мерџан даути – Kurir.mk

Адвокатот Даути: На обвинителот Рустеми животна желба му е да го види Миле Јанакиески во затвор

Дарко Андоновски — Thu, 28 Oct 2021 14:21:40 +0000

Отидов кај обвинителот Рустеми за да разговараме за предложените докази од страна на одбраната затоа што во законски рок и ние имаме поднесено свои докази. Со дозволувањето јавниот обвинител да се произнесе за доказите на одбраната е голема навреда и за одбаната и за обвинетите, оценува адвокатот Мерџан Даути. Јасно е дека јавниот обвинител не може да се произнесе по доказите предложени од страна на одбраната,јасно е дека за тоа треба да одлучи судот бидејќи тој е што носи одлуки-вели Даути. Адвокатот смета дека обвинителот Рустеми има лична нетрпеливост кон дел од обвинетите. На Јавниот обвинител Рустеми животна желба му е да го апси и да го гледа Миле Јанакиески и Тони Трајковски зад решетки-убеден е Даути.

Адвокат со допис до судот по средба со Рустеми: „Судот ќе ги одбие доказите, за „ТНТ“ да заврши до крај на 2021“

Магдалена Андонова — Tue, 26 Oct 2021 13:30:45 +0000

Допис со обвинувања дека постои договор меѓу обвинителот Бурим Рустеми и Кривичниот суд, пресуди за предметите кој тој ги застапува да има до средината на декември е доставен до претседателот Иван Џолев, шефицата на Обвинителството за гонење организиран криминал Вилма Русковска, републичкиот обвинител Љубомир Јовески и странски амбасади, дознава А1он.мк Според неофицијалните извори на А1он.мк, во дописот испратен од адвокатот Мерџан Даути, бранител на Елисавета Најдосвска обвинета во „ТНТ“, стои дека за да биде пресудата донесена што побрзо, обвинителот Рустеми бил на средба со бранителот и му посочил дека ќе продолжи на судечкиот совет да ги одбие овие докази на одбраната и тоа ќе биде прифатено. Рустеми за А1он.мк потврдил дека таа средба се остварила и дека се разговарало за докази, но не дека тие ќе бидат одбиени од судот. Целата објава може да ја погледнете на А1он.мк

Мерџан Даути официјално побара иземање на обвинителот Бурим Рустеми во случајот „Насилство во Центар“

Дарко Андоновски — Mon, 14 Sep 2020 10:48:49 +0000

Адвокатот Мерџан Даути денеска и официјално на рочиштето за „Насилство во Центар“ побара од Обвинителството до Куманово и до обвинителот Јовевски иземање на обвинителот Бурим Рустеми. Причината за ваквото негово барање според се е што не му се даваат доказите на албански јазик што претставува суштествена потврда на постапката. Исто така обвинителот Бурим Рустеми одбил да го чита текстот на доказите и спротивно на ЗКП ги читаше само насловените на доказите што претставува суштествена повреда на постапката за што се има изјаснето и Апелациониот суд. Исто така обвинителот Рустеми се уште нема доставено ново овластување од обвинителството и се уште застапува со старо овластување кога бил вработен во СЈО. Поради ваквите барања судијата Огнен Ставров на адвокатот Даути му се закани со казна од 10 илјади евра и барање за одземање на лиценцата.

Адвокатот Даути предлага мерки против коронавирусот

Ивана Ефремовски — Thu, 19 Mar 2020 16:24:36 +0000

Адвокатот Мерџан Даути испрати јавен апел до Судскиот совет и до министерката за правда Рената Дескоска. Неговиот апел го пренесуваме во продолжение: Со цел да придонесам кон справување со коронавирусост (Covid 19) бидејќи јавното здравје е заедничка одговорот и од нас зависи како ќе се справиме со овој вирус, предлагам неколку предлог мерки:

Сите постапки во судовите да се прекинат, освен за предметите каде е определен мерка ефективен притвор;
За предметите за кои ќе настане прекин во судењето да се донесе уредба со законска сила која ќе го прекине течењето на роковите со тоа што нема да може да настане застареност на предметите или други негативни реперкусии;
Под итно да се судат и предметите за сите лица за кои ќе се утврди кривична одговорност за прекршување на одлуките на Владата на Република Македонија, а поврзани со корона вирусот (Covid 19);
Секој суд на својата web страница јавно да објави кои предмети ќе продолжат со судење со наведување на точниот термин и сала, а не истото да се прави на шалтерите на судовите;

-Министерството за правда или судовите за секое лице кое ќе влези во судот да обезбедат заштитна маска и нараквици, кои се задолжителни со справувањето на корона вирус. Секое лице кое ќе влезе во судот да потпише изјава под морална и кривична одговорт дека не патувал надвор од земјата во последните 14 дена, но и дека не е во самоизолација. Апелирам овие мерки да ги донесете во текот на утрешниот ден, бидејќи секоја задоцнета мерка може да предизвика нови заболени лица со корона вирус. Не дозволувајте да се случи нешто што никој не би го сакал за себе. Со неносењето на ваков тип на мерки во услови кога СЗО прогласи пандемија, а Претседателот на Република Македонија, Стево Пендаровски вонредна состојба поради коронавирусот, судот како државен орган да не врши повреда на правото на животот заштитен со член 2 од Европската конвенција за човековите права, на сите присутни во судовите.

Даути: Постои можност мојот клиент да е во ризична категорија, нејзиниот сопруг имал контакт со доктор кој е во карантин поради коронавирусот

Катерина Бојаџиева — Thu, 12 Mar 2020 16:24:33 +0000

Адвокатот Мерџан Даути реагираше во врска со информацијата на некои портали, дека денешното рочиште позната во јавноста „ТНТ“, намерно се одложува. Неговото соопштение ви го пренесуваме интегрално во продолжение: -Ве информирам дека: – сопругот на мојата странка која ја бранам, имал непосреден контакт со доктор кој е во карантин поради coronavirus (COVID-19), – постои можност, мојот клиент да е во ризична категорија, т.е. е пензионер и со определени здраствени проблеми, – странките во постапката, како и судиите, преставниците на невладите организации, новинарите имаат семејства во кои има лица од ранливи категории и сите ние сме изложени на ризик, – судот не пружи никакви мерки за заштита, т.е. нема дизефекција на судниците, не се седи на растојание од 1,5м при што согласно препораките на министестерството за здраство, напротив во мали простории без соодветна вентилација се наоѓаме и по 50 лица, – напоменувам дека во судот секој ден се спроведуваат лица од притвор, затвор и куќен притвор со недезифецирани возила. Па се поставува прашањето: Кој и во какви услови ќе ги лекуваат тие луѓе? – Што ако се заразат полициските службеници што вршат спровот, тоа директно влијае на капацитетот на безбедносниот сектор на кој во вакви околности паѓа голем дел од товарот за заштита на јавното здравје. Во интерес на вистината во однос на денешното судење, но и оценувајаќи дека ова мое соопштение ќе придонесе кон носење на исправни одлуки од страна на министерот за здраство и Владата на Република Северна Македонија, Ве молам ова мое соопштение да се објави во целост.

Последен апел за прекин на самоволието на Кривичниот суд и носење на итни одлуки со цел владеење на правото!

Дарко Андоновски — Thu, 12 Mar 2020 10:26:29 +0000

Адвокатот Мерџан Даути испрати апел до Кривичниот суд за носење на итни одлуки со цел владеење на правото! истиот апел ви го пренесуваме интегрално во продолжение: Овој апел го испраќам до единствената институција која во моментов може да придонеси текот на судењето во случајот ТНТ биде согласно закон. Почитувани членови на Судски совет, Во текот на утрешниот ден охрабрете се, не потклекнувајте на никави притисоци, закани, уцени или ветувања. Донесете законита одлука во интерес на владеењето на правото. Молкот е најлоша опција. Премолчувањето на незаконските постапки и вас директно ве прави сооучесници во истите. Донесете било каква Одлука но не молчете! Не секогаш молчењето е злато, во овој случај молчењето е одобрување на незаконско работење. Вие сте орган кој е формиран да обезбеди функционирање на судовите согласно Закон и Устав. Дали сеуште ќе молчите за: - Различниот начин на постапување на Кривичниот суд во врска со поротничките во случајот ,,Ласкарци,, и ТНТ - Непочитување на законот на ЗКП пред се поради недавање на записници од судски рочишта и назначување на адвокати по службена должност - Дејствијата на Претседателот на Кривичниот суд со кои експлицитно се прават Кривични дела - Не дозволување на користење на албанскиот Закон согласно Устав и закон Почитуван Претседател на судски совет една порака и до Вас ,,Не им верувајте на Данајците и кога дарови носат“ бидејќи незаконски избор неможе да предизвика владеење на право и да ги потврди вашите етички вредности. На 28.01 нема да Ви креваат телефон и ќе Ви кажат тоа што Ви ветиле поради новонастанатата ситуација и моменталната ситуација нивното ветување неможе да го исполнат, стои во неговиот апел.

Даути: Последен апел за прекин на самоволието на Кривичниот суд и носење на итни одлуки со цел владеење на правото!

Дарко Андоновски — Sun, 12 Jan 2020 09:50:47 +0000

Адвокатот Мерџан Даути до јавноста денеска испрати последен апел за прекин на самоволието на Кривичниот суд и носење на итни одлуки со цел владеење на правото. Целиот интегрален апел ви го пренесуваме во целост во продолжение: -Овој апел го испраќам до единствената институција која во моментов може да придонеси текот на судењето во случајот ТНТ биде согласно закон. Почитувани членови на Судски совет, Во текот на утрешниот ден охрабрете се, не потклекнувајте на никави притисоци, закани, уцени или ветувања. Донесете законита одлука во интерес на владеењето на правото. Молкот е најлоша опција. Премолчувањето на незаконските постапки и вас директно ве прави сооучесници во истите. Донесете било каква Одлука но не молчете! Не секогаш молчењето е злато, во овој случај молчењето е одобрување на незаконско работење. Вие сте орган кој е формиран да обезбеди функционирање на судовите согласно Закон и Устав. Дали сеуште ќе молчите за: - Различниот начин на постапување на Кривичниот суд во врска со поротничките во случајот ,,Ласкарци,, и ТНТ - Непочитување на законот на ЗКП пред се поради недавање на записници од судски рочишта и назначување на адвокати по службена должност - Дејствијата на Претседателот на Кривичниот суд со кои експлицитно се прават Кривични дела - Не дозволување на користење на албанскиот Закон согласно Устав и закон Почитуван Претседател на судски совет една порака и до Вас ,,Не им верувајте на Данајците и кога дарови носат“ бидејќи незаконски избор неможе да предизвика владеење на право и да ги потврди вашите етички вредности. На 28.01 нема да Ви креваат телефон и ќе Ви кажат тоа што Ви ветиле поради новонастанатата ситуација и моменталната ситуација нивното ветување неможе да го исполнат, стои во неговиот апел испратен до медиумите.

Ново писмо на адвокатот Мерџан Даути: Прашина за „ТНТ“ се крена поради двојните аршини на судската власт

Тале Кристо — Sat, 11 Jan 2020 09:23:37 +0000

Во продолжение ви го пренесуваме целото соопштението: Се поставува прашањето зошто толку прашина се крена околу предметот „ТНТ“ овие денови и зошто на „нозе“ се крена целокупната македонска јавност. Одговорот е јасен поради двојните аршини на судската власт од позиција на моќ и сила. Секогаш фрустрацијата е голема кога моќта и власта се користи на некој да му се направи неправда. Една кратка ретроспектива околу ова мое тврдење, а исто така ќе ја искористам оваа можност уште еднаш да апелирам до Судскиот совет како највисока инстанца која треба да се грижи за спроведување на правото во Република С. Македонија со една одлука го пресече гордиевиот јазол. 1.Најеклатантен пример за двојни аршини на кривичниот суд Скопје се последните случувања со поранешните судии – поротнички Славица Шандовска и Лилјана Ивановска Кочковска. Единствената причина за различниот третман е тоа што некој има висок интерес предметот ТНТ да се заврши час поскоро. Имено двете поротнички се именувани во исти ден и аналогно на тоа во исти ден им е завршен мандатот. Претседателот на судот поради истек на четири годишниот мандат утврдил дека Славица Шандовска повеќе не е дел од судечкиот совет во предметот „Ласкарци додека за поротничката во ТНТ пробува да изнајде незаконски изговори за истата и понатаму биде член на судечкиот совет дури спротивно на закон се побара продолжување на нејзиниот мандат одредба која не постои ниту во еден закон. 2.Во судските предмети ,,Еразмо,, и ,,Тортура,, Претседателот Џолев не се ,,грижеше,, за поротничките да им дава заштита па поради заштитата да ги повлекуваат своите изјави и оставки туку тоа го прави за ,,ТНТ,, бидејќи како што и самиот кажа овој предмет бил од висок интерес и го спореди дури и со таканаречените бомби. Чудно е што за случајот Еразмо не беа доволни ни 7 дена по завршни зборови да се донесе пресуда па потоа слободно поротникот да оди во Германија, па се поставува прашања како Џолев заедно со сите заедно имаат договорено да го заврши ТНТ до 27.01.2020 година. 3.Во нашата држава нема проблем да се користи албанскиот јазик согласно закон и Уставот во Тетово, Гостивар и други судови за било кој предмет и доколку било која страна го побара тоа без проблем истото се дозволува и спроведува. Но, кога јас побарав тоа да се случи во Основниот кривичен суд во Скопје одма беше започната постапка за мое санкционирање по иницијатива на судечкиот совет и од страна на судот беше истолкувано како моја намера за одолговлекување на постапката. 4.Во сите постапки во кои учествувам како бранител Записнициите од рочиштата како што е тоа предвидено со закон ги добивам одма или најкасно во рок не подолг од 3 дена а во случајот ТНТ од 4.12.2019 година, сеуште немам добиено записник. И тука повторно судот ме товари дека ја кочам постапката зошто едноставно барам записник на јазик кој ми е дозволен со Закон и Устав. 5.Во сите постапки во кои сум учествувал вклучително и во Основниот Кривичен суд, доколку немам добиено уредна покана или од оправдани причини неможам да присуствувам на рочиштето истото се одлага но тоа не е случај во предметот ТНТ. Судот и покрај тоа што повеќе од половина одложени рочишта се по вина на судот и обвинителството постојано ни потенцира и тоа е еден од основите за поведување на дисциплинска постапка против мене дека одбраната ги одлага рочиштата. Почитувани, Нема потреба странските преставници да ни укажуваат дека судството ни е во хаос и дека неопходни се темелни реформи во истото. Најнапред реформата треба да започне од сите нас учесници во постапката и затоа очекувам дека овој случај во јавноста познат како ТНТ преку идни законски постапки од страна на Претседателот на кривичниот совет ќе биде почеток на крупни реформи во македонското судство.

Даути: Претседателот на Кривичниот суд со обраќањето до Адвокатската комора врши притисок врз нас

Ивана Ефремовски — Fri, 10 Jan 2020 11:30:05 +0000

Адвокатот Мерџан Даути испрати допис до Претседателот на Основен кривичен суд. Текстот го пренесуваме во продолжение: Начинот на комуникација и однесување кој го практицира како Основен кривичен суд со тоа што при секое барање на адвокатите кои се согласно позитивните законски прописи, Вие експресно се обраќате до Адвокатската комора, да ни ги одземате Лиценците е обид за наше замолкување, што преставува притисок да престанеме со сите сили согласно закон, што ни е неопходно да ги бранеме нашите клиенти. Вие имате сила и затоа не казнувате, иницирате дициплински постапки, но со оваа прилика сакам да ве потсетам дека стапот има два краја. Апелирам до Вас и сите меѓународни иституции, за Ваше добро и за доброто на државата, дека владење на правото и почитување на законите е услов нашата земја побрзо да влезе во НАТО и ЕУ, затоа прифаќате оставка на судија – поротник Лилјана Ивановска Кочовска, па и кривичниот предмет нека продолжи без влијание на Претседателот на судот, и судењето нека се води судечкиот совет. Не се плашете Претседателе, овој предмет застарува во 2031 година, и не разбирам на Вашето инсистирање спротивно на сите позитивни закони, да предметот познат за јавноста „ТНТ“ да заврши пред изборите или во најкусен можен рок, те. текот на овој месец. Со непочитување на законските одредби и недозволување на употреба на албанскиот јазик се праваат суштествени повреди на ЗКП, што значи повисоките судови, те. Апелационен или Врховен суд, овие факти немаат да ги премолчат и предметот наместо да започне да се суди од ново во јануари, ќе почне да се суди јуни или јули 2020 година, кога ќе биде вратен од повисоките судови. Затоа, Ве повикуваам, на јавноста, колегите адвокати и на локална и меѓународната заедница, да и одговорите на прашања:

Дали на 28.01.2020 година, доколку согласно подготвениот план, Судскиот Совет констатира оставки, одново ќе почне судењето ТАЛИР 1, МОНСТРУМ, ТЕНДЕРИ, ТОПЛИК и сите други предмети каде оваа поротничка е член да судечиот совет?
Дали на последното рочиште кое се одрза во јануари 2020 година, во случајот за сообраќајната несреќа, едната од судија – поротник, поради протек на мандат повеќе не е член на судечкиот совет и зашто и за неа не инсистирате да продолжи да работи се до одлука на судски совет, нешто се прави со Лилјана Ивановска Кочовска?
Вистина ли е дека Основниот кривичен суд нема друг судија – поротник?

Дозволете како претседател на Судот, да завладее правото, а ако сметате дека „ТНТ“ е национален интерес, те. мора Фиат Цановски да се обештетува до парламентарните избори, започнете го рочиштето од ново согласно закон, закажувајте рочиште секој ден до 12.04.2020 година, и така ќе ја постигнете целта, но притоа ќе имаме судска постапка соглано закон.

Даути: Шпекулација е дека одбраната ја одолговлекува постапката, судот сака да ги покрие своите незаконски постапувања

Ивана Ефремовски — Wed, 08 Jan 2020 12:53:47 +0000

Адвокатот Мерџан Даути денес се огласи со отворено писмо до јавноста. Неговото писмо го пренесуваме во целост: Во врска со денешното соопштение на Кривичниот суд Скопје, сакам да истакнам неколку факти и аргументи со цел јавноста да ја дознаете правата слика во врска со овој кривично правен настан

Добро е што Кривичниот суд ги повикува МВР и Обвинителството да го испита притисокот врз судот и судијата поротник но оваа прилика ја користам овие институции да го проверат и законското работење на судот и поранешниот судија – поротник, но и на Судскиот совет на СРМ, но исто така и притисоците кои се прават врз судијата поротник од повеќе страни со цел незаконски да се појавува на рочиштата. Укажувања дека некои работи се незаконски и што се последиците од истото не е никаков притисок напротив заканите кои се вршат на судиите поротници не само во овој процес, а тоа сигурно не е од обраната, е нешто што треба да се занимава МВР и Обвинителството.
Судот не смее и неможе да работи на таканаречени општо познати работи.

Зачудува фактот што судот го цитира Законот за судови но не се повикува на ниту една одредба од истиот. Со цел да се запознае македонската јавност во член 49 од Законот за судови има одредба дека мандатот на поротникот трае фиксно 4 години, и не постои можност истиот да се продолжи со писмо или со барање туку има точно утврдена постапка но истото не важи за поротник со наполнети 60 години. Исто така добро е судот да каже во кој закон има одредба дека Судскиот совет треба да разреши некого на кој му е истечен мандатот. Едноставно судот пробува да прикаже во јавноста лажна слика за реалната состојба поврзана со овој поротник.

Во врска со точка 3 од соопштението на Кривичниот суд, јавно ги повикувам да кажат врз база на која законска одредба може да се продолжи мандатот на судијата – поротник. Такво нешто почитувани не постои и се поставува прашањето како може вакво нешто воопшто да цитирате во вашето соопштение. Во врска со делот за судење во разумен рок сакам да истакнам дека прво ова рочиште не трае 2,5 години туку помалку од 2 годни но исто така судење во разумен рок не треба да го дерогира правото на соодветно време и услови за подготовка на одбраната за пто има и пресуди на ЕСЧП. Исто така начинот на вака закажаните рочишта и времетраењето на рочиштата го повредува правото на еднаквост на оружјата за што исто така има пресуди од страна на ЕСЧП. На крај самиот суд за човекови права во голем број на пресуди има истакнато дека иако е важно да се спроведува постапката доволно брзо, ова не треба да се прави на штета на процедуралните права на една од страните што впрочем судот го прави постојано.
Во однос на кочењето на судските постапки и користењето на Законот за јазици сакам да истакнам дека судот треба да ја информира јавноста дека повеќе рочишта се одложени поради барање на судот и обвинителството (болест, спреченост, случајот Рекет) спооредбено со одбраната. Исто така во врска со користењето на Законот за јазици сакам да истакнам дека тоа е мое Уставно и законско право а тоа што судот нема капацитет истото да го спроведи и прави суштествени повреди на постапката не е моја работа. Законот за адвокатура нема врска со начинот и постапката на водење на судските предмети па би Ве замолил внимателно да го погледнете ЗКП и законот за јазици или да ги прочитате моите поднесоци каде детално е опишано моето право на користење на албанскиот јазик. За оваа повреда во текот на денешниот ден ќе се обратам и до Судскиот совет.

На крај сакам да истакнам дека јас како бранител во постапката сум сериозно загрижен околу незаконското постапување на повеќе судски истанци и тоа не само за оваој случај и оваа прилика апелирам до Министерот за правда, Техничкиот премиер, меѓународната заедница и останатите чинители проанализираат што се случува во Основниот кривичен суд. Ваквиот начин на постапување на Основниот кривичен суд и Судскиот совет го разбирам како еден вид на политички одлуки, при што сносат товар за попречување на развојот на судските постапки и покрај тоа што ги имаат сите ресурси на располагање. Политичките одлуки во овој процес се диктирани, додека Основниот кривичен суд стана заложник на политиката. Политиката може да ги претстави само своите забелешки, но не да влијае во донесување на судските одлуките, со „узурпација“ на правата и слободите на граѓаните на РСМ, како и со непочитување на закони кои се во сила. Се надевам дека Одлуките што во иднина ќе се донесуваат од страна од страна на Судот, ќе бидат праведни, заснована врз правда и во согласност со интересите на граѓаните. Остануваме со надеж дека идните одлуки од страна на судот нема да биде под влијание на политика и нивните притисоците и штетна одлука за граѓаните кои живеат во оваа земја. Со целосна одговорност укажуваме, дека ние адвокатите не се спротивставуваме на такви одлуки. Напротив, ние сме тие што сакааме да се почитуваат одлуките на институциите на нашата држава, сакаат да се почитуваат законите на оваа земја. Но, немаме време секојдневно да се справуваме со процес, за нечие задоволство. На крај сакам да ве информирам, а денес тоа го направив и до сите локални и меѓународни институции, дека НИКОГАШ не сум барал да се одлагат рочиштата, напротив, сум бил, и ќе бидам присутен на секое судско рочиште за кое имам уредна покана. Тврдењата дека одбраната ја одолговлекува постапката се груби шпекулации, а судот ова го прави со цел да ги покрие своите незаконски постапувања.