мери јордановска – Kurir.mk

Јордановска до Заев: Живи изгореа 14 луѓе во болница, а вие зборувате за политички пресметки

Магдалена Андонова — Sat, 11 Sep 2021 12:50:33 +0000

По повод денешното соопштение на Зоран Заев до јавноста во врска со оставките на Филипче, Хасани, Бесими и Етеми се огласи новинарката Мери Јордановска преку својот Фејсбук профил. Таа во својот статус напиша дека премиерот е должен да излезе да одговори на прашања.

„ Бидејќи ова е четврти ден по еден од поголемите ужаси што се случиле во државата, должни сте да излезете, особено после овој статус на Фејсбук, и да одговорите на три едноставни прашања. Не наредната недела, туку сега и одма. Како вие, како премиер, ќе бидете запознаени со деталите од истрагата, ако имаме строга поделба на власта? Свесни сте ли воопшто што ни соопштивте во моментов? Каква допирна точка има чувството на морална одговорност, со евентуална кривична одговорност? Свесни ли сте за можноста за влијание врз сведоци од позиција на моќ, кога станува збор за министер, заменик министер, директор? Живи изгореа 14 луѓе. Во болница. А вие зборувате за политички пресметки, премиере. Толку“, пишува во Фејсбук статусот на Мери Јордановска.

Јордановска: Со скандалот поврзан за хонорарците владата потфрли во транспарентноста која претходно ја ветуваше

Дарко Андоновски — Tue, 13 Apr 2021 18:31:50 +0000

Мери Јордановска, новинар во своето гостување во емисијата „Топ Тема“ зборуваше за последниот скандал поврзан со лицата кои се водат како хонорарци во Влада и посочи дека со овој случај самите тие си пукаа во нога и сама си ја отворија оваа тема. -Она што е најважно е дека Владата на почетокот се обврза на транспарентност, беше многу јасно кажано дека за тоа каде се трошат буџетските пари нема да има компромиси односно се ќе биде јавно обелоденувано, кој колку потрошил за бензин, колку чаши испил и така натаму. Очигледно ова не важи за сите институции, па и за самата Влада. Сметам дека со овој случај како самите да си пукаа во нога. Можеа уште на почеток да им ги дадеа податоците на новинарите од БИРН и може немаше да излезе толку скандалозно, колку што со самото тоа кога на новинар ќе му се каже дека тој е личен податок и не можат да го објават, самиот наш новинарски инстинкт не тера да бараме и понатаму. Така што Владата сама си ја отвори темата во овој случај. Веќе кога ќе се отвори таква тема излегуваат и нови проблеми кои јавноста ги детектира рече таа во своето гостување. Јордановска во своето гостување посочи дека Владата потфрли во држењето до принципите дека ќе бидат транспарентни. -Она кое клучное дека Владата потфрли во делот на држењето до принципите дека ќе се биде транспарентен. Јас во февруари месец поднесов да ни се достави листа на имиња и презимиња на лицата кои што се ангажирани во Министерството за политички систем и наместо тоа добивме само позиции на луѓе со нивните примања, значи повторно нема имиња и презимиња, додаде таа.

Мери Јордановска: Луѓето буквално се оставени сами на себе, имаме министер кој без образ нè лаже сите!

Курир — Sat, 14 Nov 2020 20:04:20 +0000

(ФБ статус на новинарката Мери Јордановска) Се си има свој пик, а здравствениот систем во моментов го доживува најлошиот, најгрозоморниот. Луѓе по 8 часа бараат брза помош, нема. Луѓе кои го губат здивот, луѓе на кои за неколку часа им се влошува состојбата до степен да губат свест. Брза помош НЕМА. Се бараат врски, познати, се моли секој, за да бидат примени во болница. Во приватните болници има листа на чекање и тоа само ако имате илјадници евра да ги изброите на рака. Не на рати. Не на одложено. Сега и одма. И повторно нема да бидете примени веднаш, туку ако се ослободи кревет. Можеби и предоцна. Луѓето се оставени сами на себе. Цела среќа што постои ФБ група каде патем има над 8 илјади членови - си помагаат, си делат совети, во отсуство на совет од друг. Дел од матичните лекари не креваат слушалка, не прегледуваат. Немаш кого да прашаш што да се напиеш, дали е нормално што те болат бубрезите, дали е нормално што 10 дена не ти спаѓа температурата, дали е нормално што си ослабел 9 кила за 7 дена, дали е нормално што ти излегуваат модринки. Терапијата за сите е иста. Copy - paste. Антибиотици, антибиотици, антибиотици и витамини кои коштаат грдни пари. Персонал нема. Луѓето се оставени сами на себе, буквално. Имаме министер кој вели дека „ситуацијата е под контрола“ и без образ не лаже сите до еден. Ситуацијата е далеку од „под контрола“. Ситуацијата е комплетно излезена од контрола. Можеби е така секаде, но јас живеам тука и секојдневно слушам туѓи судбини, како последица на ова чудовиште од вирус. Секој кој не верува, нека ме избрише веднаш од пријатели и никогаш да не ми се обрати. Луѓе, внимавајте на себе и на своите најблиски. Не знаеме какви последици остава ова чудо, ниту пак знаеме кој може да настрада фатално.

Се си има свој пик, а здравствениот систем во моментов го доживува најлошиот, најгрозоморниот. Луѓе по 8 часа бараат...
Posted by Meri Jordanovska on Saturday, November 14, 2020

Мери Јордановска: Термини за тестирање за Ковид-19 на државно нема, системот ни е пред колапс

Ивона Петрова — Fri, 23 Oct 2020 10:23:34 +0000

Термини за тестирање за Ковид-19 на државно НЕМА. Едноставно, НЕМА. Седиш со симптоми 3 дена, не знаеш дали е настинка, дали е грип, дали е корона. Ниту матичниот не може да одреди, освен доколку изгубиш осет за мирис и за вкус, па седиш дома, пиеш табаско сос и душкаш се низ станот, па чекаш евентуално сабота да се види дали ќе се ослободи термин во Тетово или во Куманово, пишува на Фејсбук новинарката Мери Јордановска. Пари за приватно тестирање немаш. Четири илјади денари за некои луѓе се многу! Домашните не знаат дали треба да се изолираат или да продолжат да си одат на работа. ТИ самиот не знаеш дали треба да се изолираш. Таа вели дека залудно е се, и носењето маски на отворено и скратување на работното време на кафулињата за еден лас, ако луѓето го немаат, како што пишува, основното право на здравствена заштита. -Приватните лаборатории мора да ја намалат цената за тестирање, а право на тестирање МОРА првично да имаат лицата кои развиваат симптоми. Да не се чудиме после од каде толкава смртност! Касно се јавувале - па нормално дека касно ќе се јавуваат кога нема еден факинг термин и треба да чекаш 8 дена, додека не зоврие па да те хоспитализираат. А дури сега, кога ќе почнат настинките и гриповите не чека најголемиот хаос! Системот ни е пред колапс, секако, освен за богатите и за оние со врски, па можат комотно сите од едно домаќинство да си лупнат 16.000 и да си добијат резултати, па и подобар третман. Зборувајте ми за одговорно однесување, но во оваа држава и да сакаш, не можеш одговорно да се однесуваш. Зашто во ваков хаос веќе не знаеш ни што е одговорност, а што криминал. И не ми нудете врски за тестирање, ве молам. Уште толку ќе ми ја потврдите веродстојноста на статусов, пишува Јордановска на Фејсбук.

Јордановска: Многу е невкусно кога политичка партија излегува и коментира уредничка политика со етикети на лажни вести, без докази

Дарко Андоновски — Sat, 22 Feb 2020 08:41:43 +0000

Вчера во емисијата „Заспиј ако можеш“, новинарката Мери Јордановска посочи дека досега нема ниту еден документ приложено од истражувањето како медиумите работат под нечија палка како што обвинува власта. -Многу е невкусно кога власта одредени медиуми ќе ги посочи дека работат против нејзе и шират лажни вести. Факт е, барем тоа можам да го кажам од ова истражување за коешто се зборува документи не видовме. Значи такви документи не се објавени, за било какви трансакции. И од таму се раѓа сомнеж колку е ирелевантно истражувањето итн. Дава некаков сомнеж, но меѓутоа да се смета тоа како факт, јас не би го сметала особено затоа што немаме дополнителни информации, појасни Јордановска. Јордановска додаде дека тоа што го говори власта не е доистражено во Македонија.Така што тоа што вели власта дека е факт, напротив не е факт бидејќи нема објавено документи и докази. -Сега во истражувањето постојано се вели дека поседуваат документи новинарите, меѓутоа документи досега не видовме дека се објавени. И тоа е факт дека не се објавени документи, истакна Јордановска. Јордановска образложи дека за влезот на унгарски капитал има пишувано во мај, јуни 2018 година. Но СДСМ вели во истражувањето дека се црни пари, само тие го велат тоа, другите такво нешто не посочуваат. Новинарите само пишуваат дека влегуваат нови сопственици и дека се Унгарци, а не дека се црни пари. Тоа не се единствени странци кои купуваат медиуми, се има пишувано и кога дојдоа Србите итн. Сопствеништво да се детектира на медиуми не е ништо страшно. -Мене во овој случај конкретно ако зборуваме ние многу симптоматично и невкусно политичка партија кога излегува и кога не само што се повикува на истражување од странска држава каде што не се објавени документи, туку и тоа што се обидува да прави рецензија и да ја коментира уредувачката политика со етикети на лажни вести, пропаганда, забележа Јордановска.

Јордановска: Не се секирајте, ќе се врати Алекс Ружин од одмор, ќе го посоветува дека не треба вака и ќе биде се во ред

Дарко Андоновски — Tue, 13 Aug 2019 19:42:32 +0000

Новинарката Мери Јордановска сподели статус по скандалозната изјава и навреда на Боки 13 дека е педер. -Не се секирајте, ќе се врати Алекс Ружин од одмор, ќе го посоветува дека не треба вака и ќе биде се во ред, стои во нејзниот пост на Фејсбук.