мени – Kurir.mk

Комплетно мени за Велики Петок: Супа, главно јадење, салата и колач кои се спремаат за час – сите посни! (РЕЦЕПТ)

Тале Кристо — Fri, 14 Apr 2023 08:26:23 +0000

Традиционално се пости пред Велигден на Велики петок, а на трпезата најмногу има риба, супа од домати и компир салата со пита од јаболка. Доколку ви здодеаа овие стари рецепти и сакате да пробате нешто друго освен риба на скара, пробајте ги овие едноставни јадења кои нема да одземат многу време и ќе можете да уживате во украсувањето на велигденските јајца. Искористете ја пролетта и тоа што на пазарите имаме многу зеленчук, освен што е лесен за подготовка, одлично е и за здравјето. Посна супа од зеленчук Состојки: 2 главици кромид 1/2 праз 1/2 пашканата 2 компири 1 морков 2 чешниња лук 1 лажица масло така билни зачин бибер

Ресторани во Виена го скусуваат менито поради зголемените трошоци за струја и поскапувањата на храната

Ивона Петрова — Wed, 19 Oct 2022 10:12:12 +0000

Поради зголемените трошоци за струја, како и поскапувањето на храната, сѐ повеќе ресторани откажуваат јадења од својата понуда. Со отстранувањето одредени јадења од менито, тие се обидуваат да избегнат зголемување на цената на нивната понуда, бидејќи знаат дека ако премногу ги покачат цените, би изгубиле гости… Логиката вели – подобро е воопшто да не се нуди нешто, отколку да се понуди по драстично повисока цена. Првиот ресторан во Австрија којшто укина повеќе пржени јадења, како и традиционалната „виенска шницла“, е семејниот ресторан „Риглер“. Сопственикот на ресторанот, Ханес Пирчер Риглер вели дека не сака да штеди на квалитетот. – Се обидуваме да соработуваме со тукашните доставувачи. Месото доаѓа од ова подрачје, маслото – исто така… За нас е важно парите да останат во ова место, додаде тој. Во Виена, познатиот ресторан „Коларик“, поради поскапување, овој месец од менито ја избриша печената гуска… Иако октомври е времето кога Австријците традиционално јадат гуска со црвена зелка.

ПОРАДИ НЕДОСТИГ НА ЗЕЈТИН: Германските угостители го бришат помфритот од менито

Ивона Петрова — Wed, 30 Mar 2022 07:34:38 +0000

Поради украинската криза, во Германија граѓаните ги празнат полиците со сончогледово масло за готвење, а угостителите први го исфрлуваат помфритот од менито поради недостаток на зејтин и високата цена. Бидејќи Украина е значаен производител на сончогледов зејтин и маслодајна репка, земја од која Германија ги увезува овие производи, Германците стравуваат дека наскоро ќе мора да се откажат од помфритот. Првиот угостител кој го направил тоа е Фреди Базел од Дармштат. Како што изјавил за „Билд“ имал проблем со зејтинот за во фритеза, како и дека сончогледовиот е многу скап. Во јануари Базел плаќал 90 евро центи за литар масло од репка, а денеска истото чини и до четири евра за литар. Тоа е вели прескапо, и било неизбежно драстично да ја зголеми цената на помфритот. Потоа го тргнал од менито. Во германските супермаркети цените на зејтинот се поскапени за 29 проценти.

ГМ ДИЕТА: Минус 5-7 кг неделно! Одлична за оние кои не поднесуваат глад

Ристе Здравков — Thu, 10 Mar 2022 13:14:23 +0000

Легендата вели дека ГМ диетата е осмислена со цел вработените во Џенерал Моторс да се ослободат од вишокот килограми. Во секој случај, фактот дека ова е една од најбрзите и најефикасните диети во светот. Со планот за исхрана на ГМ, освен што губите 5-7 килограми неделно, телото го ставате во процес на детоксикација. Причината се состојките на оваа диета: овошје, зеленчук, млеко, супа и 6-8 чаши вода дневно. Исто така, оваа количина на овошје, зеленчук и вода која се внесува во организмот во текот на еден ден е погодна и за варење. Сето ова ќе му помогне на вашето тело да се ослободи од отпадните производи и токсините кои можат да направат да се чувствувате тромо и нездраво. ГМ супата се прави многу лесно и се состои главно од зеленчук. Оваа супа може да се јаде во неограничени количини во текот на неделата и добро е да се јаде што почесто. Совет: Супата ви помага да останете хидрирани додека телото го исфрла вишокот маснотии. Состојки на ГМ супата: – вода – 2 зелени пиперки – 6 главици кромид (помали или 2 поголеми) – домати – целер – глава од зелка – коцка пилешка супа – сол и бибер по вкус Начин на приготвување: Ставете ги сите состојки во тенџере и варете ги најмалку 45 минути или додека целиот зеленчук целосно не се свари. Мени на ГМ диетата 1 ДЕН: Јадете само овошје – секаков вид освен банани. Максималната количина на овошје не е наведена. ГМ диетата особено ги поттикнува следбениците да јадат дињи за да го зголемат слабеењето. 2 ДЕН: Јадете само зеленчук во сурова или варена форма. ГМ диетата не ја одредува максималната количина на зеленчук. Ограничете го компирот само на појадокот. 3 ДЕН: Јадете само овошје и зеленчук од секаков вид освен банани и компири. 4 ДЕН: Консумирајте само банани и млеко. Можете да јадете до шест големи или осум мали банани. Испијте три чаши млеко, по можност обезмастено. 5 ДЕН: Јадете говедско, пилешко или риба. Покрај месото, можете да јадете и шест домати. Вегетаријанците можат да го заменат месото со кафеав ориз или свежо сирење. Зголемете го внесот на вода за две чаши за да ја исфрлите дополнителната мочна киселина. Ова е хемиски производ од распаѓањето на пурините што се наоѓаат во месото. 6 ДЕН: Јадете само говедско, пилешко или риба. Денешните јадења може да вклучуваат неограничено количество зеленчук, но не и компири. Вегетаријанците можат да го заменат месото со кафеав ориз или свежо сирење. Зголемете го внесот на вода за две чаши за да ја исфрлите урична киселина. 7 ДЕН: Јадете само кафеав ориз, овошје, овошни сокови и зеленчук. Максималната количина не е одредена за ниту една од овие намирници.

Претставување на првото инклузивно дигитално мени

Тале Кристо — Tue, 07 Jul 2020 13:29:02 +0000

Тимот Mind Benders, кои се меѓу победниците на годинашниот младински предизвик „Генерација без граници!“ утревечер од 19 часот ќе биде промовиран онлајн Запознајте се со Digital Menu и ќе биде претставенa нивнaта идеја – инклузивно дигитално мени. Од СмартАп повикуваат на тимот да му бидат предложени насоки за подобрување на апликацијата Digital Menu и платформата: www.digitalmenu.mk. Апликацијата е бесплатна за користење и достапна за сите. -Оваа среда запознајте се со тимот Mind Benders и дознајте што е тоа што го прави овој тим уникатен, која е приказната што ги прави посебни и како дојдоа до самата идеја и функционалностите на ова прво инклузивно дигитално мени, соопшти SmartUp – Social Innovation Lab. За најмладите да го поминат времето дома на нов и интересен начин, СмартАп ја препорачува и платформата www.eduino.gov.mk со најнови игри и активности приспособени за учење и игра во домашни услови. На платформата Едуино е достапна за учење и забава Отворената библиотека со активности и игри за деца од 3 до 10 години. (МИА)