Училиштето во Белград во кое се случи масакрот ќе добие меморијален дел

Ивона Петрова — Thu, 01 Jun 2023 14:39:55 +0000

Основното училиште „Владислав Рибникар“ каде на 3 мај се случи масовното убиство, останува училиште и добива меморијален дел, потврдија од српската Владата. - Нашиот образовен систем е создаден со цел да обезбеди соодветна поддршка на сите ученици, да ги охрабри на патот кон учењето и да им овозможи да прераснат во здрави, свесни и одговорни личности. Во овој момент, поважно од кога било е да се фокусираме на она што е најдобро за нашите деца, бидејќи тие ја заслужуваат нашата целосна поддршка, љубов и грижа. Имајќи го предвид ова, Владата на Република Србија, поради трагедиите кои длабоко го погодија целото општество, донесе одлука учебната година да ја заврши на 6 јуни во сите основни и средни училишта во Србија, соопштија од Владата. Основното училиште „Владислав Рибникар“ ќе остане училиште. Ќе се реконструира и во текот на реконструкцијата ќе се изгради меморијален дел во спомен на децата и училишниот чувар, кои секојдневно покажуваа исклучителност во тоа училиште. По вонредниот увид во ОУ „Владислав Рибникар“, потврдени се наодите на Центарот за социјална работа, Министерството за образование и Министерството за семејна грижа, дека во ова училиште немало врсничко насилство во однос на малолетниот. На 3-ти мај во ОУ „Владислав Рибникар“ се случи масовно убиство кога К.К. (13) уби девет ученици и училишен чувар.

Османи: Во областа Стенковец ќе изградиме меморијален центар на албанскиот холокауст во спомен на избрканите од војната на Косово

Ивона Петрова — Sun, 21 Oct 2018 13:35:44 +0000

Вицепремиерот задолжен за европски прашања, Бујар Османи, кој беше поканет на третиот Конгрес на лигата на Албанците во светот, каде што освен раководство и делегати на Лигата на Албанците во светот, присутни беа и многу други личности од различни области, бизнисот, културата, уметноста, исто така присуствуваше и вицепремиерот на Косово, Енвер Хоџај. -Албанците насекаде ги живеат најсветлите моменти во нашата национална историја, со една Албанија во НАТО и која стабилно оди по патот кон Европската Унија, со независно и слободно Косово која пред неколку дена ја формираше своја војска и со Македонија што ја унапредува улогата на Албанците во нивната позиција за формирање и градење на државата, меѓу другото, истакна Османи, пренесува Журнал.мк. За време на неговиот говор, заменик премиерот Османи пред присутните денес ексклузивно изјави дека се прават напори за заокружување на идејата дека многу брзо во областа на Стенковец ќе се изгради најголемиот центар на албанскиот холохаус во спомен на сите оние кои беа протерани во војната на Косово и кои беа примен во Македонија, но и во спомен на минатото, но, исто така, и да се изгради една платформа што ќе биде доволна за помирување на народите која е единствена гаранција за стабилен регион ориентирана кон интеграција во евро-атлантските структури.

меморијален центар – Kurir.mk

Училиштето во Белград во кое се случи масакрот ќе добие меморијален дел

Османи: Во областа Стенковец ќе изградиме меморијален центар на албанскиот холокауст во спомен на избрканите од војната на Косово