремовски — Wed, 16 Mar 2022 12:48:24 +0000

На денешните завршни зборови во кривичниот предмет „Меѓународен сојуз“ во Основниот Кривичен суд Скопје, адвокатот Сашо Дуковски вели дека во овој случај нема И од измама, а не па перење пари и дека никој не можел да измами еден искусен бизнисмен како Силјан Мицевски, а уште помалку тоа да го направи Бојан Јовановски. Тој пред судот вели дека овој проект бил од општествена корист и наместо овие лица да се наградат, се обвинети за измама. За таткото на Боки 13, Миле Јовановски, адвокатот вели дека дека имал два стана и дуќан кој ги продал, а се занимавал и со продажба на јаболки во минатото па од таму имал прилично голема сума на пари на сметката, што не значи дека се стекнати на нелегален начин. Додава дека тој е втурнат во ова обвинение само да се додаде некаква тежина на овој случај. Заврши со зборовите дека бара да се ослободат од обвинение сите тројца. Судењето за овој случај го води судијката Софче Гаврилова-Ефремова, а застапник на обвинението е обвинителката Вилма Рускоска. Првообвинет во овој предмет е Бојан Јовановски-Боки 13, кој според обвинителниот акт е обвинет за кривичните дела „измама и перење пари“. Обвинети во овој случај се и поранешната пратеничка од редовите на СДСМ, Фросина Ременски, Миле Јовановски, (таткото на првообвинетиот) и Јасна Мандиќ Ерцеговиќ. Обвинетата Ременски се товари за кривично дело „помагање во делото измама“, Мандиќ за „помагање во измамата и перењето пари“, а Миле Јовановски се товари за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.