Мемфис Депај – Kurir.mk

Официјално: Депај нов фудбалер на Атлетико Мадрид

Ристе Здравков — Fri, 20 Jan 2023 13:46:00 +0000

Како и што се најавуваше, Мемфис Депај е нов фудбалер на Атлетико Мадрид. Клубот од Мадрид го потврди трансферот на холандскиот репрезентативец кој пристигнува од Барселона. Депај со Атлетико потпиша договор на две години. „Мемфис покажа дека сака да дојде во нашиот клуб. Се надева и тој, но и ние дека ќе се врати во неговата најдобра форма. Среќен сум што ќе имаме прилика да соработуваме. Станува збор за напаѓач кој многу личи на Коста и може да ни помогне. Во минатото започна како втор напаѓач, но брзо се наметна како прва опција поради неговата експлозивност“, изјави Симеоне.

Мемфис Депај се договори со Атлетико М

Бошко Тасиќ — Tue, 17 Jan 2023 19:23:54 +0000

Напаѓачот на Барселона, Мемфис Депај, постигна договор со Атлетико Мадрид. Како што објави „Мундо Депортиво”, холандскиот напаѓач веќе се договорил за соработка со мадридскиот клуб до 2025 година. Исто така, се известува дека играчот од средниот ред Јаник Караско може да замине во Барселона во замена за Депај. Холанѓанецот за каталонскиот клуб настапува од летото 2021 година. Неговиот актуелен договор со Каталонците е до јуни 2023 година. Претходно играше за Олимпик Лион, Манчестер јунајтед и ПСВ. Оваа сезона 28-годишниот Депај одигра четири натпревари за Барселона во сите натпреварувања и постигна еден гол. Според „Трансфермаркт”, фудбалерот вреди 20 милиони евра.

Атлетико го сака Депај како замена за Феликс

Ристе Здравков — Tue, 10 Jan 2023 13:42:39 +0000

Атлетико Мадрид денес се раздели со Жоао Феликс, кој замина во Челзи на позајмица со крајот на сезоната. „Јорганџиите“ сега се во потрага по нов офанзивен фудбалер како негова замена, а прво име на списокот е Мемфис Депај од Барселона. Депај е во втор план па сака да ја промени средината, а и Барселона сака да го продаде во јануари бидејќи на крајот на сезоната ќе замине без обештетување. Барселона сака да го пушти во јануари и за неговата слобода бара само 2 милиони евра, а Атлетико Мадрид е спремен да ја искористи ситуацијата. Интерес за Холаѓанецот покажуваат и неколку клубови од Премиер лигата, но Атлетико сака да ја победи конкуренцијата.

🚨 #Atletico Madrid alla ricerca di un sostituto in attacco per il partente Joao Felix diretto al #Chelsea. Un nome che entra a far parte della lista dei candidati è quello di Memphis #Depay che potrebbe lasciare il #Barcelona. #FCB ⬇️ https://t.co/Z51kvTeQXE
— Gianluigi Longari (@Glongari) January 10, 2023

Рома ги продолжува преговорите со Депај

Дарко Андоновски — Sat, 24 Dec 2022 19:58:09 +0000

Рома не се откажува од идејата да го ангажира напаѓачот на Барселона, Мемфис Депај, објави „Sport.es“. Селекторот на римјаните, Жозе Мурињо и неговото друштво ќе инсистираат да го убедат Холанѓанецот да го напушти каталонскиот клуб уште во јануари. Депај во блиска иднина треба да оствари лична средба со тренерот на Барса, Чави. Оваа сезона 28-годишниот напаѓач одигра три натпревари за Каталонците“ и постигна еден гол. Договорот со Барселона е до летото 2023 година. Претходно беше објавено дека каталонскиот клуб е подготвен да го пушти играчот за пет милиони евра.

Депај доаѓа во Јувентус ?

Бошко Тасиќ — Mon, 07 Nov 2022 06:32:51 +0000

Фудбалерот на Барселона Мемфис Депај од јануари ќе игра во Серија А, пренесуваат италијанските медиуми. Холанѓанецот претходно ја одби понудата на Севилја, па Јувентус се чини како најдобра опција за него во моментот. Цената е 10 милиони евра кои „старата дама“ ќе може да ги плати без проблем. Оваа сезона 28-годишниот напаѓач запиша само 131 минута во дресот на каталонскиот гигант.

Депај во јануари заминува од Барселона

Бошко Тасиќ — Sat, 08 Oct 2022 04:36:42 +0000

Најбогатиот фудбалски клуб на денешницата, англискиот премиерлигаш Њукасл, најверојатно ќе биде следната дестинација на холандскиот интернационалец од редовите на каталонскиот гигант Барселона, Мемфис Депај. Крилниот напаѓач нема статус на стандарден првотимец и затоа ќе му биде дозволено да си замине од „Ноу Камп“ за време на зимскиот преоден рок доколку официјалната понуда не биде помала од 20 мил. евра.

Мемфис Депај на крајот остана на „Камп Ноу“

Бошко Тасиќ — Sat, 03 Sep 2022 05:34:58 +0000

Холандскиот фудбалер Мемфис Депај остана на „Камп Ноу“. Иако имаше најави дека сигурно ќе замине од Барселона, а го поврзуваа со Јувентус, Манчестер Јунајтед и Челси, на крајот тој сепак одлучи да остане во каталонскиот гигант. Јувентус долго време преговараше за да го доведе во Торино, но на крајот се откажа и го потпиша Аркадиуш Милик, а во последниот ден од преодниот рок се водеа преговори со Челси. Сепак, на крајот ништо од тоа не се реализираше. „Одлучив да останам во Барселона. Целосно сум посветен на придонес за успех на клубот“, напиша Мемфис Депај на социјалните мрежи. Тој ги преседе на клупа за резерви натпреварите против Рајо Валјекано, Реал Сосиедад и против Валјадолид во Ла Лига, но се надева на поголема минутажа поради заминувањето на Пјер – Емерик Обамејанг.

Јувентус во последен обид да се договори со Депај

Ивона Петрова — Thu, 25 Aug 2022 06:42:41 +0000

Раководството на Јувентус ќе направи уште еден обид да се договори за трансфер на Мемфис Депај, иако медиумите во Италија објави дека мали се шансите за позитивен исход. Според „Спорт Медиасет“, клубот од Торино веќе се договорил со напаѓачот на Марсеј, Аркадиуш Милик, но пред да ја завршат документацијата, повторно ќе се обидат да го потпишат играчот на Барселона. „Бјанконерите“ повеќе го сакаат Депај, но неговите барања за плата ги сметаат за претерано високи и речиси и не веруваат во успех на преговорите. Холанѓанецот сака да добива околу 10 милиони евра по сезона, со бонуси, додека Јувентус е подготвен да плати 5-6 милиони. Ако и при овој обид не се најде компромис, прашањето за трансфер на играчот ќе биде затворено

Депај пред преселба во Јувентус

Дарко Андоновски — Thu, 18 Aug 2022 15:52:52 +0000

Мемфис Депај е се поблиску до преселба во Јувентус од Барселона. Дваесет и осумгодишниот напаѓач на репрезентацијата на Холандија ќе го раскине договорот со Каталонците и како слободен играч ќе се пресели во Италија. Според добриот познавач на италијанскиот фудбал, Џанлука Ди Марцио, Јуве ќе се откаже од дел од бонусите кои ги должат Каталонците за настапите на играчот од средниот ред Миралем Пјаниќ во составот на Барса. Депај и Јувентус се уште не постигнале целосен договор за договорот, иако претходно се пишуваше за двегодишен договор и плата од шетс милиони евра годишно.

Мемфис Депај сака да си замине од Барселона

Бошко Тасиќ — Mon, 21 Feb 2022 21:12:06 +0000

Холандскиот фудбалер Мемфис Депај може да ја напушти Барселона и тоа по само една сезона во клубот.За него се заинтересирани Милан, Интер и Јувентус. Депај има договор со Барса до 2023 година не е искучено тој да отиде во еден од трите италијански клубови. Депај запиша 8 гола во 16 натпревари во Ла Лига, но повредите, како и доаѓањето на Феран Торес и Пјер-Емерик Обамејанг му ги намалија минутите за игра.