Мемфис Гризлис – Kurir.mk

Стивен Адамс се повреди и ќе ја пропушти цела сезона

Бошко Тасиќ — Mon, 23 Oct 2023 12:04:30 +0000

Мемфис гризлис се соочува со сериозни проблеми пред почетокот на НБА-лигата бидејќи се повреди ветеранот Стивен Адамс. Центарот на Мемфис минатата сезона беше важен член на екипата и постигнуваше по 8,6 поени, 11,5 скокови и 2,3 асистенции по натпревар, па така ова ќе биде голем проблем за екипата која го нема ниту Брендон Кларк. Сезоната во НБА-лигата ќе почне со мечот меѓу Денвер нагетс и Лос Анџелес лејкерс во ноќта меѓу вторник и среда.

Дерик Роуз нов член на Мемфис Гризлис

Бошко Тасиќ — Sun, 02 Jul 2023 06:38:57 +0000

Легендарниот кошаркар и поранешен МВП на НБА-лигата, Дерик Роуз е нов играч на Мемфис Гризлис. Играчот кој имаше лимитирана минутажа во Њујорк Никс и одигра само 27 натпревари минатата сезона, пристигнува кај Гризлис и ќе заработи сума од 6.5 милиони долари. Роуз беше слободен агент и можеше да бира каде сака да игра, а изборот падна токму на Мемфис. Ова за плејмејкерот ќе биде шеснаесетта сезона во најсилното кошаркарско натпреварување на светот.

Морант потпиша мега договор со Мемфис

Бошко Тасиќ — Sat, 02 Jul 2022 05:55:15 +0000

Еден од најдобрите кошаркари во НБА лигата, Жа Морант го продолжи договорот со Мемфис Гризлис. Морант доби нов петгодишен договор вреден 231 милион долари. Од тоа членот на вториот најдобар тим претходната сезона ќе добие гарантирани 193 милиони долари, а целиот износ ќе го добие доколку и следната сезона биде дел од најдобрите кошаркари во лигата. „Мемфис е мојот дом“, накратко напиша Морант.

Голден Стејт го декласираше Мемфис, луда завршница во Милвоки (ВИДЕО)

Бошко Тасиќ — Sun, 08 May 2022 07:09:40 +0000

Екипата на Голден Стејт Вориорс забележа убедлива победа над Мемфис Гризлис и поведе со 2-1 во полуфиналната серија од Западната конференција во НБА лигата. На свој терен Вориорси одиграа неверојатен натпревар и со 30 поени разлика го „размонтираа“ противникот (142-112). Стеф Кари со 30 поени беше водечка сила во редовите на Вориорси, а Томпсон запиша 21 со девет скока. Кај поразениот тим Морент имаше 34 поени, а Бејн 16. Голема победа забележа и тимот на Милвоки Бакс, кој на свој терен по голема драма славеше над Бостон Селтикс и го презеде водството во полуфиналната серија (103-101). Грчкиот кошаркар Јанис со 42 поени и 12 скока беше убедливо најдобриот поединец на паркетот, а кај Бостон се истакна Браун со 27 поени и 12 скока. https://www.youtube.com/watch?v=wtOFJYg_S7w https://www.youtube.com/watch?v=2nFoIJYt_SI

Бакси го победија Бостон, Вориорси во драматичен финиш до триумф против Мемфис

Бошко Тасиќ — Mon, 02 May 2022 07:44:19 +0000

Милвоки бакс стигнаа до голема 101:89 победа на гости кај Бостон селтикс во отварањето на втората рунда на НБА плејофот, додека подраматично беше во Мемфис, каде што Гризлис загубија со 117:116 од Голден Стејт во неверојатна завршница. Дру Холидеј заврши со 25 поени, 10 скок и 5 асистенции, додека Јанис Адетокумбо имаше трипл-дабл – 24 поени, 13 скока и 12 асистенции. Кај домаќините, Џејсон Тејтум имаше 21 поени, 6 скока и асистенции, а Џејлен Браун уфрли 12 поени. Мемфис гризлис пак, во третата четвртина ја загубија предноста која ја имаа во текот на целиот меч, за Вориорс со серија од 9-0 во последнта четвртина да направат двоцифрена предност. Мемфис одговори на тоа со идентична серија и стигнаа до 116:114 водтсво, пред Клеј Томпсон да врати со тројка за победа. Џа Морент го предводеше последниот напад за Гризлис, но ја загуби топката и направија фаул над Томпсон. Но, тој ги утна двете слободни фрлања, а судиите досудија нафрлање, а последната шанса ја имаа Гризлис на само три секунди пред крајот. Морент не успеа да поентира и мечот беше загубен. Морент заврши со 34 поени, 9 скока и 10 асистенции, додека Џордан Пул со 31 поени, 9 асистенции и 8 скокови беше најдобар за Вориорс, а Стеф Кари уфрли 24 поени.

Проблем за Мемфис – Се повреди Џа Морент

Бошко Тасиќ — Sat, 27 Nov 2021 18:38:34 +0000

Најдобриот играч на Мемфис Гризлис, Џа Морент, доживеа повреда во натпеварот против Атланта Хокс. Прогнозите се дека го очекува долга пауза. Морент, еден од најдобрите играчи во лигата од почетокот на сезоната, се повреди во првата четвртина. Морент се повреди без да има контакт со противнички играч. „Се е во Божји раце. Можеме само да се помолиме“, напишал на социјалните мрежи Морент. Од почетокот на сезоната, Морент има просек од 25,3 поени, 5,8 скока и 7 асистенцији