мемфис – Kurir.mk

Џексон најдобар дефанзивец сезонава во НБА лигата

Ивона Петрова — Tue, 18 Apr 2023 19:42:39 +0000

Кошаркарот на Мемфис, Џарен Џексон Јуниор, е избран за најдобар одбранбен играч сезонава во НБА, објави денеска раководството на лигата. Дваесетитригодишниот Џексон освои 56 од можните 100 први места во гласањето на медиумите со вкупно 391 бодови. Втор во изборот беше Брук Лопез од Милвоки (309 бодови), а трет Еван Мобли (Кливленд, 101). Џексон стана втор најмлад добитник на оваа награда по Двајт Хауард во 2009 година, а регуларниот дел од сезоната го заврши со просек од 18.6 поени, 6.8 скокови и една украдена топка по натпревар. Мемфис беше трета најдобра дефанзивна екипа во лигата и регуларниот дел го заврши на второто место во Западната конференција.

НБА: ЛА Лејкерс направи брејк против Мемфис

Бошко Тасиќ — Mon, 17 Apr 2023 05:49:56 +0000

Кошаркарите на Лос Анџелес Лејкерс со победа со стартуваа плејофот и тоа на гости над Мемфис од 128:112. Многу драма беше забележана во завршницата од мечот, кога Лејкерс имаше предност од само четири поени на неколку минути пред крајот, но екипата предводена од Леброн Џејмс го засили темпото и оствари значајна победа. Најефикасен кај „езерџиите“ Хачимура со 29 поени, шест скокови и една асистенција, додека прво име кај Мемфис беше Џексон со 31 поен, пет скокови и четири асистенции.

Американскaтa потпретседателка Камала Харис ќе присуствува на погребот на Тир Николс во Мемфис

Ивана Ефремовски — Wed, 01 Feb 2023 06:45:33 +0000

Погребот на Афроамериканецот Тир Николс, жртва на полициско насилство во САД, ќе се одржи денеска во Мемфис. На погребот ќе присуствува и американската потпретседателка Камала Харис. Сè укажува дека настанот ќе добие политичка димензија, а адвокатот на семејството на Тир Николс, Бен Крамп треба да „повика на акција“ против полициското насилство. Се очекува и доаѓањето на братот на Џорџ Флојд, црнец кој во 2020 година беше задушен од полицаец, што предизвика големи протести. Активистот за граѓански права Ал Шарптон ќе одржи проштален говор во христијанската црква на улицата „Мисисипи“. Службата треба да почне во 10:30 часот (17:30 часот по средноевропско време). Тир Николс (29) на 7 јануари бил запрен од припадници на специјалната единица на полицијата во Мемфис поради сообраќаен прекршок, но тие го претепале до смрт и тој починал во болница три дена подоцна. Потпретседателката Харис вчера телефонски разговарала со мајката на Николс, Ровон Велс, и очувот, Родни Велс, кои ја поканиле на погребот, изјави нивниот адвокат. (МИА)

НБА: Мемфис нов лидер на Западот

Ивана Ефремовски — Fri, 16 Dec 2022 09:51:36 +0000

Кошаркарите на Мемфис приредија шоу синоќа во НБА лигата со триумф над Милвоки од 142:101 и со тоа се искачија на чело на табелата во Западната конференција пред Њу Орлеанс, кој повторно во продолжетоци, загуби на гостински терен од Јута (132-129). Најистакнат во триумфот на Мемфис беше Џа Морант со третиот „трипл-дабл“ ефект оваа сезона, завршувајќи го натпреварот со 25 поени, 10 скокови и 10 асистенции. Блескава вечер имаше и кошаркарот на Мајами, Тајлер Хиро, кој постигна рекордни во кариерата 41 поени во триумфот на неговата екипа над Хјустон од 111-108. Хиро реализираше 10 тројки од 15 обиди и стана само четвртиот кошаркар во историјата на Мајами кој постигнал најмалку 10 тројки на еден натпревар. (МИА)

Далас предводен од Дончиќ ја прекина победничката серија на Мемфис

Тале Кристо — Sat, 15 Jan 2022 10:48:05 +0000

Кошаркарите на Далас го совладаа синоќа Мемфис со 112:85 и со тоа ставија крај на серијата од 11 победи во низа во НБА лигата. Далас беше предводен од фантастичниот Словенец Лука Дончиќ, кој го оствари својот 40. трипл-дабл ефект во кариерата, постигнувајќи 27 поени, од кои 19 во второто полувреме. Додаде и 12 скокови и десет асистенции. За Далас ова беше седма победа во последните осум натпревари. Резултати од натпреварите во НБА лигата одиграни ноќта меѓу петокот и сабота: Детроит t – Торонто 103-87 Индијана – Феникс 94-112 Филаделфија – Бостон 111-99 Шарлот – Орландо 109-116 Чикаго – Голден Стејт 96-138 Мајами – Атланта 124-118 Сан Антонио – Кливленд 109-114 Сакраменто – Хјустон 126-114 Мемфис – Далас. 85-112.

Мемфис запиша највисока победа во историјата на НБА

Магдалена Андонова — Fri, 03 Dec 2021 09:14:30 +0000

Кошаркарите на Мемфис забележаа рекордна победа во историјата на НБА лигата со триумфот над Оклахома од дури 73 поени разлика (152:79). Мемфис во текот на синоќешниот натпревар имаше и 78 поени предност, а на крајот заврши со „само“ 73 кошеви разлика. Досегашниот рекорд беше во рацете на кошаркарите на Кливленд, кои во ноември 1991 година го совладаа Мајами со 68 поени разлика (148:80). Дури девет кошаркари на Мемфис забележаа двоцифрен ефект во триумфот над Оклахома, а најефикасни беа Џарен Џексон (27 поени) и Дентони Мелтон (19). – Прекрасно е чувството да се биде во историските книги, особено пред нашата домашна публика, изјави Мелтон. (МИА)

Мемфис по продолжение избори плејоф на Западот

Ивана Ефремовски — Sat, 22 May 2021 07:23:13 +0000

Кошаркарите на Мемфис го победија синоќа на гости по продолжение Голден Стејт со 117:112 и со тоа изборија место кое води во доигрувањето во Западната конференција во НБА лигата. Морант беше играч на натпреварот со 35 поени, од кои пет тројки, за екипата на Мемфис, која влезе во жрепката за плејофот на Западот како осмопласирана. Првиот натпревар Мемфис ќе го игра в недела против првопласираната Јута. Сезоната заврши за Голден Стејт, кои ги загубија двата едноподруго натпревари во новиот плејин формат, вклучувајќи го и поразот од Лос Анџелес лејкерс 100:103 во средата. (МИА)

За Џексон од Мемфис сезоната е завршена

Магдалена Андонова — Wed, 05 Aug 2020 09:33:21 +0000

Кошаркарот на Мемфис, Џарен Џексон Јуниор ќе го пропушти остатокот од сезоната поради повреда, стои во известувањето на официјалната веб-страница на НБА. Тој се повреди на вчерашниот натпреварот против Џу Орлеанс. Дваесетгодишниот Американец доскокна лошо по контакт со ривалскиот играч. Медицинскиот преглед открил искинат менискус во левото колено, што ќе го натера да го пропушти остатокот од сезоната. Џексон оваа сезона настапи на 57 натпревари и имаше 17,4 поени, 4,6 скока и 1,4 асистенции во просек по натпревар. (МИА)

Мемфис му го нанесе осмиот пораз по ред на Голден Стејт

Дарко Андоновски — Mon, 13 Jan 2020 08:11:30 +0000

Кошаркарите на Мемфис ноќеска забележаа победа над Голден Стејт со 122:102. За домаќините ова беше петти триумф во серија додека за Голден Стејт осми последователен пораз. Резултати на натпреварите од НБА лигата играни ноќта меѓу недела и понеделник: Бруклин – Атланта 108:86 Мемфис – Голден Стејт 122:102 Торонто – Сан Антонио 104:105 Денвер – Лос Анџелес клиперс 114:104 Феникс – Шарлот 100:92. Најуспешни екипи во досегашниот тек од првенството се Лос Анџелес лејкерс на Запад со биланс 32-7 (победи-порази) и Милвоки бакс во Источната конференција со скор 35-6.