Мелитопол – Kurir.mk

Експлозија на автомобил во областа на Запорожје, повредени пет лица

Ивона Петрова — Tue, 25 Oct 2022 07:55:57 +0000

Во експлозија на автомобил во близина на зграда на телевизиска куќа во Мелитопол, во областа Запорожје во Украина, повредени се пет лица – вработени во ЗаТВ и граѓани, јавуваат руските медиуми. Владимир Рогов, член на Главниот административен совет на регионот Запорожје, објави дека во Мелитопол се случил терористички напад и дека, според моментално достапните информации, експлодирала импровизирана експлозивна направа. Во експлозијата се оштетени фасадата и прозорците на зградата. Службите за итни случаи се на местото на експлозијата. Рогов рече дека ЗаТВ ќе продолжи да работи.

Експлозии во Херсон и Мелитопол

Ивона Петрова — Wed, 12 Oct 2022 06:32:18 +0000

Во градот Херсон рано утринава се слушнале пет експлозии, јавија руските медиуми додавајќи дека според неофицијални информации, активирани биле системите за противвоздушна одбрана. Херсон, административниот центар на поширокиот истоимен регион, беше еден од првите градови што паднаа во рацете на руските сили од почетокот на инвазијата на Украина во февруари. Иван Фјодоров, прогонетиот градоначалник на Мелитопол – град под руска контрола во јужниот дел на регионот Запорожје, претходно преку каналот Телеграм соопшти за силна детонација во градот. Според руските медиуми, локалната полиција назначена од Русите соопштила за експлозија во непосредна близина на главниот пазар во Малитопол, во која немало жртви.

Експлозија во центарот на Мелитопол

Ивана Ефремовски — Sun, 25 Sep 2022 16:16:29 +0000

Силна експлозија одекна денеска во центарот на Мелитопол, украински град кој е под контрола на руските сили, соопшти градската воено-цивилна администрација. Во соопштението се наведува дека граѓаните пријавиле дека се слушнала силна експлозија, и оти се проверува дали има жртви. Владимир Рогов, член на главниот административен совет на регионот Запорожје, рече дека станува збор за автомобил-бомба. -Според непотврдени информации експлодирал автомобил, изјави Рогов. Експлозијата била толку силна што возилото се распаднало на два дела, соопшти Рогов на својот канал Телеграм. (МИА)

Украинската територијална одбрана кренала во воздух оклопен воз со руски војници кај јужниот град Мелитопол

Тале Кристо — Wed, 18 May 2022 19:21:03 +0000

Украинските борци разнеле оклопен воз со руски војници во окупираниот јужен град Мелитопол, соопшти денеска Украинската територијална одбрана (УТО). Британските медиуми не можат независно да ја потврдат оваа информација, а руското Министерство за одбрана се уште не одговора на барањата за коментар. Градот Мелитопол, што се наоѓа во областа Запорожје, е сместен во јужна Украина, што е окупирана од руските сили. Украинската територијална одбрана, резервата на вооружените сили, соопшти дека експлозивната направа била активирана директно под вагонот во кој биле војниците. Во нивното соопштение објавено на Фејсбук не е прецизирано колку жртви има и колкава е штетата.

Најавени нови коридори за евакуација од Мариупол и од Мелитопол

Тале Кристо — Fri, 25 Mar 2022 10:34:42 +0000

Нови коридори за евакуација од Мариупол и од Мелитопол најави денеска украинската вицепремиерка Ирина Верешчук, јави Си-Ен-Ен. Како што појасни таа, коридорите ќе ги спојат двата града со Запорожје, што е на север и сè уште е под контрола на Украина. –Планирана е и централизирана евакуација со автобус од Бердјанск, град окупиран од Русија. На влезот на градот паркирани се 48 автобуси, додаде Верешчук.

ВИДЕО: Ослободен украински градоначалник, бил разменет за руски војници

Ивона Петрова — Thu, 17 Mar 2022 07:07:38 +0000

Руските сили го ослободија градоначалникот на градот Мелитопол, кого го заробија минатата недела, соопшти денеска шефот на кабинетот на претседателот Володимир Зеленски, Андриј Јермак. Според властите тој бил разменет за деветмина руски војници, заробени во Украина. „Градоначалникот на Мелитопол, Иван Федоров, е ослободен од руско заробеништво“, објави Јермак на социјалните мрежи. Украина соопшти дека руските сили го киднапирале Федоров минатиот петок. Во видео што синоќа на Телеграм го постави заменик-шефот на кабинетот на Зеленски, украинскиот претседател разговара со Иван Фјодоров, му честита за неговото спасување и го уверува дека Украина не го напушта својот народ. Од спротивната страна, градоначалникот му одговори дека ќе му требаат ден-два да се врати на работа. Како одговор, Зеленски рече дека не може да „вети два дена“, но го охрабри градоначалникот да се одмори.

Mer Melitopola Iwan Fedorow na wolności. Rozmawiał z nim prezydent Wołodymyr Zełenski. Nieznane są szczegóły jego wyzwolenia od Rosjan. Wideo TG Kyryło Tymoszenko pic.twitter.com/qxfigaVdxr
— Piotr Pogorzelski (@PogorzelskiP) March 16, 2022

Заменик-шефот на кабинетот на Зеленски, Кирил Тимошенко, во посебна објава рече дека спасувањето на градоначалникот дошло по „специјална операција“. „Ви благодарам што не ме напуштивте. Ќе ми требаат ден-два да се опоравам, а потоа ќе ви стојам на располагање да придонесам за нашата победа“, рече тој. Даша Заривна, портпаролка на претседателската администрација, доцна синоќа изјави за украинската телевизија дека Фјодоров бил заменет за деветмина заробени руски војници на возраст од 20 и 21 година. – Тоа се главно деца, војници, кои, според руското Министерство за одбрана, не се наоѓаат во Украина, потенцираше Заривна. Градоначалникот на Днипро, друг град во јужна Украина, исто така беше киднапиран во неделата, што предизвика силна осуда од Европската унија.

Властите на Запорожје: Киднапираниот градоначалник е приведен во Луганск

Ристе Здравков — Tue, 15 Mar 2022 08:35:32 +0000

Градоначалникот на Мелитопол, Иван Федоров, за кого украинската страна тврди дека бил киднапиран од руските сили, најверојатно бил однесен во Луганск, каде го држи руската армија, соопшти синоќа регионалната воена управа на Запорожје. „ Според достапните информации, киднапираниот градоначалник на Мелитопол, Иван Федоров, е задржан од рускиот окупатор во Луганск, каде е обвинет за тероризам“, се вели во соопштението, пренесе Укринформ. Кога станува збор за градоначалникот на Днепрорудни, Јевхен Матвијев, за кого украинската страна исто така наведува дека е киднапиран, не е позната неговата судбина, додава Укринформ.