Мекдоналдс ресторан – Kurir.mk

ВИДЕО: Маж уапсен за неколку случаи со пуштање глувчиња во ресторани на „Мекдоналдс“ во Бирмингем

Дарко Андоновски — Thu, 02 Nov 2023 08:02:33 +0000

Во Велика Британија, 32-годишен маж е уапсен во врска со неколку случаи на пуштање живи глодари во рестораните на „Мекдоналдс“ во Бирмингем, Англија. Полицијата соопшти дека следи распит на втор човек, идентификуван како Билал Хусеин (30), во врска со инцидентите, коишто се чини дека се протести поврзани со конфликтот во Газа. На видео коешто се шири на интернет, може да се видат гости во ресторан како панично скокаат додека околу нив трчаат глувци обоени во боите на палестинското знаме. Пропалестинските активисти, наводно, повикале на протести против „Мекдоналдс“, откако нивен ресторан во Израел дарувал храна за израелски војници и безбедносниот персонал, preneuva „Телеграф". Полицијата соопшти дека инцидентите се третираат како прекршоци на јавниот ред.

„Мекдоналдс“ привремено ги затвора своите канцеларии во САД како подготовка за намалување на администрацијата

Дарко Андоновски — Mon, 03 Apr 2023 08:21:41 +0000

Американскиот синџир за брза храна „Мекдоналдс“ (McDonald’s) неделава привремено ќе ги затвори своите канцеларии во САД и ќе го намали бројот на административниот персонал, објави „Волстрит џурнал“. Весникот наведува дека раководството на корпорацијата минатата недела испрати интерна е-пошта до своите вработени во САД и нивните колеги во странство. Од нив е побарано да работат од дома од денеска до среда, за да може Мекдоналдс да ги извести за отказите, не лично, туку преку електронска порака. Сè уште не е познато колку вработени ќе добијат отказ. - Во текот на неделата што започнува на 3 април, ќе ги објавиме клучните одлуки поврзани со бројот на вработени и работните должности во компанијата, објави корпорацијата, со седиште во Чикаго. Претстојните отпуштања се дел од планот за реструктурирање на работењето на „Мекдоналдс“. Во јануари, синџирот за брза храна соопшти дека ќе го „преразгледа бројот на вработени“ поради ажурираната деловна стратегија. Ова може да доведе до отпуштања во некои одделенија и проширување на операциите во други, објави „Мекдоналдс“.

Откако овој светски бренд објави дека се повлекува од државата, русите „спобудалеа“ – километри возила чекаат на ред само поради ова (ФОТО)

Дарко Андоновски — Thu, 10 Mar 2022 09:20:18 +0000

Русите синоќа побрзаа во Мекдоналдс откако компанијата објави дека се повлекува од Русија. На социјалните мрежи се проширија снимки од колони автомобили пред продавниците на руските Мекдоналдси, како и фотографии од редови луѓе кои чекаат на студ да дојдат до Биг Мек додека можат.

In #Russia, people lined up at McDonalds pic.twitter.com/TQtsxndibi
— NEXTA (@nexta_tv) March 8, 2022

Мекдоналдс вчера објави дека привремено ги затвора сите 847 ресторани во Русија како одговор на руската инвазија на Украина. Извршниот директор Крис Кемпчински рече дека синџирот ќе го паузира работењето во Русија, но ќе продолжи да ги плаќа своите руски вработени, а непрофитната организација „Роналд Мекдоналд Хаус“ ќе продолжи да работи.

НА ДЕНЕШЕН ДЕН: Отворен првиот Мекдоналдс ресторан во Македонија

Ивона Петрова — Tue, 07 Sep 2021 06:35:31 +0000

Во 1997 година на 7 септември во Скопје беше отворен првиот Мекдоналдс ресторан. Во Македонија имаше седум ресторани со околу двесте вработени, а во светот има повеќе од 37.000 Мекдоналдс ресторани. Првите ресторани ,,Мекдоналдс’’ се отворија во САД, Канада, Костарика, Панама, Јапонија, Холандија, Германија, Австралија, Франција, Ел Салвадор и Шведска. Во Македонија Мекдоналдс рестораните се затворија во 2013 година. Сега, по цели 8 поминати години, има најави дека интернационалиот гигант за брза храна повторно се враќа во Македонија.