менструација – Kurir.mk

Што се случува кога пливаме во текот на ОНИЕ денови? Експерт објаснува како водата влијае на надуеноста и грчевите

Ристе Здравков — Thu, 17 Aug 2023 13:33:05 +0000

Пливањето е одлична форма на физичка активност за жените и е фантастично за ублажување на непријатните менструални симптоми. Дали е безбедно и здраво пливањето за време на менструацијата? Д-р Сузана Ансворт објаснува дека пливањето за време на менструацијата е сосема безбедно и може да биде корисно бидејќи вежбањето може да ги ублажи менструалните болки: „Дел од проблемот е видливата крв во водата. Всушност, кога пливате во вода, загубата на крв всушност се намалува, бидејќи има поголема отпорност во водата отколку во воздухот. Но, штом ќе излезете од водата, крвта повторно почнува да тече“. Пливањето за време на менструацијата не само што е безбедно, туку и корисно за телото. Општо земено, оваа вежба може да ја елиминира физичката и психолошката непријатност предизвикана од менструацијата. Пливањето и другите вежби не само што создаваат ендорфини кои го подигаат расположението во мозокот, туку и ослободуваат бета-ендорфини, природни лекови против болки во телото, пишува she.hr. Овие хемикалии помагаат во согорувањето на простагландините, хемикалии кои се ослободуваат за време на менструацијата кои предизвикуваат грчеви во мускулите. Освен тоа, дали знаевте дека и за време на менструацијата може да се чувствувате подуени? Вежбањето ве принудува да се ослободите од вишокот течности кои не ви се потребни и може да ви помогне да се ослободите од надуениот стомак. Генерално, ако вежбате редовно, ќе имате помалку грчеви и ќе бидете поподвижни од оние кои водат седентарен начин на живот. Менструален циклус за време на пливање и заштита Останува само прашањето, како можете да пливате за време на менструацијата? Не се препорачуваат влошки, бидејќи може да се чувствувате како да носите влажна пелена. Ако одлучите да користите тампон, имајте на ум дека тој ќе впие малку вода додека ја апсорбира вашата менструална крв. Ова е безопасно за кратко време. Сепак, важно е да ги менувате тампоните непосредно пред и по пливањето, бидејќи базените и морската вода може да содржат бактерии кои можат да ја нарушат pH вредноста на вашата вагина и да доведат до инфекција. Менструалните чашки се добар избор, бидејќи водата не може да влезе, а поради нивниот поголем капацитет во однос на тампоните, значително е намалена можноста за истекување. Која опција и да ја изберете, не заборавајте да го следите интензитетот на крварењето и редовно да ја празните или менувате избраната менструална заштита.

Од денеска Шпанките ќе можат да одат на менструално отсуство од работа – лекар одредува колку дена, а државата плаќа

Ристе Здравков — Fri, 02 Jun 2023 14:15:07 +0000

Шпанскиот закон за сексуално и репродуктивно здравје, кој го вклучува правото на жените на менструално отсуство, денеска стапи на сила. Предлог-законот беше одобрен во парламентот во февруари. Министерката за еднаквост Ирене Монтеро тогаш рече дека тоа е „историски ден за унапредување на правата на жените“. Оттогаш, усвоени се некои амандмани за да се олесни пристапот до абортус и промена на полот. Менструалното отсуство не е вообичаена практика. Во Тајван жените можат да останат дома само три дена во годината, а потоа добиваат само 50 отсто од платата. Во Јужна Кореја, работодавците мора да им дадат на жените еден слободен ден во месецот доколку тоа го побараат, но законот не регулира кој плаќа за тоа. За да го остварат правото на менструално отсуство, на жените во Шпанија им е потребно одобрение од лекар. Времетраењето на отсуството во принцип не е ограничено. Според законот, зависи од тоа колку жената има болни менструации и колку дена трае болката. Трошоците за отсуство ги покрива државата.

Дами, бидете внимателни: Кога имате циклус, овие грешки НЕ СМЕЕТЕ да ги правите

Ивана Ефремовски — Tue, 10 Jan 2023 14:59:40 +0000

Менструацијата и нејзините симптоми варираат од жена до жена, но според гинеколозите, постојат многу дами кои повторуваат едни исти грешки и со тоа воопшто не си ги олеснуваат „оние“ денови од месецот. Што советуваат тие кога се во прашање нездравите навики кои некои жени ги имаат за време на месечниот циклус? Предлого носење тампон Секој тампон има одредена апсорбирачка моќ и ако остане предолго во организмот може да предизвика навистина редок, но многу ризичен синдром на токсичен шок. Поради тоа е потребно да се следи упатството што го има на секое пакување. Не пиете доволно течности За време на крварењето се случуваат и хормонални промени кои може да предизвикаат појава на акни, намалена потреба за течности, проблеми со варењето и промени во расположението. Токму поради ова е потребно исхраната во овој период да биде повнимателно избрана, доволно хранлива и секако, да се пие повеќе вода. „Издржување“ болки Болките се нормални, бидејќи матката создава контракции за да се „испразни“. Лековите против болка можат значајно да ги олеснат болките и грчевите. Гинеколозите препорачуваат да не се „издржуваат“ овие болки, туку да се олеснат. Неследење на циклусот Сосема одговорно е да го следите својот месечен циклус со помош на апликациите или на календар, за да можете да забележите дали има некакви промени. Исто така, водете дневник и на симптомите, за да забележите дали има одредена отстапка од вообичаеното. Имате незаштитен секс Бременост може да се случи и во денови кои се неплодни, па дури и за време на слабо крварење. Исто така, ризикот за сексуално преносливи зарази постои и кога крварите, а може да се каже и дека во тие денови е зголемен, поради состојбата на регенерација на ткивата. Поради тоа е важно редовно да се користи заштита, особено ако имате односи со непостојан партнер или пак, со повеќе од еден партнер.

Жени, не правете ги овие ШТЕТНИ грешки за време на менструација

Ивана Ефремовски — Fri, 18 Nov 2022 21:30:53 +0000

ЕМА: Обилната менструација е можен несакан ефект на вакцината мРНК против Ковид-19

Ивана Ефремовски — Fri, 28 Oct 2022 19:27:56 +0000

Одборот на Европската агенција за лекови (ЕМА) денеска препорача обилно менструално крварење да се додаде на листата несакани ефекти од вакцината мРНК против Ковид-19 произведена од Модерна, како и од партнерите Фајзер и БиоНТек. Извештаи за обилни менструации – крварење кое се карактеризира со зголемен волумен и/или времетраење што го попречува квалитетот на животот – се забележани во клиничките испитувања, од случаите во реалниот свет и во медицинската литература, соопшти ЕМА. Случаите – кои беа главно не се сериозни и се привремени по природа – беа пријавени по првата, втората и засилената доза на вакцините, се додава во соопштенито. Регулаторот сега заклучи дека постои барем „разумна можност“ обилно менструално крварење да е причински поврзано со овие вакцини. Менструалните нарушувања може да се појават поради повеќе причини, вклучувајќи хронични болести, стрес и замор. Здравствените власти нагласија дека се евидентирани вакви случаи и по заболување од Ковид-19. (МИА)

Што се случува во телото на жената за време на менструацијата? Хормоните се главни виновници за сè

Магдалена Андонова — Tue, 06 Sep 2022 14:25:56 +0000

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената за време на менструалниот циклус, како физички така и емоционално. Покрај тоа што главните симптоми на менструацијата се болни грчеви во абдоменот, најверојатно жената ќе има отечени и болни гради за време на циклусот, зголемен апетит и често слабост и гадење. Покрај тоа, многу честа промена кај повеќето жени е надуеноста, најчесто во пределот на стомакот. Повеќето од симптомите продолжуваат во текот на самиот менструален циклус, а најголемите промени всушност се случуваат на полето на емоциите. Промени на емотивен план Во периодот по овулацијата (кога јајниците ја ослободуваат јајце клетката), доаѓа до зголемување на хормоните естроген и прогестерон, поради што многу жени доживуваат промени во расположението. Овие хормони патуваат низ крвотокот до мозокот каде што се мешаат со хемикалии наречени невротрансмитери. Поради ова се појавува нервоза, раздразливост, чувствителност и други промени на емоционално ниво. Исто така, поради потребата на телото да се подготви за потенцијална бременост за време на овулацијата, постои зголемена потреба од храна со цел телото да ги зачува потребните масти за правилно функционирање. Менструалниот циклус вклучува период на крварење кое може да трае од 2 до максимум 7 дена. Во тој период жените се претежно збунети, имаат проблем да ги изразат своите емоции на вистински начин, а често имаат желба да бидат сами и да го пребродат тој период со слатки и филмови. Промени на психолошко ниво Многу често, луѓето склони кон анксиозни нарушувања во предменструалниот период ја доживуваат таканаречената „акумулација“ на емоции. Тоа се случува затоа што во тој период се зголемува нивото на кортизол или хормонот на стресот. Доколку во овој период не ги третираат своите мисли на вистински начин, можно е да им се појави панично растројство. Сепак, тоа не треба да биде проблем, бидејќи со поминување на ПМС - и емоциите ќе се стабилизираат.

Секој маж треба да ги знае овие работи за женскиот месечен циклус

Ивана Ефремовски — Mon, 12 Oct 2020 16:29:52 +0000

Жените крварат секој месец, а тоа значи дека тие се здрави и дека не се бремени. Ова е сè што знаете, а најверојатно сте биле во ситуација во која сте почувствувале олеснување поради втората причина. Не треба да бидете лекар или психијатар за да знаете малку повеќе од ова, бидејќи ако сакате да остварите близок контакт со жените, а притоа тие да не помислат дека сте некој дивјак, неизвестен и ограничен, сметајте го месечниот циклус на жените и нивното однесување во врска со ова прашање, како знаење од општа култура. 1. Периодот на крварење трае од 2-3 до 7-8 дена. Најчесто од 5 до 7 дена. 2. Некои жени имаат прецизен циклус од 28 дена, но некои подолг или пак пократок. Секако, должината на циклусот кај секоја жена различно варира. 3. Плодните денови, вообичаено се на средина од циклусот. Но, и ова е индивидуално. Некои жени имаат плодни денови веднаш по завршувањето на крварењето. 4. За време на менструацијата сексот не е исклучен, но од практични причини подобро е да се воздржите. Ова не треба да го користите како метод на контрацепција. Кондомот е повторно задолжителен, бидејќи жените се осетливи на инфекции во овој период, поради тоа што грлото на матката е малку подотворено. 5. И можно е да забремените. Шансите се мали, но сепак постојат. Спермата може да преживее неколку дена во женското тело, менструацијата да трае три дена, циклусот да е скратен, а плодните денови да се само неколку дена потоа. Со една реченица, можно е! 6. Менструалната крв не е валкана. Таа е дел од целокупниот крвоток. Некои жени имаат долги и обилни менструации за разлика од други. Понекогаш некои жени имаат слаба крв поради обилните менструални крварења, но сепак женскиот организам е дизајниран на тој начин да го поднесе губитокот на крв без сериозни последици. 7. Понекогаш предменструалните болки се јаки и тие се исти како при симптомите на бременост. Болка во градите и стомакот, отеченост, па дури и мачнина. Жените може да „одлепат“ од тоа. 8. ПМС е период на телесна напнатост, емотивна пречувствителност и психолошка нестабилност. Потоа продолжува и во текот на менструацијата. Ако во тој период, таа мисли дека е трудна, сетете се дека е во ПМС – иако ова може да ве вознемири, тоа воедно е еден вид испит за стабилноста и трпението на еден маж.

Болната менструација може да биде неподнослива: Дами, овие совети многу ќе ви помогнат

Ивана Ефремовски — Sun, 06 Sep 2020 18:58:37 +0000

Дисменореја е називот за болна менструација која се јавува кај 50-60% од жените, а симптомите вклучуваат грчевити болки во стомакот и грбот, кои можат да бидат со различен интензитет. Болките обично траат ден-два, но понекогаш се неподносливи. Многу експерти велат дека симптомите на болната менструација се одраз на нашите прехранбени навики, но и на нерешени емоционални потешкотии. Покрај болките во стомакот и грбот, симптомите кои обично ја придружуваат болната менструација се гадење, повраќање, дијареја, запек, главоболка, вртоглавица, чувствителност на звуци и мириси, замор и сл. Ако сте една од оние жени кои секој месец имаат проблем со болна менструација, ова се неколку совети кои ќе ви ги ублажат симптомите…

На долниот дел од стомакот или грбот ставете топол термофор или пешкир натопен во топла вода.

Топлиот туш исто така ќе ви помогне.

Погрижете се да не ве стега ништо во пределот околу стомакот. Немојте да носите тесен каиш, тесни фармерки и сл.

Умереното вежбање е добро доколку можете да го поднесете бидејќи ќе ви го поттикне доброто расположение и привремено ќе ви ја елиминира болката. Се препорачува јога, аеробик и пливање, односно физичка активност која активира што повеќе мускули.

Кофеинот и пијалаците кои содржат кофеин можат само да ги влошат болките, па затоа избегнувајте ги.

Можете да земате аналгетици како привремено решение за болката, но нека не ви преминува во навика. Подобро свртете се кон природните начини за да се ослободите од болките.

Избегнувајте мрсна и лута храна.

Пијте топли чаеви за ублажување на болките како јасмин, камилица, ајдучка трева… Чајот од ајдучка трева е многу популарен меѓу жените, бидејќи помага со сите тегоби поврзани со менструацијата и ПМС-от, ги ублажува грчевите, нервозата и ги смирува воспалените јајници.

Мешункастите плодови и зеленчукот, како и житариците, особено овесното брашно, ги ублажуваат болките и воспаленијата.

Ѓумбирот е одличен избор при болни менструации, а можете да го користите како чај или да изрендате свеж во чајот.

Намалете на солта.

Внесете доволно калциум во своето тело: брокули, зелка, кељ, спанаќ…

Колку можете одмарајте.

Избегнувајте слатка храна и јаглехидрати.

Направете блага масажа со врвовите на прстите околу долниот дел на стомакот.

Обидете се да се опуштите со вежби за медитација и јога.

Избирајте храна богата со прехранбени влакна, антиоксиданси и омега-3 масни киселини.

Што се однесува до течностите, секогаш подобар избор е водата, зелениот чај и природните сокови.

Направете си сокче од морковче или супа од моркови. Овој зеленчук може да ги ублажи менструалните тегоби.

Доколку сте во можност да го набавите, во исхраната вклучете кинески компир. Коренот од ова растение служи како храна, а го користеле уште Маите и Ацтеките.
Новите истражувања покажуваат дека витаминот Д3 може значително да ги намали менструалните грчеви, со оглед на тоа дека го спречува создавањето на простагландини, олеснувајќи ја болката.

Менструацијата во земјава е луксуз, 15 отсто од девојчињата користат весници наместо влошки оти се скапи

Дарко Андоновски — Thu, 18 Jul 2019 11:55:39 +0000

Петнаесет отсто од девојчињата во Македонија користат весници наместо хигиенски влошки за време на менструалниот циклус, поради високата цена на средствата за лична хигиена, покажа истражувањетона здружението Новинари за промена и Институтот за јавно здравје. Истражувањето било направено лани во април и мај, во Скопје, Велес и Куманово, со 800 испитаници, на возраст од 14-45 години, пренесува СДК. Македонија се наоѓа високо на листата на земји кои не успеваат да управуваат со менструалната хигиена, вели Наташа Доковска од Новинари за промена. „Во Македонија нема ниту едно основно училиште или средно училиште во кое тоалетите се адаптирани за управување со менструална хигиена. Во Македонија 90 отсто од ученичките во руралните средини не одат на училиште 4 до 5 дена кога имаат месечен циклус, додека 75 отсто од ученичките во урбаните средини изостануваат 2 до 3 дена поради истите причини. Истражувањето покажа дека 19 отсто од девојчињата воопшто не купуваат никакви средства“, вели Доковска. Причината за тоа лежи во несоодветни услови за управуавње со менструалната хигиена на училиште/работно место и високата цена на чинење на средства за управување со неа. Во Македонија само во едно приватно училиште, во Велес, има услови/тоалет за менструална хигиена, а во ниту едно училиште нема соодветни произовди како сапун, тоалетна хартија и вода, ниту пак соодветни места за управување со менструална хигиена(сапун, тоалетна хартија, вода), ниту пак соодветни места за отстранување на отпадоци од тоа. Целата вест можете да ја прочитате ТУКА.

Да се тргне делот “мен“ од зборот “менструација“: Барањето на феминистките ги шокираше сите

Ивана Ефремовски — Fri, 08 Mar 2019 10:23:13 +0000

Феминистките во Европа, обединети во силно женско лоби кое има исклучителна моќ во политичката и социјалната сфера, веројатно одат чекор предалеку! Според последните вести и соопштението испратено до неколку европски медиуми, во пресрет на 8 Март, феминистичките движења се пофалија дека извојуваа уште една победа и дека зборот „менструација“ ќе се преименува во „фемструација“ поради асоцијацијата на „маж“ („мен“ на англиски) во самиот термин. -Менструацијата е практично единствената видлива полова разлика помеѓу мажите и жените и таа не е предодредена од ништо друго, туку единствено од нашата биологија. Зошто тогаш во коренот и етимологијата на еден типичен женски термин кој никако не може да се искористи во машки контекст, да се содржи зборот ‘маж’? Тоа за европската, самосвесна жена е недозволиво, а ние ќе одиме ако треба и чекор понатаму и ќе помогнеме во масовна популаризација на новиот термин во сите европските земји, се вели во нивното соопштение. На македонски, ова би требало да биде “женструација“???