Мејсон Гринвуд – Kurir.mk

За Гринвуд има интерес од англиски и странски клубови

Ивона Петрова — Wed, 23 Aug 2023 20:24:02 +0000

Крилниот напаѓач на Манчестер јунајтед, Мејсон Гринвуд е баран на трансфер пазарот. Пред два дена Манчестер јунајтед ги сумираше резултатите од внатрешната истрага за наводите за силување на неговата девојка од страна на играч и заклучи дека Гринвуд е невин. Сепак,играчот од средниот ред го напушта клубот. Според „ESPN“, Јунајтед е свесен за интересот за 21-годишниот Англичанец и од англиските клубови и од странство. Манчестер јунајтед сака веднаш да го продаде играчот или да го испрати на позајмица.

Јунајтед објави детали за судбината на Гринвуд на „Олд Трафорд“

Ивона Петрова — Mon, 21 Aug 2023 15:57:18 +0000

Манчестер јунајтед излезе со соопштение за иднината на крилниот напаѓач Мејсон Гринвуд. Клубот ја заврши внатрешната истрага за обвинувањата против играчот. - Сите вклучени, вклучително и Мејсон, ги признаваат тешкотиите за продолжување на кариерата во Манчестер јунајтед. Затоа, меѓусебно е договорено дека би било најсоодветно тоа да го направи надвор од „Олд Трафорд“ и сега ќе работиме со Мејсон за да го постигнеме тој резултат, се вели во соопштението на клубот. Последен пат 21-годишниот фудбалер излезе на теренот на почетокот на 2022 година. Во јануари Гринвуд беше приведен под обвинение за силување и насилство врз девојката. Во февруари 2023 година, беше објавено дека полицијата го затворила „случајот Гринвуд“.

Јунајтед во септември ќе одлучува за иднината на Гринвуд

Ивона Петрова — Mon, 14 Aug 2023 15:01:31 +0000

Стана познато кога Манчестер јунајтед ќе ја објави одлуката за иднината на напаѓачот Мејсон Гринвуд, објави „The Athletic“. Раководството на тимот од „Олд Трафорд“ планирало да одлучи за иднината на 21-годишниот Англичанец пред почетокот на сезоната 2023/24, но на крајот одлуката била одложена до септемвриската пауза за меѓународни натпревари. Последен пат Гринвуд излезе на терен на почетокот на 2022 година, а набргу потоа беше приведен под обвинение за силување и насилство врз неговата девојка. На 2 февруари 2023 година, се дозна дека тамошната полиција го затворила случајот по обвинението на фудбалерот, но тој не се вратил во Манчестер јунајтед, бидејќи клубот започнал внатрешна истрага за ситуацијата.

Мејсон Гринвуд ќе оди на позајмица во Аталанта

Бошко Тасиќ — Sat, 08 Jul 2023 06:26:10 +0000

Како дел од дилот во кој Расмус Хојлунг треба да се пресели од Аталанта во тимот на Манчестер Јунајтед, информациите се дела Мејсон Гринвуд треба да се упати накај Бергамо. Проблематичниот напаѓач едвај се извлече од затвор, откако беше обвинет за насилство од страна на неговата девојка, па изминатиов период мислеше на се само не на фудбал. Тој проблем за него имаше среќна завршница, па сега Гринвуд кој сеуште е екстремно млад бара решение како да ја продолжи неговата кариера.

Гринвуд пуштен со кауција од притвор

Ивона Петрова — Wed, 19 Oct 2022 11:34:30 +0000

Фудбалерот на Манчестер јунајтед, Мејсон Гринвуд, е пуштен од притвор, откако судот денеска му ја одобри поднесената гаранција по приватно сослушување. Гринвуд (21) беше уапсен минатиот викенд под обвинение дека ги прекршил условите за гаранцијата, додека прв пат беше лишен од слобода кон крајот на јануари оваа година кога беше осомничен за физички напад, силување и закани за убиство. На обвинителниот акт претходеа фотографии и видеоснимки објавени на социјалните мрежи на кои се гледа девојка со раскрвавено лице и бројни модринки по телото со порака:„За сите кои сакаат да знаат што навистина работи Мејсон Гринвуд“. Во истиот момент Манчестер јунајтед го суспендираше својот фудбалер на неодредено време, а компанијата „Најк“ го раскина спонзорскиот договор со него. Гринвуд и неговиот адвокатски тим сè уште не ги коментирале обвинувањата.

Уапсен фудбалерот на Манчестер јунајтед Мејсон Гринвуд

Бошко Тасиќ — Sun, 16 Oct 2022 06:11:19 +0000

Мејсон Гринвуд (21) не игра за Манчестер јунајтед од почетокот на календарската година, откако е обвинет за напад и силување на девојка и така ќе биде до завршување на истрагата, а сега се најде во друг проблем. Неофицијално, причината поради која полицијата го уапсила младиот англиски репрезентативец е тоа што цело време ги прекршил условите за кауција под кои сето време беше на слобода. Еден од условите бил Гринвуд поради која било причина да не контактира со наводната жртва на силување (18), а се чини дека токму тоа го направил и затоа полицијата итно реагирала. Полицијата веднаш тропнала на вратата на Гринвуд и откако било утврдено што направил, тој поминал три ноќи во полициска станица. Младиот фудбалер е осомничен дека ја тепал, силувал и се заканувал дека ќе ја убие својата жртва, а оттогаш повеќето спонзори ги раскинале договорите со него, меѓу кои и „Најк“, чие лице требаше да биде. Манчестер јунајтед го суспендираше Гринвуд и неговата кариера сега е под голем знак прашалник бидејќи една година е без натпревари, а сегашната требаше да биде сезоната во која требаше да се „пробие“ и да докаже зошто е голем фудбалски талент.

Уште еден пропаднат англиски талент – Гринвуд повторно уапсен

Ристе Здравков — Sat, 15 Oct 2022 11:45:49 +0000

Младиот англиски фудбалер, Мејсон Гринвуд повторно е уапсен, под сомнение дека ги прекршил условите да биде пуштен на слобода со кауција по сомнежите за силување, физички напад и закани за убиство. Ѕвездата на јунајтед наводно ја контактирала својата жртва со што ја прекршил кауцијата. Гринвуд беше уапсен во јануари откако брутално ја претепал и силувал неговата девојка. Од тогаш Гринвуд е надвор од тимот на „црвените-ѓаволи“ и по се изгледа ќе биде уште еден англиски талент кој ќе пропадне поради работи надвор од фудбалските терени.

ПО ГОЛЕМИОТ СКАНДАЛ: Навивачите на Јунајтед можат бесплатно да ги заменат дресовите од Гринвуд

Ивона Петрова — Thu, 03 Feb 2022 09:01:52 +0000

Навивачите на Манчестер јунајтед ќе можат бесплатно да ги заменат своите дресови со името на Мејсон Гринвуд, објави „Дејли мејл“ повикувајќи се на портпарол на клубот. Вчера 20-годишниот Англичанец беше пуштен од притвор со кауција. Тој е осомничен за физички напад, сексуален напад и смртни закани кон неговата девојка. Во понеделникот, клубот ја отстрани целата продукција поврзана со Гринвуд од клупскиот сајт, при што некои навивачи ги вратија вo фаншопот на Јунајтед со името на напаѓачот.

Обвинет за насилство и силување: Фудбалерот на Манчестер јунајтед со кауција излезе од притвор?

Тале Кристо — Wed, 02 Feb 2022 14:10:39 +0000

Младиот фудбалер на Манчестер јунајтед, Мејсон Гринвуд, со кауција излезе од притвор. Гринвуд заврши зад решетки, откако неговата девојка го обвини за физичко насилство и силување. Тој ќе биде на слобода додека трае истрагата. Гринвуд првично беше приведен во неделата откако неговата 18-годишна девојка, Хериет Робсон, на социјалните мрежи објави вознемирувачки видеа, фотографии и аудио-снимки од физичкиот напад. Веднаш по апсењето Манчестер јунајтед објави дека фудбалерот е суспендиран и дека нема да учествува во клупските активности додека трае истрагата.

Мејсон Гринвуд е уапсен поради обвинение за насилство и силување

Бошко Тасиќ — Sun, 30 Jan 2022 19:18:48 +0000

Полицијата во Манчестер потврди дека уапсила една личност по обвиненијата против напаѓачот на Манчестер јунајтед, Мејсон Гринвуд. Британските медиуми тврдат дека младиот англиски репрезентативец е уапсен по објавите на социјалните мрежи на неговата долгогодишна девојка Хериет Робсон. Робсон објави серија на фотографии од нејзините повреди од нападот од Гринвуд, и аудио-снимка во која го обвинува фудбалерот за физички, но и сексуален напад. Манчестер Јунајтед веднаш реагираа со објава дека тој е суспендиран и нема да тренира, ниту да игра со тимот, а дел од соиграчите на 20-годишниот Англичанец го „избришаа“ од социјалните мрежи. По истрагата можеме да потврдиме дека еден маж од 20-тина години е уапсен со сомнеж за силување и напад“, објави полицијата во Манчестер. Според британските закони, пресуда за силување носи максимална казна од доживотен затвор, а минимална од 5 години затвор.