Мердаре – Kurir.mk

Отстранета барикада на Мердаре

Ивона Петрова — Thu, 29 Dec 2022 09:54:24 +0000

Барикадата на Мердаре од правец на централна Србија е отстранета и сообраќајот е повторно воспоставен, јави денеска РТС. Како што се наведува, таа барикада била поставена на оддалеченост од околу еден километар од царинскиот пункт. Српскиот претседател Александар Вучиќ синоќа по средбата со претставниците на Србите од Косово изјави дека е донесена одлука за отстранување на барикадите. -Од утре претпладне почнува отстранувањето на барикадите, но тоа не може да се направи за два часа. Дали за 24 или за 48 часа – барикадите ќе се отстранат, но недовербата не е отстранета. Тие што мислат дека можат да си играат со животите на Србите и нивниот опстанок, тие треба да знаат дека, како што до сега не сме дозволиле сите заедно, нема да дозволиме ниту во иднина, потенцираше синоќа Вучиќ.

Мердаре е отворен за косовските цариници издаваат влезно-излезен документ

Тале Кристо — Mon, 01 Aug 2022 07:54:12 +0000

Српските цариници синоќа останаа на административните пунктови Брњачки мост и Рудница/Јариње и покрај тензиите предизвикани од одлуката на Приштина од полноќ да не ги признава документите од Србија, соопшти денеска Царинската управа, пренесе Бета. Откако властите во Приштина најавија дека на покана на Амбасадата на САД ќе ја продолжат одлуката за издавање документи за влез-излез на српските државјани за еден месец, доколку се отстранат барикадите, утрово преминот Мердаре е пуштен за сообраќај. , каде што се уште се издаваат такви документи. Како што јави РТС, на Мердаре на граѓаните на Србија им се издаваат влезни и излезни документи од косовска страна, кои важат наместо лични карти. Според изјавите на лицата кои поминале низ Мердар, влезно-излезниот документ содржи број на лична карта и име и презиме на имателот, кој е должен да го има кај себе додека е на територијата на Косово, а истиот е со важност во следните четири месеци. Засега нема информации кога ќе бидат отворени премините Јариње и Брњак кои се уште се затворени бидејќи косовските цариници не ги добиле документите за влез-излез, а патиштата се уште се блокирани,јави Бета.

На преминот Мердаре се отстранети барикадите

Ивона Петрова — Mon, 01 Aug 2022 07:00:15 +0000

По одлуката на властите во Приштина да го продолжат за еден месец издавањето документи за влез-излез за сите граѓани на Србија кои влегуваат во Косово, на барање на американската амбасада, отстранети се барикадите кои беа поставени на преминот Мердаре каде од утрово сообраќајот се одвива нормално, пренесе Бета. Како што јави РТС, на преминот Мердаре, каде синоќа беше формирана колона од пет до шест километри, од утрово нема метеж, а чекањето за влез во Косово е 10 минути.