Мекензи Скот – Kurir.mk

Се разведе од најбогатиот човек на светот, па сега милијардерката подарува половина од своето богатство- еве за што

Катерина Бојаџиева — Tue, 15 Jun 2021 20:23:06 +0000

Поранешната сопруга на основачот на Амазон и најбогат човек на светот, Џеф Безос, Мекензи Скот денеска изјави дека ќе донира 2,74 милијарди долари за уметнички групи и здруженија кои се борат против расната дискриминација. Според магазинот Форбс, милијардерката Скот (51) поседува речиси 60 милијарди долари и ветила дека ќе донира половина од своето богатство во добротворни цели. Скот, која во меѓувреме се омажи за професорот Ден Џуит, изјави дека таа и нејзиниот сопруг биле „водени од верувањето дека ќе биде подобро непропорционалното богатство да не биде во рацете на само неколку луѓе“. Милијардерката претходно веќе донираше околу шест милијарди долари за да им помогне на оние кои се економски најпогодени од епидемијата на коронавирусот, а потоа кажа дека сака да ја намали нееднаквата распределба на богатството. Парите што ќе ги донира сега ќе бидат дадени, меѓу другите, на Аполо театарот во Њујорк, американскиот Фонд за одбрана на децата, одделите на универзитетите во Калифорнија, Флорида, Тексас и Илиноис, како и на групите за социјална правда (Race Forward, Borealis Philanthropy).

Ова е најбогатата жена на светот- парите ги стекнала по разводот со сопругот

Дарко Андоновски — Wed, 02 Sep 2020 11:36:49 +0000

Писателката филантроп Мекензи Скот е најбогатата жена на светот. По разводот со Џеф Безос, таа доби четири отсто од акциите во „Амазон“. Најбогатиот Американец, Џеф Безос пред само неколку дена официјално стана првиот човек чие богатство стигна до 200 милијарди. Според здружението „Американци за фер данок“, за време на корона-кризата, богатството на поистакнатите милијардери во САД пораснало за 25 отсто, односно за вкупно 800 милијарди долари. Според извештаите, имотот на Илон Маск, сопственик на „Тесла“ и „Спејс-Икс“, е трипати „потежок“ во однос на март. Минатиот месец, невработеноста во САД падна на 10,2 отсто, но сѐ уште, на неделно ниво, милион Американци поднесуваат барање за бенефиции за невработени.

Поранешната сопруга на Безос донираше повеќе од 1,7 милијарди долари

Ристе Здравков — Wed, 29 Jul 2020 12:30:44 +0000

Мекензи Скот, поранешната сопруга на Џеф Безос, соопшти дека донирала речиси 1,7 милијарди долари за добротворни цели во повеќе од 100 здруженија. Откако минатата година се развела од Безос, основачот на „Амазон“, не ѝ било лесно, напишала Мекензи во подолг статус на социјалната мрежа. Таа побарала помош од група советници поврзани со непрофитни организации кои се занимаваат со човекови права, заштита на животната средина и социјални прашања.

Following up on the commitment I made last year to give away the majority of my wealth in my lifetime: https://t.co/Ocb8eU5UR1. (Note my Medium account is under my new last name -- changed back to middle name I grew up with, after my grandfather Scott.)
— MacKenzie Scott (@mackenziebezos) July 28, 2020

„Нема сомнение дека секој финансискиот успех е резултат на групна работа и социјални структури кои обезбедуваат можности за некои и пречки за други“, напиша Скот. „Како и многумина, бев сведок на првата половина на 2020 година со ужас во очите и скршено срце. Животот никогаш нема да престане да наоѓа нови начини за покажување нееднаквост во општеството“, напиша таа. „Хафпост“ пишува дека Скот донирала над 586 милиони долари на здруженија кои се занимаваат со иницијативи за расна еднаквост, 46 милиони долари на здруженија на ЛГБТК-здруженија, 133 милиони долари на здруженија кои се занимават со родова еднаквост и 125 милиони долари за решавање на климатските промени. Нејзиниот поранешен сопруг сè уште не донирал толку многу пари, но најави дека ќе донира неколку милијарди оваа година.