мел гибсон – Kurir.mk

(ФОТО) МЕЛ ГИБСОН НА ЌЕБАПИ ВО САРАЕВО Холивудскиот актер го посетил познатиот ресторан

Ристе Здравков — Mon, 03 Jul 2023 08:04:44 +0000

Екипата од ресторанот Брајловиќ во Сараево на Инстаграм објави фотографија со лик кој по малку наликува на холивудската легенда Мел Гибсон. „Во друштво на најголемата фаца на Холивуд. Преговори за снимање акционен сет со нас, а Сеја игра споредна улога. Ние останатите сме статисти и акробати“, напишале од ресторанот и ја означиле фан-страната на Мел Гибсон. Набргу бројни медиуми објавија дека Мел Гибсон дошол во Сараево да јаде ќебапи, но славниот актер синоќа бил виден во Лас Вегас. И сега никому не му е јасно што се случи овде. Очигледно е дека мажот на фотографијата не е Мел Гибсон, но сопругата на сопственикот на ресторанот Сеја Брајловиќ наводно тврдела дека на фотографијата навистина е познатиот актер. Понатаму, дали персоналот во ресторанот бил измамен од некој тип кој личи на Мел Гибсон или решиле да се шегуваат на Инстаграм? Не е познато, но коментарите на Сараевчани под фотографијата се урнебесни. „Ликот ве измами, бесплатно јадел и пиел“, „Ако е ова Мел Гибсон, јас сум Бред Пит“, „Мел Гибсон од Фоча“, „Овој повеќе личи на Драган Дабиќ отколку на Мел Гибсон“ , пишуваат корисниците на Инстаграм. ФОТО: Инстаграм

Мел Гибсон ќе го режира „Смртоносно оружје 5“

Катерина Бојаџиева — Wed, 17 Nov 2021 11:49:42 +0000

Мел Гибсон ќе го режира и ќе глуми во петтиот филм од серијалот „Смртоносно оружје“, чие снимање ќе почне следната година, објави „Сан“, додавајќи дека глумецот го најавил тоа во изјава за новинарите во Лондон. За „Смртоносно оружје 5“ се зборува уште од 2020. Во декември таа година режисерот на претходните четири филма Ричард Донер потврди дека ќе сними нов дел од серијалот. Сепак, Донер почина на 91-годишна возраст во јули оваа година, но се чини, му оставил аманет на Гибсон да го доврши проектот. – Ричард Донер беше одличен човек. Работеше на сценариото и отиде доста напред во тоа. И еден ден ми рече: „Слушај, дете, ако умрам, ти ќе го направиш тоа“. Му реков: „Молчи!“ Но, тој почина. Кога ме замоли да го направам ова, не одговорив. Сепак, тој ѝ кажа за тоа на својата сопруга, студиото, продуцентот… Па, така, јас ќе го снимам петтиот филм, изјави Мел Гибсон (65). Глумецот ќе се врати како детективот Мартин Ригс. Се очекува да му се придружи и 75-годишниот Дени Гловер како неговиот партнер Роџер Мурто. Првиот филм од „Смртоносно оружје“ беше објавен 1987 година. Продукцијата доби голем број награди, како и номинација за Оскар. Останатите четири филма беа објавени во 1989, 1992 и 1998 година.

ФОТО: Мел Гибсон ќе тужи жена поради нејзиниот мед

Ивона Петрова — Mon, 17 Aug 2020 06:44:07 +0000

Чилеанката Јохана Агурто верувала дека смислила совршен маркетинг за нејзиниот мед, што го нарекла по една од најголемите холивудски sвезди - Мел Гибсон. Чилеанката си поиграла со неговото име сè додека не била повикана од адвокатите на актерот. Имено, нејзиниот производ го носи името Миел Гибсон („миел“ е шпански значи мед), а на теглата е фотографија од славниот актер од улогата во филмот „Храбро срце“, пишува Би-Би-Си. „Сè одеше според планот додека не пристигна заканата од адвокатите на Мел“, откри Чилеанката на Твитер. Адвокатите на Гибсон ја известија за повлекувањето на производот од пазарот заради неовластена употреба на името и ликот на актерот. Во писмото испратено до неа, тие и се заканиле дека ако не го повлече нејзиниот производ веднаш од пазарот, ќе биде принудена да го реши проблемот на суд. Агурто започнала со продажба на медот Мил Гибсон, откако ја загубила работата поради пандемија на коронавирус. -За да користите име и фотографија со ликот на Мел Гибсон од Брејвхарт, мора да добиете дозвола за употреба. Фотографијата е во сопственост на студиото кое го објави филмот, објасни адвокатот Ли Брехеин, додавајќи дека мора да има посебно одобрение за таков вид маркетинг. -Во никој случај не сакаме да спречиме некој што се обидува да започне бизнис и да генерира приходи од него, но треба да се знае дека постојат пропишани начини за водење бизнис, контакти и одобренија што треба да ги исполните претходно, објасни Брехеин. Но, се чини дека новата претприемачка не е подготвена да се откаже од својата нова работа толку лесно, па нејзината компанија го повика Гибсон преку Твитер да и ’дозволи да ја користи неговата слика со пораката:„ Нашата душичка е само за храбри срца “. Во исто време, таа им се заблагодари на сите корисници на Твитер кои ја поддржаа. „Моето срце е храбро, но сега уште повеќе затоа што знам дека сме моќен рој“, им порача Јохана.

Hasta q me llegaron las amenazas de los abogados del Mel.... todo xq hubo un grupo de maricones q lo @ a él o sus abogados acusándome. Serán ahora, esos q van a ayudarme a pagar la demanda? Van a mantener a mis hijos? Van a sacarme de este problema? Necesito ayuda ???
— Miel Gibson?? (@Miel_Gibson_) August 13, 2020

Тврдењата на Винона му донесоа отказ на Мел Гибсон: Неговите невкусни шеги за Евреите скапо ќе ги плати!

Ивана Ефремовски — Fri, 26 Jun 2020 09:14:29 +0000

Мел Гибсон (64) нема да ја повтори улогата во долго очекуваното продолжение на „Chicken Run“ на „Нетфликс“, тврдат извори блиски до продукцијата. Одлуката следи откако актерката Винона Рајдер во неделата го обвини Гибсон за антисемитски навреди кон неа за време на забава во 1995 година. -Бевме на забава со еден од моите добри пријатели и Мел Гибсон пушеше цигара, рекла 48-годишната актерка за „Сандеј тајмс“. Таа додала дека некој ја покренал темата за еврејската вера, а Гибсон ѝ се обратил и ја прашал дали и таа избегала од пејчката, што била очигледна референца за начинот на кој биле запалени еврејските заробеници во нацистичките логори на смртта. Рајдер тврди дека на истата забава, Гибсон ја прашал нејзината геј пријателка дали сега тој ќе добие СИДА од неа. Таа додала дека тој подоцна се обидел да се извини за неговите навредливи изјави. Во имејл испратен до „Њујорк пост“, портпаролите на Гибсон ги негираа обвиненијата на Рајдер дека тој ја навредил кога дознал дека е Еврејка. -Ова е 100 отсто невистина, рекле тие, тврдејќи дека Винона Рајдер лажела и во колумната за „Џеј Кју“ во 2010 година кога првпат го спомнала наводниот инцидент.

Холивудската ѕвезда се преполови: Што се случува со Мел Гибсон? (ВИДЕО)

Ивана Ефремовски — Tue, 09 Oct 2018 18:24:48 +0000

Холивудската ѕвезда Мел Гибсон ослабна 14 килограми и намали 27 сантиметри во струкот. 62-годишниот Австралијанец призна дека долго време го мачел вишкот килограми, но една случајна средба во ресторан во Сиднеј пред четири месеци му го сменил животот. Тогаш актерот ја запознал 45-годишната Саманта Џексон, специјализирана за здрава исхрана. Таа му ветила на Гибсон дека ќе му помогне со совети за здрава исхрана и по се изгледа успеала. -За само осум недели ослабнав 14 килограми. Целата облека конечно добро ми стои, спијам подобро, не ме боли грбот. Чувството е чудесно! Здрав сум, јадам почесто, но поквалитетно. Секој ден пијам протеински напитоци и вежбам. Се на се, имам многу повеќе енергија отколку претходно, изјави преполовениот Гибсон. Неговата советничка за исхрана, Саманта дури и откри како се храни актерот. За доручек јаде омлет со домат и пиперка, за ручек пилешко со шпаргли, брокула, грав и благ компир, а идеалната вечера се состои од лосос на жар, малку компир и зелена салата. -Мел изгуби 27 сантиметри во струкот. Се консултираме преку телефон, дневно разменуваме и по 30-тина пораки. Задоволна сум што се придржува до упатствата, изјави нутриционистката.

Мел Гибсон снима преработка на „Дивата орда“

Ивона Петрова — Wed, 26 Sep 2018 10:51:37 +0000

Познатиот глумец и режисер Мел Гибсон ја подготвува преработката на еден од најпопуларните вестерн филмови во историјата - „Дивата орда“ од 1969 година. Имено, тој ќе биде ко-сценарист, продуцент и режисер во проектот, но се уште не се знае дали ќе има и своја улога во него. Гибсон моментно работи и на подготовките за снимање на филмот „Уништувач”, сагата за бродот УСС Лафе, бродот којшто преживеа 22 напада на јапонски камикази во Втората светска војна. Оригиналната „Дива орда" од каубојскиот „див запад“, ја сочинуваа Вилијам Холден, Ернест Борњин, Роберт Рајан, Едмонд О'Брајан, Варен Оутс, Џејмс Санчез и Бен Џонсон.

ФОТО: Беше секс-симбол и најбаран актер, а сега изгледа како скитник и нема да го препознаете

Ивана Ефремовски — Fri, 12 Jan 2018 15:49:38 +0000

Густа брада, вишок килограми, преголема облека, очила, поради сето тоа папараците едвај го препознаа Мел Гибсон. По успешната холивудска кариера, денес страниците на медиумите тој ги полни главно со турбулентниот љубовен живот. Иако во деновите на најголемата слава Гибсон ја одушевуваше публиката со многуте филмски улоги во мегахитовите, во последниве години, особено по скандалот во кој ги навреди американските полицајци и Евреите, Мел се повлече од јавниот живот, а ретко се појавува на некој настан. Овој 62-годишен глумец во моментот е во врска со 27-годишната Росалинда Рос, со која папараците го уловија деновиве во Малибу. Поради запуштениот изглед, тој веќе е непрепознатлив. Мел и Росалинда се во врска три години и го имаат синот Ларс, кој на крајот на месецов ќе наполни три години. Инаку, овој контроверзен глумец има вкупно 10 деца. Седум доби со првата жена Робин Мур, со која беше во брак 31 година, а со пијанистката Оксана Григориева ја има осумгодишната ќерка Лука.

Има 9 деца и 35 години помлада сопруга, еве како денес изгледа познатиот актер

Ивона Петрова — Wed, 03 Jan 2018 08:34:16 +0000

Познатиот холивудски актер денес го прославува 62 роденден. Жените го сакаа, а и денес не можат да одолеат на неговиот шарм. По низата главни улоги во познати филмови, Мел доби светска популарност. Талентот и улогата во филмот „Храбро срце“ само ја зацврти неговата позиција во филмакиот свет, а во 1985 година беше прогласен за најсексипилен маж на планетата, според „Пипл“. Со Робин Мур, со која има пет деца, беа наизглед совршен пар се додека не се дозна дека се разведуваат. Јавноста дозна и за неговата врска со Оксана Григориева со која има две деца. Кога сите мислеа дека ќе направи подолга пауза на поле на љубовта, тој започна врска до 35 години помладата Розалинд Рос со која доби две деца. Мел и денес ја ужива титулата кај женската популација на шармантен маж, татко на девет деца.