Мејсон Маунт – Kurir.mk

Маунт ќе пропушти 4 – 6 недели поради повреда

Дарко Андоновски — Thu, 24 Aug 2023 08:04:36 +0000

Фудбалерот од средниот ред на Манчестер јунајтед, Мејсон Маунт ќе пропушти повеќе време отколку што беа првичните прогнози. Според прес-службата на клубот од „Олд Трафорд“ 24-годишниот Англичанец поради повреда на тетивата добиена на мечот од 2. коло на Премиер лигата со Тотенхем (0:2) ќе отсуствува помеѓу четири и шест недели. Така, тој може да пропушти до осум натпревари на својот тим. Маунт му се приклучи на Манчестер јунајтед ова лето од Челзи, потпишувајќи петгодишен договор со опција за продолжување на уште една сезона.

Манчестер јунајтед се засили со Маунт

Тале Кристо — Wed, 05 Jul 2023 11:47:01 +0000

Манчестер јунајтед денес го објави трансферот на играчот од средниот ред на Челзи, Мејсон Маунт. Претходно беше објавено дека 24-годишниот Англичанец ќе потпише договор со „црвените ѓаволи“ според шемата 5+1. Маунт потекнува од младинската школа на Челзи. За „Сините“ од Лонодн забележа 195 настапи, постигна 33 гола и 37 асистенции. Во сезоната 2022/23, играчот од средниот ред постигна три гола и шест асистенции на 35 натпревари за тимот.

Баерн Минхен се вклучи во трката за потпис со играчот на Челси

Бошко Тасиќ — Sun, 25 Jun 2023 06:38:50 +0000

Откако англискиот фудбалски тим Манчестер Јунајтед и официјално се откажа од ангажирање на Мејсон Маунт по одбивањето на третата понуда од страна на Челси, друг фудбалски гигант се вклучи во потписот на англискиот репрезентативец, Баерн Минхен. Тренерот на Баерн, Томас Тухел, кој му беше тренер на Маунт во Челси, побарал од челниците на германскиот шампион да му го донесат на „Алијанц арената“. Првата официјална понуда со која ќе се испита пулсот на Сините, Баерн планира да ја упати во наредните денови.

Јунајтед постигнал договор со Маунт

Ристе Здравков — Thu, 01 Jun 2023 07:22:30 +0000

Манчестер јунајтед е на пат да го обезбеди своето прво летно засилување. Се очекува Маунт во блиска иднина да стане член на тимот на Ерик тен Хаг. Како што пренесува британски „Телеграф“, фудбалерот ги договорил личните услови со клубот од „Олд Трафорд“. Сега останува клубовите да го договорат обесштетувањето. Сумата која треба да ја плати Манчестер јунајтед веројатно нема да биде поголема од 40 милиони евра, бидејќи Маунт влегува во последната година од договорот. Интерес за Маунт покажаа и Ливерпул, односно Арсенал. Во исто време, Челзи му даде зелено светло на играчот од средниот ред Матео Ковачиќ да преговара со Манчестер Сити. Тоа е јасен сигнал за почеток на продажба на одредени играчи на Челзи, пред новиот менаџер Маурисио Покетино да тргне на засилувања.

Јунајтед во трка со Ливерпул и Њукасл за Маунт

Бошко Тасиќ — Fri, 10 Mar 2023 05:58:15 +0000

Неколку англиски медиуми јавуваат дека започнала трансфер трката за потписот на одличниот англиски репрезентативец од редовите на Челси Мејсон Маунт. Уште пред два месеца се појави информација дека Манчестер Јунајтед е сериозно заинтересиран за неговите услуги, но кон трката сега сериозно се приклучуваат уште два клуба, Ливерпул и Њукасл. „Ѓаволите“ наводно се подготвени да платат за Маунт околу педесет милиони евра, но голема е веројатноста дека оваа сума нема да ја задоволи управата на Челзи.

Нов договор за Мејсон Маунт

Бошко Тасиќ — Sat, 19 Nov 2022 06:48:34 +0000

Челси и Мејсон Маунт се блиску до продолжување на соработката со нов долгогодишен и далеку побогат договор, пренесуваат англиските медиуми. Се очекува потписот да биде ставен по завршувањето на Мундијалот. Маунт потекнува од младинската школа на Челси, а добиената шанса во првиот тим ја искористи беспрекорно. Досега одигра 181 натпревар за „сините“ во сите конкуренции на кои постигна 32 гола и 37 асистираше до соиграчите. Добрите настапи го примамија интересот и од останатите великани на европскиот фудбал, но тој самиот сака да остане во клубот од детството. Како потсетување, претходно договорот до 2028 година го продолжи и Рис Џејмс, а ваков потпис се очекува и од Маунт.