меѓународна потерница – Kurir.mk

Притвор за приведен турски државјанин во Тетово кој се барал со меѓународна потерница за 15 години затвор

Катерина Бојаџиева — Wed, 03 May 2023 07:00:20 +0000

Турски државјанин кој времено престојувал во Тетово е приведен во понеделникот, а вчера судија во претходна постапка му одредил притвор од осум дена поради сомнение дека ја фалсификувал неговата патна исправа и непријавено престојувал во државата. Според информациите на Обвинителството, во текот на истрагата било утврдено и дека 50 годишникот е баран со меѓународна потерница од Турција, каде е осуден на затворска казна од 15 години поради дрога. -Против 50-годишен државјанин на Република Турција Основното јавно обвинителство Тетово, постапувајќи по поднесена кривична пријава, поведе постапка за кривично дело- Фалсификување исправа од член 378 став 3 во врска со став 1 од Кривичниот законик. Осомничениот поседувал фалсификувана турска патна исправа. По предлог на јавен обвинител, судијата на претходна постапка од Основниот суд во Тетово на осомничениот му определи мерка притвор во траење од осум дена. По направените проверки, утврдено е дека за осомничениот има распишана меѓународна потерница од Република Турција, каде е осуден на затворска казна од 15 години за кривично дело - Комерцијализација или набавување на наркотици или стимулативни супстанции согласно турското законодавство. Потерницата е распишана во декември 2022 година, информираше Обвинителството. СВР Тетово информираше дека 50-годишниот А.Ш.од Република Турција околу пладне на 1 мај бил лишен од слобода на улица „29 Ноември" во Тетово поради сомнение дека ја фалсификувал неговата патна исправа. Турскиот државјанин синоќа бил спроведен во КПУ Затвор Скопје за издржување на притворот.

Во Скопје приведен криминалец од Србија баран со меѓународна потерница

Ивана Ефремовски — Fri, 16 Dec 2022 12:30:11 +0000

На 16.12.2022 полициски службеници од Одделот за криминалистичка полиција, Сектор за општ и насилен криминал, Сектор за меѓународна полициска соработка – Одделение за потраги и Единица за интервентна полиција при СВР Скопје во угостителски објект на подрачјето на Карпош во Скопје го лиши од слобода С.П.(51) од Р.Србија. За него била распишана меѓународна потерница со која се барал за издржување на затворска казна во Србија во времетраење од 3 години. Лицето ќе биде предадено за понатамошна постапка.

Италија распиша меѓународна потерница по Робињо

Дарко Андоновски — Tue, 15 Feb 2022 14:57:53 +0000

Италијанското обвинителство после еден месец откако беше потврдена девет годишната затворска казна за силување за бразилската легенда Робињо, официјално распиша меѓународна потерница, но поранешниот фудбалер на Реал Мадрид и Милан тешко дека ќе биде екстрадиран на Апенините, освен ако не го напушти Бразил. Робињо беше осуден на девет години затвор за силување на млада Албанка во Милано во 2013 година додека играше за „росонерите“, а пред еден месец Апелацискиот суд ја потврди првостепената пресуда, но Италија не може да го добие Робињо за одлежување на казната, зашто нема договор за екстрадиција со Бразил, кој свои државјани не ги екстрадира во други земји. Италијанците се надеваат дека Бразил ќе го уапси Робињо врз база на пресудата и дека поранешната ѕвезда ќе ги одлежи годините затвор во својата земја, но засега од тоа нема ништо, па сега е распишана меѓународна потерница со која Бразилецот би бил уапсен секаде ако ја напушти својата татковина. Робињо беше еден од неколкумината силувачи кои ја нападнале младата девојка во еден ноќен клуб и ја силувале.

Македонец уапсен во Драч баран со меѓународна потерница, бил осуден на четири години затвор

Магдалена Андонова — Sat, 21 Aug 2021 13:18:03 +0000

Државјанин на Р Македонија баран со меѓународна потерница издадена од македонските власти, албанската полиција го уапси во пристаништето Драч, при обид да ја напушти албанската територија. – На излез на граничниот премин во Драч, службите на граничната полиција, како резултат на зголемените мерки и размена на информации со Интерпол Тирана, го приведоа М.О. (32) државјанин на Македонија, баран со меѓународна потерница, стои во полициското соопштение. Се наведува исто така дека за време на обработката и верификацијата на податоците во системот, овој граѓанин се покажало како меѓународно барано лице, откако Судот против организиран криминал и корупција во Македонија го осудил на четири години затвор за кривично дело „илегална организација на имиграција“. Полицијата информира дека на крајот од истражните дејствија на стручните лица на одделот за истраги на криминал при полицискиот комесаријат Драч, извршиле привремено апсење на ова лице, со цел негова екстрадиција во Македонија. Ова е последователен случај во кој албанската полиција апси македонски државјанин баран со меѓународна потерница. На 19 минатиот месец на преминот Тушемиште – Свети Наум, на албанско – македонската граница, при влез во Албанија ја уапси А.М.(35) жителка на Охрид, барана со меѓународна потерница, издадена од норвешките власти, поради „семејно насилство и киднапирање“. Претходно на 11 – ти истиот месец на граничниот премин Ќафасан, кај Струга, исто така при влез на албанска територија, уапсен беше Ф.В. (39), жител на село Велешта-Струга. Против него шестиот федерален кривичен суд во Рио де Жанеиро, Бразил, издал налог за апсење за кривично дело „трговија со наркотици“. Три дена подоцна на преминот Морина, пак, на албанско – косовската граница, кај Кукс, службите на албанската гранична полиција, го уапсија Џ.Ф. (38), жител на Скопје, баран со меѓународна потерница, за кривични дела „кражби“ и „трговија со наркотици“, распишана од белгиските власти.

Апсење рано утринава во Арачиново

Ивона Петрова — Fri, 30 Jul 2021 07:55:12 +0000

Од страна на полициски службеници од Единицата за внатрешни работи-ОКР Кисела вода, Отсек за потраги, рано утринава во содејство со Специјалната антитерористичка единица, во угостителски објект во с.Арачиново, лишен е од слобода С.Ј.(43) од с.Арачиново, информира МВР. С.Ј. се барал по распишана меѓународна потерница и наредба издадена од Казнено-поправната установа Идризово, за доиздржување на казна затвор од 3 години 5 месеци и 8 дена. Тој бил осуден на затворска казна од вкупно 6 години и 6 месеци за меѓународна недозволена трговија со наркотици, во врска со чл.215 ст.3 од Кривичниот законик. С.Ј. ќе биде предаден во Казнено-поправната установа Идризово за доиздржување на казната.

Македонски државјанин осуден и баран со потерница уапсен во Ќустендил

Ивона Петрова — Fri, 23 Apr 2021 09:50:43 +0000

Судот во Ќустендил во Бугарија му изрече мерка притвор на Е.Н. (52) државјанин на Северна Македонија кој е во постапка за екстрадиција, јави дописникот на МИА од Софија. Како што соопшти Окружното обвинителство во градот, лицето било приведено од полицијата на барање на судските органи на Северна Македонија. -Тој е осуден од Основниот суд во Скопје на три години затвор за измама и е распишана меѓународна потерница по него. Осуденикот довел во заблуда друго лице при купување автомобил БМВ, стои во соопштението. До екстрадицијата во Северна Македонија Е.Н. ќе го издржува притворот во затворот Бобов Дол.

Распишана меѓународна потерница за недостапните во акцијата „Планина“

Дарко Андоновски — Tue, 30 Mar 2021 10:49:26 +0000

Основното јавно обвинителство за гонење на организиран криминал и корупција во континуитет продолжува со истрагата поврзана со предметот Планина. Во рамки на дејствијата кои се преземаат се утврдуваат факти во предметот. Во моментов, во интерес на постапката е да не се споделуваат детали со јавноста. Кога ќе се создадат услови, обвинителството ќе извести за сознанијата и за преземените дејствија за натамошниот тек на кривичната постапка. Воедно , Ве известуваме дека за сите осомничени кои не беа пронајдени при акцијата и кои во моментов се недостапни на органите на прогонот, распишана е меѓународна потерница.

Приведен криминалец од тетовско баран со меѓународна потерница

Ивона Петрова — Tue, 15 Dec 2020 09:19:11 +0000

На 14.12.2020 во 10:30 часот полициски службеници од Секторот за меѓународна полициска соработка -Отсек за потрага со асистенција на Единицата за специјални задачи во село Требош-тетовско го приведоа Р.Ф. (47) од с.Требош Tој се барал со меѓународна потерница од Основен суд Тетово во врска со чл.418а ст.2 од КЗ на РСМ. Лицето е спроведено во казнено поправна установа.

Гостиварец баран со меѓународна потерница уапсен на Ќафасан

Магдалена Андонова — Sun, 27 Sep 2020 15:58:24 +0000

Гостиварец кој се барал со меѓународна потерница издадена од Хрватска е уапсен на граничниот премин Ќафасан на макеоднско-албанската граница кај Струга. „Граничната полиција, како резултат на засилените контроли и благодарение на соработката со Интерпол Тирана, идентификува и уапси, со цел екстрадиција, македонски државјанин со висок општествен ризик, баран со меѓународна потерница од хрватските правосудни органи“, стои во соопштението од албанската полиција, пренсе МИА. Се наведува дека е приведен Т.Ј. (35) од Гостивар кој на 26 август 2015 е осуден на 10 години затвор за кривични дела структурирана криминална група и производство и продажба на наркотици, но успеал да ја напушти Хрватска во 2018 година. Јашари е уапсен при контрола на документите за влез на албанска територија. За понатамошно дејствување надлежен е судот во Подградец, кој ќе ја информира и Канцеларјата на Интерпол Тирана со цел негова екстрадиција во Хрватска.

Што е различно во МВР: Потерницата за Агим Красниќи издадена дупло побрзо од онаа за Игор Спасов?

Ивона Петрова — Fri, 07 Feb 2020 12:20:36 +0000

Агим Красниќи, Сехат Рамадани и Игор Спасов се првите три лица кои се објавени во делот „Потраги“ на интернет страната на Министерството за внатрешни работи. Заедничко за сите тројца е што се бараат со меѓународни потерници и се избегани од затворот во Штип. Но, институционалниот третман за овие осуденици се разликува. Прашањето кое повторно се актуелизира во јавноста по бегството на Красниќи и Рамадани и реакцијата на МВР е дали на Спасов му беше даде дополнително време за бегството? Што е различно во тогашното и сегашното МВР? Една работа е сигурна, тогаш министер беше Оливер Спасовски, а сега со министерството раководи Наќе Чулев. Красниќи и Рамадани кои се осудени за злосторничко здружување и поседување оружје и други кривични дела во понеделникот не се вратија во затворот во Штип, каде ги издржуваат казните, а по добиениот слободен викенд. По пријавата и извршените проверки, МВР итно распиша меѓународни потерници за двајцата. Во случајот со специјалецот Спасов, осуден за убиството на Мартин Нешковски, МВР под водство на Оливер Спасовски долго проверуваше дали можеби ќе го пронајде Спасов пред да ја распише меѓународната потерница, а по која и денес се бара. Спасов за стореното кривично дело беше осуден на 14 години затворска казна која почна да ја издржува во 2011 година. Поради здравствени проблеми во 2018-тата тој добива прекин на казната, а за доиздржување на истата треба да се јави во штипскиот затвор на 18 октомври 2019 година. Десет деца подоцна, на 28 октомври минатата година, МВР откако не го наоѓа Спасов на подрачјето каде живее распишува национална потерница за него. Ден подоцна, односно 11 дена по неговото непојавување „специјалецот“ се бара со меѓународна потерница. По бегството на Спасов, се погласно се слушаа прашањата на граѓаните зошто тој е пуштен од затвор. -Дури и поранешниот висок функционер на СДСМ, Владимир Милчин преку социјалните мрежи го поздрави тогашниот премиер Зорав Заев дека тој и Спасов се на „правиот пат“. „Или у превод он е на правиот пат, ние не сме !!!“ – стои во објавата на Милчин. Имено, Заев при посета на затворот „Идризово“ во 2017 година беше фотографиран како се поздравува со Спасов со кој разменил и по некој збор. Иако по неговото бегството, Спасовски велеше дека МВР не е надлежно, Заев во дадена изјава очекуваше МВР да го пронајде. -Очекувам истрагата да покаже каде е човекот. Прочитав од медиумите за бегството, институциите постапуваат според законот. Било кој човек кој издржува казна има право на викенд.Постапено е согласно сите процедури и очекувам МВР да утврди каде е. Верувам дека истрагата ќе дознае бргу што се случува – уверуваше Заев кој повторно ги излажа граѓаните.