меѓународен турнир – Kurir.mk

Меѓународен турнир во пинг-понг „Зегин Опен 2022“ викендов во Берово

Super Admin — Wed, 14 Sep 2022 12:52:29 +0000

Пингпонгарскиот клуб „Зегин“ од Берово викендов (17 и 18 септември) ќе биде домаќин на Меѓународниот турнир во пинг-понг ,,Зегин Опен 2022″. Вкупно пријавени се 76 играчи од Македонија, Бугарија, Грција, Србија и Косово, кои ќе се натпреваруваат во четири категории.

-Натпреварите се во сениорска и јуниорска конкуренција и ќе бидат организирани во две нивоа на натпреварување и тоа квалификации по групи и систем на елиминација. Прво и второпласираните натпреварувачи од групите ќе се пласираат по систем на еднократна елиминација, додека сите натпревари се играат во систем подобар од 5 сетови, полуфинале и финале се играат во систем подобар од 7 сетови, информираа организаторите.

Наградниот фонд на турнирот изнесува 5000 евра, а за сите натпревари ќе бидат ангажирани сертифицирани судии.

-Жрепката е закажана за утре, 14 септември, а носителите на групи ќе бидат поставени согласно ИТТФ ранкинг. Натпреварите ќе започнат со почеток од 9 часот. Со ова се докажува дека Берово и нашиот беровски пингпонгарски клуб „Зегин“ кој е најбрзорастечки клуб во Македонија, полека го зазема приматот на град на пинг-понгот, додадоа организаторите.

Помагател на турнирот е Пингпонгарската Федерација на Македонија, а турнирот целосно се одржува под комплетно спонзорство на компанијата „Зегин“.

Арсовска: Со поддршка за развој на спортот се создаваат нови шампиони

Магдалена Андонова — Sat, 30 Apr 2022 11:20:44 +0000

Денеска во СЦ „Јане Сандански“ градоначалничката на Град Скопје, Данела Арсовска, градоначалникот на општина Бутел, Дарко Костовски и градоначалникот на Општина Аеродром, Тимчо Муцунски го отворија меѓународниот турнир во Таеквондо Скопје ОПЕН 2022. - Имам чест да истакнам дека Град Скопје е поддршка на меѓународниот турнир на кој над 550 учесници, од седум различни држави и повеќе од 30-тина клубови, се натпреваруваат во Скопје по осми пат, истакна градоначалничката Арсовска. Таа во своето обраќање до натпреварувачите истакна дека градот истакнува силна поддршка за развојот на спортот и спортскиот дух особено за младите, подржува проекти и активности за создавање на здрави и спортски навики. - Само преку развој на спортот и поддршка на спортските активности се развиваат успешни млади таленти, кои носат потенцијал за олимписки успеси, како нашиот Дејан Георгиевски, олимпискиот вицешампион во таеквондо, гордост и иднината на спортот за Скопје и Македонија, посочи градоначалничката Арсовска на денешното отворање на меѓународниот турнир.

Четврти Меѓународен турнир во фудбал „Кул Куп 2018“ на 7, 8 и 9 септември (ВИДЕО)

Дарко Андоновски — Fri, 31 Aug 2018 20:28:13 +0000

На 7, 8 и 9-ти септември ќе се одржи четвртиот Меѓународен турнир во фудбал „Кул Куп“ 2018. На купот ќе учествуваат играчи од генерациите 2007, 2008, 2009 и 2010 година. На годинешниот „Кул куп“ ќе земат учество 64 екипи со 1.000 учесници, кои силите ќе ги измерат на терените на Фудбалскиот клуб „Кул“ во Кисела вода и на теренот на Фудбалскиот клуб „Цементарница“, исто така во Кисела вода. На турнирот ќе гостуваат реномирани фудбалски школи од земјава и од странство: „Кул“, „Работнички“, „Вардар“, „Шкендија“, „Војводина“, „Локомотив“ од Пловдив, Бугарија и уште многу други. Овие купови секогаш ги одбележуваат интересни моменти во натпреварите, радост, смеа, солзи, учесници со натпреварувчки дух , пехари, медали, верна публика и уште многу други спортски моменти. Во изминатите години турнирите беа организирани по правилата и пропозициите на детските лиги, а за истите беа задолжени делегати, прволигашки судии и медицински лица. За публиката беа овозможени интересни натпревари, а таа за возврат даваше неизмерна подршка и бодрење на екипите учеснички. Се доделуваат медали и пехари за првите три места во двете генерации, а се доделува и награда за најдобар голман, најдобар играч и најдобар тим. КУЛ КУПОТ со ова четврто издание цели кон тоа да стане традиција, пример за фер плеј игра, размена на искуства помеѓу тренерите, натпреварувачите и сите останати лица кои допринесуваат на свој начин во фудбалот и спортот воопшто, но најголемо искуство стекнуваат организаторите, кои од година во година имаат се поголел мотив за подобра и поуспешна организација за наредната година.