меѓународна помош – Kurir.mk

Меѓународната помош за Украина достигна 15 милијарди долари

Дарко Андоновски — Thu, 03 Mar 2022 16:21:08 +0000

Меѓународната финансиска, техничка и хуманитарна помош обезбедена за Украина изнесува повеќе од 15 милијарди долари, соопшти прес-службата на Народната банка на Украина. „Народната банка проценува дека вкупниот износ на меѓународна финансиска, техничка и хуманитарна помош е над 15 милијарди долари, од кои над 5 милијарди долари се директно за буџетот“, се вели во соопштението на регулаторот. Прес-службата истакна дека западните партнери и меѓународните организации „се обврзаа да одвојат значителни суми за зајакнување на одбранбените капацитети на Украина и поддршка на нејзината економија“. „Конкретно, ЕУ ќе обезбеди 1,2 милијарди евра макрофинансиска помош за Украина. Групата на Светска банка исто така реагира. Се очекува финансирање од ММФ. Значителен број земји најавија поддршка“, се вели во соопштението на Народната банка.

Меѓународна помош почна да пристигнува во Либан, гувернерот ја нарече ситуацијата „апокалиптична“

Магдалена Андонова — Thu, 06 Aug 2020 07:22:45 +0000

Меѓународна помош почна да пристигнува во Либан откако во две огромни експлозии во вторникот вечерта загинаа повеќе од 100 луѓе и над 4.000 се повредени. Експлозиите го уништија пристаништето во главниот град Бејрут и уништија цели населби во градот. Десетици луѓе се исчезнати, а спасувачите продолжуваат да работат, со надеж дека ќе најдат преживеани. – Ситуацијата е апокалиптична, Бејрут никогаш не знаел за такво нешто во својата историја, изјави градскиот гувернер Маруан Абуд, кој се расплака во солзи пред камерите во вторникот кога виде дека пристаништето е уништено. Кувајт вчера соопшти за пристигнување на негов авион во Либан со медицинска помош. Руското Министерство за вонредни ситуации објави дека првиот од четирите авиони со помош слетал во Бејрут. Со него пристигнале екипи за спасување, лекари и медицинска опрема и мобилна болница заедно со 50 спасувачи и медицински персонал. Другите три руски авиони ќе достават лабораториска опрема за тестирање на коронавирус и заштитна опрема, како и друга помош. Франција вчера испрати три авиони со неколку тони медицински материјали. Со нив патува и тим од служби за цивилна заштита. Германија испрати 50 специјалисти од Федералната агенција за помош при катастрофи. Тие синоќа го напуштија Франкфурт со обучени кучиња и 15 тони опрема за откривање на луѓе под урнати згради. Италија испрати пожарникари – специјалисти кои проценуваат хемиски опасности и оштетени згради, а Холандија – хуманитарни работници. Спасувачки екипи беа испратени од Чешка, Грција и Кипар, а Велика Британија вети помош од пет милиони фунти. Египетскиот претседател Абдел Фатах ал-Сиси најави отворање теренска болница во главниот град на Либан. Помош понудиле САД, Турција и Израел, Иран и држави од Персискиот Залив, Тунис и многу други земји, како и ОН, Светската здравствена организација, Црвениот крст и Црвената полумесечина. (MИА)

Мицкоски: Благодарност до унгарската влада, денес стигнува нова меѓународна помош за лекарите и полицајците, ќе предложиме и парична награда за нив

Ивона Петрова — Mon, 06 Apr 2020 07:21:07 +0000

Загрижувачката состојба со корона вирусот не може да остави рамнодушен никого. Токму затоа сметам дека потребно е да се покаже хуманост и да се дејствува, секој во рамките на своите можности и средствата со кои располага. Времето поминато во политиканство и ниски страсти значи пропуштено време да се дејствува и вистински да се помогне. Затоа решив да помогнеме од позиција на опозиција со сите наши сили и онолку колку дозволуваат условите, вели претседателот на ВМРО-ДПМНЕ, Христијан Мицкоски во својот статус на Фејсбук. Тој испраќа посебна благодарност до унгарската влада која во овие тешки моменти за сите, одвоила средства и испратила помош за македонските граѓани. -Денеска пристигнува унгарскиот министер за надворешни работи и голем пријател на Македонија, Петер Сијарто заедно со пакети помош составена од маски и медицински заштитни одела за луѓето во првата линија во борба против пандемијата. Благодарност до премиерот Орбан и до целата влада од која минатата недела побарав, а денес испорача помош значајна за нашите луѓе кои се борат да спасат животи. Воедно благодарност што во услови на затворени граници, ова ќе биде прва официјална посета на земја членка на ЕУ во овие кризни времиња. Пријателите се познаваат во тешките моменти. Истовремено ќе продолжам да лобирам, остварувам контакти и во рамките на можностите да барам помош за нашата земја. Благодарност и до вистинските херои кои се борат на дневна основа за нашето заедничко здравје. Сакам да соопштам дека многу брзо ќе поднесеме и уредба до владата за парична награда за оние кои се вклучени во заштитата на здравјето и борбата против короната. Потребна е поддршка и заедничка грижа за хероите. Се надевам дека целата влада ќе ја поддржат иницијативата, но уште поважно, така заеднички ќе испратиме благодарност до оние кои се вложуваат себе си, за сите нас!, вели Мицкоски.

Катастрофа во Индонезија: Најмалку 1.200 загинати, земјата бара меѓународна помош

Ивона Петрова — Mon, 01 Oct 2018 06:00:09 +0000

Индонезискиот претседател Џоко Видодо упати барање за меѓународна помош по катастрофалниот земјотрес и цунами кои убија над 1.200 луѓе. Потресите и бранот најсилно го погодија островот Сулавези, каде новинарите јавуваат дека во градот Палу најмлаку 300 жртви биле закопани во масовна гробница со цел да се избегне ширење заразни болести. Томас Лембонг, координатор на Индонезискиот инвестициски совет, изјави дека земјата бара помош, но засега не е прецизирано каков вид на помош е најмногу потребнa. МИА