Мендух Тачи – Kurir.mk

Мендух Тачи реизбран за претседател на ДПА на конгрес во Тетово

Магдалена Андонова — Thu, 07 Jul 2022 19:48:53 +0000

Демократската партија на Албанците (ДПА) информираше дека денеска на конгрес на партијата го реизбрала Мендух Тачи за претседател. Осмиот конгрес беше одржан во Тетово. –Воедно, беше одобрена и резолуцијата преку која и ДПА се обврзува да преземе конкретни активности за тоа да се измени уставниот член во кој е предвидено дека „друг јазик што го зборуваат најмалку 20 проценти од граѓаните“, да се замени со „албански јазик како службен јазик во Република Македонија, информираа од партијата. Службата за информирање при ДПА соопшти и дека на конгресот е избран нов состав на централното собрание. (МИА)

ВМРО-ДПМНЕ: СДСМ за власт и пари коалицираат со Тачи и Бошкоски кои се на црната листа на САД

Тале Кристо — Tue, 12 Apr 2022 09:32:44 +0000

Колку е лицемерието големо кај СДСМ покажува фактот што коалицираат со политичари кои се на црната листа на САД, велат во партиското соопштение од ВМРО-ДПМНЕ. СДСМ не престануваат со лагите и криминалот. За да владеат и крадат коалицираат со лица кои се на црната листа на САД. Љубе Бошкоски и Мендух Тачи се коалициски партнери на СДСМ кои се на црната листа на САД, а со кои Ковачевски и Заев се во коалиција. Кога станува збор за власт, тие коалицираат и со политичари кои се на црната листа на САД, а за пари прават бизнис и со фирми кои се анти НАТО. СДСМ за власт и пари прават се, стои во соопштението на ВМРО-ДПМНЕ.

БЕСА го демантира Тачи: Не бевме на средбата

Тале Кристо — Wed, 10 Nov 2021 19:48:52 +0000

Откако лидерот на ДПА Мендух Тачи во изјава за медиумите истакна дека на денешниот состанок присуствувале претставници од БЕСА, од партијата со реакција. -Тачи нема сам партија, па останал да коментира. Не е точно дека имало претставник, велат од партијата БЕСА.

Мендух Тачи одлепувал плакати и кршел билборд на Алијанса за Албанците во Тетово

Ивана Ефремовски — Thu, 30 Sep 2021 08:31:20 +0000

Мендух Тачи, актуелен пратеник од политичката партија ДПА, доцна синоќа учествувал во вандалски чин во Тетово, пренесува Слободен печат. Имено, станува збор за одлепување на плакати и кршење на билборд на кој бил истакнат кандидатот за градоначалник на политичката партија Алијанса на Албанците во Тетово. „Денес во 01:50 чaсот во СВР-Тетово било пријавено дека на ул.„Илинденска“ од страна на неколку лица кои се движеле со ПМВ „Голф“ и ПМВ „Ауди“ црна боја со затемнети стакла, биле одлепувани плакатите, а во близина на бензиската пумпа на „Макпетрол“ бил и искршен билборд на кој бил истакнат кандидатот за градоначалник од политичката партија Алијанса на Албанците“. По преземените мерки, набрзо биле пронајдени и стопирани возилата од страна на УПС и при легитимирањето било констатирано дека во едно од возилата, ПМВ „Ауди“ се наоѓа пратеникот од редовите на ДПА, Мендух Тачи. Откако е извршена консултација со ЈО лицата веднаш биле ослободени, а по преземање на соодветни мерки настанот ќе се процесуира по редовна постапка.

Партнерот за новата влада на Заев на црна листа на САД

Ристе Здравков — Fri, 07 Aug 2020 19:06:21 +0000

Новиот коалициски партнер на Зоран Заев, Мендух Тачи со години е на црната листа на САД. Тие неодамна ја обзнанија постизборната коалиција во владата која би ја направила СДСМ. Мендух Тачи од македонските судови е осуден за злоупотреба на службената положба на 3,2 години затвор, но никогаш не замина во затвор. Но, ова не е проблем за Заев бидејќи и самиот е единствениот аболициран политичар. Црната листа на САД се прави за список со блокирани лица, односно лица чиј имот е блокиран, и ја уредува Федералната канцелариј за контрола на странски средства. Тоа е листа на лица и на фирми на кои им е забрането да влегуваат во САД и им се замрзнуваат сите сметки и целиот имот што го имаат таму. Американските бирократи не ја викаат црна листа, туку го користат називот „специјално определени личности“. Според администрацијата на САД, лицата или фирмите кои се ставаат на оваа листа се „закана за мирот и стабилноста, односно учествуваат или на различни начини го поддржуваат екстремното насилство“.

Газета Експрес: Мендух Тачи од Заев ја побарал институцијата Финансиска полиција за да ги истражува трансферите на пари од Иран и Катар

Ристе Здравков — Wed, 05 Aug 2020 17:34:41 +0000

Албанскиот портал Газета Експрес, објави детали од средбата на Зоран Заев и лидерот на ДПА, Мендух Тачи. Имено порталот објави дека Мендух Тачи на оваа средба од Зоран Заев ја побарал финансовата полиција, а како што се наведува порталот на Тачи оваа институција ќе му служи за истражување на трансферите на пари од Иран и Катар. Веднаш по средбата Тачи ја прифати постизборната коалиција со СДСМ, а по се изгледа и ја добил оваа институција.

Тачи бара дводомен парламент во Македонија

Ивана Ефремовски — Sun, 12 Jul 2020 19:53:02 +0000

Демократската партија на Албанците во Тетово одржа завршна предизборна средба со граѓаните на градскиот плоштад. Претседателот на ДПА и воедно носител на кандидатската листа во шестата изборна единица Мендух Тачи го потенцира залагањето во новата Влада да го добие местото заменик премиер и воведување на високо ниво на консензуална демократија. -Ќе предложам да се формира дводомен парламент за да не биде ускратено ниедно право на Албанците. Така ќе бидат гарантирани слободата и основни права кај Албанците, рече Мендух Тачи. Според лидерот на ДПА, пандемијата може да се уништи за 30 дена за да може да се нормализираат здравствените услуги за граѓаните. -Јас имам точен план од првиот ден ќе се бориме против вирусот, и тоа не со шеги и со фолклор, туку со пари од буџетот. Ќе се ангажираат доктори, ќе се воведат модерните тестови, и секоја болница каде што живеат Албанци ќе добие помош. . Тетовската болница треба за еден месец да стане универзитетска клиник. Секој човек мора да добие по 100 евра, ама дома да му стигнат, не да чека пред банки. И мора да има помош за сите од најмалите чајџилници до поголемите бизниси, истакна Тачи. Тој пред присутните рече дека според големото присуство на граѓани значи дека му ги простиле можните грешки. -Останува уште во среда на 15 јули со свое лично пенкало и со маски, да излезете од дома и лесно е да се избере бројот 1 и Мендух Тачи и ДПА, истакна Тачи. Пред граѓаните зборуваа и дургите носители на листи во изборните единици. (МИА)

Заев му ветил на Тачи дека ДУИ нема да ја земе во Влада

Дарко Андоновски — Wed, 08 Jul 2020 13:09:39 +0000

Поранешниот премиер и претседател на СДСМ, Зоран Заев му ветил на претседателот на ДПА, Мендух Тачи дека ако евентуално дојдат во ситуација да формираат Влада по парламентарните избори, кои треба да се одржат на 15 јули, досегашниот владин партнер ДУИ нема да ја земе да биде дел од владата, за што тој се надева дека Заев ќе си стои на зборот. Ова го истакна вчера Тачи во интервју за телевизија Тв21, каде што додаде дека со Заев разговарале за да формираат предизборна коалиција но не успеале да се договараат. Која е причина за што не постигнале договор, Тачи одбива да каже со цел да не му наштети на Заев за време на предизборната кампања, која негативно може да му се одрази во бројот на освоени гласови. - Со Заев разговаравме за предизборна коалиција со него, но не успеавме да се договориме. Која е причината што не успеавме да се договориме не можам сега да кажам за да не му наштетам за време на кампањата. Сакам јавноста да има разбирање за мојата коректност затоа што јас воопшто не сум заинтересиран да му наштетам на Заев. Јас имам надеж дека Зоран Заев ќе го одржи зборот и нема да ги земе ДУИ во Влада. Еве сепак нешто кажав, рече Тачи во момент на искреност.

Мендух Тачи се закани со војна ако во идната влада нема Албанци

Ивана Ефремовски — Tue, 07 Jul 2020 17:34:55 +0000

Влада без Албанци не може да има, таков потег може да доведе само до војна, изјави лидерот на ДПА – Мендух Тачи, во интервју во емисијата „Изборни дебати“, пренесува „ТВ21“. Тачи го обвини лидерот на ДУИ дека е манипулатор кој провоцира одредена ситуација: -Али Ахмети вели дека се партија за интеграција, а 20 години наназад е националистичка партија. Тој е прав манипулатор кој провоцира одредена ситуација, рече Тачи.

Тачи: Албанците да ја гласаат ДПА или СДСМ, a не другите

Дејан Никола — Mon, 09 Dec 2019 10:44:49 +0000

Згаснаа сомнежите за коалицирање помеѓу Албанците. ДПА, која беше спомнувана за соработка со БЕСА, го негираше тоа. Во многу експонирачка изјава, лидерот на ДПА, Мендух Тачи кажа дека најдобро е Албанците да гласаат за ДПА, а ако не го направат тоа, подобро да ја гласаат директно СДСМ, а не преку другите партии како што се ДУИ, БЕСА кои немаат политичка автономија. Тачи рече дека ДПА не е во коалиција со ниту една партија, бидејќи неколкуте обиди со албанските партии резултирале како неуспешни. Лидерот на ДПА овие коментари ги даде за време на последното изборно собрание на тетовскиот огранок. -Сме се обиделе, но секако не резултирале како неуспешни преговорите со неколку албански партии. Јас денес генералната порака која ќе ја дадам ќе биде, Албанците, или СДСМ или ДПА, бидејќи ако ги гласаме овие другите партии тоа ќе биде индиректен глас, затоа подобро е директно СДСМ. ДУИ, БЕСА и другите се партии кои немаат политичка автономија и верувам дека ќе има коректно натпреварување помеѓу СДСМ и ДПА кај Албанците, рече лидерот на ДПА, Мендух Тачи. Извор: ИНА