меѓународни летови – Kurir.mk

Велика Британија подготвува план за забрана на меѓународните патувања

Ивона Петрова — Tue, 05 Jan 2021 09:35:32 +0000

Разгледуваме дополнителни опции за тоа како да се спречат меѓународните патувања, изјави денеска британскиот државен секретар Мајкл Гоув. Британската Влада соопшти дека наскоро ќе бидат објавени планови за нови ограничувања на границите, што ќе бидат воведени со цел да се спречи понатамошно ширење на коронавирусот. – Ќе ја информираме јавноста многу брзо за нови предлози за тоа како да се осигури безбедноста на нашите граници. Ние сакаме да им испратиме јасна порака на нашите сограѓани дека не треба да патуваат, нагласи Гоув.

Русија од 1 август продолжува со меѓународните летови

Дарко Андоновски — Fri, 24 Jul 2020 14:09:09 +0000

Русија од 1 август продолжува со некои меѓународни летови, изјави руската вицепремиерка Татјана Голикова, но списокот на дестинации ќе биде ограничен на Танзанија, Турција и Велика Британија. Меѓународните летови беа приземјени на 30 март, по воведувањето на карантин заради поефикасна борба против ширењето на коронавирусот, од кој досега во земјата се заразија 800.000 лица. Голикова кажа дека, со оглед на намалувањето на бројот на заразени, Русија продолжува со летови од аеродромите во Москва, Санкт Петербург и Ростов на Дон. Од 1 август продолжуваат летовите за Лондон во Велика Британија, турските градови Истанбул и Анкара и островот Занзибар, во Танзанија. -Од 10-ти август ќе бидат додадени повеќе туристички дестинации во Турција, соопшти Голикова. Таа додаде дека Русија ќе се погрижи продолжувањето на летовите „да не доведе до нови увезени случаи на руска територија“.

Нов Зеланд ограничува места на меѓународни летови

Ивона Петрова — Tue, 07 Jul 2020 05:34:49 +0000

Владата на Нов Зеланд ги ограничува местата на меѓународните летови, како дел од мерките за борба против новиот коронавирус, јави ДПА. Авиокомпанијата „Ер Њу Зеланд“ се согласи да суспендира краткорочно нови резервации за летови. Ова ќе и овозможи на Владата безбедно да ги смести оние кои се враќаат дома на места за изолација и карантин. Сега има речиси 6.000 луѓе во 28 изолациски центри во земјата, а од март досега, повеќе од 26.400 луѓе поминале низ изолација и карантин во државата. Властите поставија цел да го запрат ширењето на вирусот на границата, така што секој кој ќе се врати мора да оди во карантин или изолација во одредени области. Властите не сакаат да градат места за карантин, поради што постои ограничување на местата на меѓународните летови.