менувачница – Kurir.mk

Ограбил менувачница, но не зел пари – еве што е украдено

Ивана Ефремовски — Thu, 27 Jul 2023 15:25:24 +0000

На 26.07.2023 во 16:30 часот во СВР Скопје било пријавено дека О.Н. пријавил дека во менувачница во Скопје едно лице со закана од вработениот одзело мобилен телефон. Се преземаат мерки за расчистување на случајот.

Кумановец регистрирал менувачница и работел без да поседува согласност и решение од Народна банка

Катерина Бојаџиева — Fri, 07 Apr 2023 20:20:54 +0000

СВР Куманово поднесе кривичнa пријавa против Д.М.(61) од Куманово и против правно лице од Куманово, поради постоење основи на сомнение за сторено кривично дело „недозволена наплата или исплата во ефективни странски пари“ од Законот за девизно работење. Првопријавениот, регистрирал фирма-менувачница, по што спротивно на член 36 од Законот за девизно работење, вршел откуп и продажба на странски пари и чекови кои гласат во странска валута од странски и домашни лица без да поседува согласност и решение од Народна банка на РСМ.

Сопственик на менувачница во Струмица на клиент му украл 65.000 франци

Ивана Ефремовски — Fri, 01 Feb 2019 15:05:05 +0000

Вчера во СВР Струмица, А.П. (68) од Струмица пријавил дека околу 11 часот во менувачница во Струмица на сопственикот му дал 95.000 швајцарски франци, кои биле во апоени од по 100 франци, за да му ги замени во апоени од по 1.000 франци. П.М. му заменил само 30.000 франци, додека останатите 65.000 франци ги задржал и се уште не му ги вратил. Се преземаат мерки за целосно расчистување на настанот.

Ограбени бензинска пумпа и менувачница на „Качанички пат“

Ивона Петрова — Sun, 23 Dec 2018 14:23:25 +0000

Две лица со закана со оружје вчера околу 19:45 часот извршиле разбојништво во бензинска пумпа на улицата „Качанички пат“ во Скопје. Разбојниците го одзеле дневниот промет од бензиската и менувачницата што се ноаѓа во рамки на пумпата. Од МВР информираат дека се преземаат мерки за пронаоѓање на сторителите и расчистување на случајот.

Ги поделиле парите во кафеана: Двајца тетовци и двајца Италијанци вчера ограбиле менувачница во Тетово

Дарко Андоновски — Wed, 19 Sep 2018 09:08:52 +0000

Секторот за внатрешни работи Тетово, по преземени мерки го расчисти разбојништвото кое вчера околу 9 часот беше извршено во менувачницата, односно агенцијата за трансфер на пари, лоцирана на улица „Илинденска“ во Тетово. Од слобода се лишени четири лица поради основано сомнение дека се сторители на кривичното дело . Од слобода се лишени М.М. (56) и Р.С. (35) двајцата од Италија и Е.В. (32) и Х.Л. (57) од Тетово. Италијанскиот државјанин М.М. и тетовците Е.В. и Х.Л. поради основи на сомнение дека извршиле кривично дело „разбојништво“, а Р.С. поради сомнение дека извршила кривично дело „прикривање“. Првоосомничениот М.М. влегол во објектот и заканувајќи му се на вработениот со пиштол од метален сеф и фиока противправно одзел парични средства во вкупен износ од околу 20.000 евра, по што со такси возило управувано од Х.Л. веднаш се оддалечил заедно со другите осомничени, кои го чекале во непосредна близина. Набрзо, четворицата осомничени се упатиле кон угостителски објект покрај регионалниот пат Тетово – Волковија, каде ги поделиле одземените парични средства, по што во друг угостителски објект каде престојувале, лишени се од слобода од полициски службеници на СВР Тетово. Во текот на денешниот ден четворицата ќе бидат изведени пред судија во претходна постапка на Основниот суд Тетово.

Хакерски напад на менувачница за криптовалути- одземени 31 милион долари

Даниел Василев — Wed, 20 Jun 2018 16:50:33 +0000

Јужнокорејската менувачница за криптовалути „Битхамб“ соопшти денеска дека хакери украле виртуални валути во вредност од 31 милион долари. Таа менувачница која е втора по големина во Јужна Кореја посочу дека хакерскиот напад се случил меѓу вторникот вечерта и средата наутро, пренесува АП. „Битхамб“ додава дека по хакерскиот напад го прекинале тргувањето и промена на криптовалути. Засега не е соопштено кои криптовалути се украдени. Тоа е последен во низата сајбер напади на менувачници за криптовалути кои предизвикаа загриженост кај инвеститорите за безбедност. Хакери претходно овој месец изведоа сајбер напади на менувачницата „Коинрејл“ и наводно украле виртуални валути во вредност од 37 милиони долари.