мери николова буџаку – Kurir.mk

Мери Николова од СДСМ за Бучковски: Се збогати од државата, судот го спаси од затвор, Заев го награди

Ивана Ефремовски — Thu, 03 Dec 2020 13:20:27 +0000

Мери Николова Буџаку од СДСМ истакнува дека Бучковски се збогати од државата. Вели дека судот го спаси од затвор, а Заев го награди. „Се збогати од државата, судот му го застари делото спаси глава од затвор. Заев го награди и си го назначи за специјален советник. Со еден збор, крепете се, кога не би биле исти би биле далечни. Дно...“ -пишува таа.

Мери Николова Буџаку тврди дека Албанец ќе биде премиер на земјава

Ивана Ефремовски — Sat, 08 Aug 2020 08:46:20 +0000

Мери Николова Буџаку, сопруга на Агрон Буџауку, кој е кадар на ДУИ и директор на Центарот за управување со кризи, тврди дека премиер на земјава ќе биде Албанец. „Ќе биде ДУИ! Иако според изјавата на еден бивш Премиер не вреди 5 пари и треба да се пензионира, да замине во опозиција и да се релаксира. Плус Албанец Премиер ќе биде. Сакале вие или не. Убаво попладне и добро здравје ви посакувам. Кој има проблем со срце, Македонија располага со солиден кадар на кардиолози“, напиша Николова Буџаку на својот фејсбук профил. Мери Николова Буџаку беше една од поактивните учесници во Шарената револуција, но во последниов период е во лоши релации со социјалдемократите и е нивни жесток критичар. Овој пост на Николова Буџаку предзвика жестоки реакции на негодување кај членовите и симпатизерите на Социјалдемократскиот сојуз.

Николова Буџаку: Тепање поп со скршеници 6 месеци затвор, тегнење за коса четири години-правда имаме, а?

Ивана Ефремовски — Tue, 19 Nov 2019 09:34:42 +0000

Таткото на Боки 13 вчера беше осуден на казна затвор од шест месеци за нанесување на повреди при физички напад на попот Виктор Стојчев. За потсетување, четири години затвор му беа изречени на Панче Ангелов, обвинет дека ја искуба за коса тогаш пратеничката Радмила Шекеринска во Собранието на 27 април. Мери Николова Буџаку од СДСМ прави споредба на овие две пресуди, прашувајќи дали има правда. „Тегнење за коса 4 год. затвор. Тепање поп со скршеници 6 месеци затвор. Браво за таткото на Боки. И правда имаме, а?“-коментира таа.

Мери Николова Буџаку: Дали Заев лажеше за „Рекет“ ?

Дарко Андоновски — Sat, 12 Oct 2019 11:06:28 +0000

Активистката на СДСМ и една од гласноговорниците на Шарената револуција од иницијативата „Удар“ , како и голем подржувач на Зоран Заев пред да дојде на власт, сега со низа обвинувања и прашања пишува на социјалните мрежи во врска со актуелните случувања.

Во врска со случајот Рекет и со изјавата на новинарот од Инфомакс дека Заев лажеше дека не се познава и со него и Боки 13, по него испаднало дека не само што Заев ги познавал туку и се среќавал со нив по исказите на сведоците, Николова Буџаку напиша дека и по стоти пат да го прочитала текстот на новинарот би си го поставила истото прашање, дали е можно и не дај Боже да е така, ќе била скроз разочарана од Заев.

-И по 100-ти пат да го прочитам, би си поставила исто прашање. Дали е можно? Недај Бог да е така! Скроз ќе ме разочара човекот. "Но највеќе лажеше Зоран Заев. Неколкупати тврдеше дека не се познавал со Кичеец. Потоа испадна дека често се гледале со човекот во неговиот кабинет, наводно за да дискутираат за инвестиција во рудници. Потоа лажеше дека не се познавал со Бојан Јовановски, испадна дека не само што се познавале, Заев бил и кај него дома во Орман – барем според исказите на сведоците. Зоран Заев се уште лаже дека тој не ги предупредил рекетарите дека е започната истрага против нив по пријава на Орце Камчев. Дотолку повеќе, Зоран Заев лажеше дека тој го пријавил случајот, за што нема ниту една службена белешка во обвинителство. Зоран Заев се уште не ми одговори зошто на 25.04.2019 биле исклучени камерите во Владата. Со кого се сретнал? Но еве и уште едно прашање за премиерот, знае ли шефот на владата дека целиот случај не го снимале само жртвите на „Рекет“? Знае ли дека снимале и две странски служби? ", стои во нејзиниот пост на Фејсбук.

Николова Буџаку секојдневно пишува на својот профил на фејсбук, колку е разочарана дека за џабе била маката и борбата кога „иста стока да донесеме на власт“ како дел од иницијативата УДАР.

Таа вели дека порано се протестираше за правда веројатно попусто, затоа што сега се натпреваруваат кој повеќе „ќе лапа“ , дека правдата чека а улиците се празни, дали остана некој од „ШАРЕНИТЕ“ прашува таа и вели дека паролата "НЕМА ПРАВДА НЕМА МИР" , треба да се замени со "НЕМА ПРАВДА ИМА МИР".

Мери Николова Буџаку: Дно од партизирана држава сме- начукавте кадри што не знаат ни нос да избришат

Катерина Бојаџиева — Wed, 14 Aug 2019 06:43:19 +0000

Рашковски го заборавивте? На човекот само муабети му извадија, бадијала сега ќе се мачи да оди на распит во антикорупциска, "можеби не сум во право"?, напиша на фејсбук Мери Николова, една од најгласните активистки на СДСМ и т.н. „шарена револуција“. -Покрај "Рекетот" никој не го спомнува, а баш беше забавно. Какви борци за правда сте бе? Кога критикуваме како усрани сте, ни лајк не смеете да ставите лижогазци. За оговарање сте први и зад грб да работите? Дно од партизирана држава сме. Јас за вакви промени не се борев. Начукавте кадри што не знаат ни нос да избришат (со исклучок).

Мери Николова: Некој моли за гласови, некој за лекови- Венко Филипче излажал многу други семејства како и мене за лековите за ретки болести

Дарко Андоновски — Mon, 15 Apr 2019 15:01:55 +0000

Мери Николова, една од најгласните активистки на СДСМ и т.н. „шарена револуција“ која се бореше за поголеми права на затворениците, како и за законот за амнестија со кој беа ослободени речиси 1.000 сторители на кривични дела од затворите низ земјата, објави Фејсбук статус во кој пишува дека министерот за Здравство Венко Филипче лажел многу други семејства освен неа за лекови за пациенти со ретки болести. -Филипче не само мене што ме излажа за лекот за ретки болести и за тендерот, тој лажел и многу други семејства меѓу кои и оваа мајка која ми се обрати: Јас сум самохрана мајка која што имам девојче од 9 години со срцева малфомација. Оперирана три пати во Софија и повеќе пати катетаризирана исто во Софија со ситемот се борам за лек кој што е од животно прашање. Пред четири години со последната операција се јави белодробна хипертензија на листа на ретки болести, прима двокомпонентна терапија за едната се изборивме но за другата четири години ништо, лекот го набавувам се уште приватно, а е многу скап. Министерот пред Нова година вети дека ќе го има лекот но ништо до ден денешен, повеќе не знам каде да се обратам, а финансиски сум немоќна, невработена и живеам од семејна пензија. Маж ми почина пред 4 години, го продадов станот за лекување, но и тоа заврши. Некој моли за гласови, некој за лекови. Секој со својата мака, се додека народот не се освести и не свати дека политичарите се најголеми лажови и тендераши!, стои во Фејсбук статусот на Николова Буџаку.

ФОТО: „На Филипче му умираат луѓе од морбили и грип, али нему до забава му е“

Катерина Бојаџиева — Sun, 10 Mar 2019 09:31:56 +0000

Долгогодишниот член и активист на СДСМ Мери Николова Буџаку и новинарката Јорданка Ивановска-Јоци „удрија“ по министерот за здравство Венко Филипче. -Министерот за здравство вчера на марш со жени, вечерва на карневал. Абе тоа тендерот како со него да го носи, толку шетан ни стана и никако да се распише. Страдаат лицата со ретки болести а тие селфиња и насмевки ни праќаат на фб. Ние не сме камен се ќе ви се врати на своја глава! Страм да ви е, ве седнавме но и ќе ве бутнеме. Силата е во граѓанскиот активизам а не во вас, пишува Николова Буџаку на својот Фејсбук. -Филипче на карневал во Струм'ца. Пошто тоа е настан од белосветски размери, нешто ко Елон Маск да слета на Марс. Му умираат луѓе од морбили и грип, али нему до забава му е. Жоко више го знаете. Нему се' му е рамно, пишува Ивановска.

Се повеќе „Шарени револуционери“ разочарани од расипништвото и неспособноста на власта, најавуваат бојкот на изборите

Ивана Ефремовски — Sun, 03 Mar 2019 10:51:09 +0000

Изминатиов период многу поддржувачи на СДСМ, јавно ја критикуваат работата на владата на Зоран Заев. Активисти на некогашната „Шарена револуција“, кои вандализираа низ повеќе градови со цел СДСМ да дојде на власт, сега кога истиот тој СДСМ е на власт, го искажуваат својот револт. Социјалните мрежи вријат од незадоволството и разочараноста кај некогашните најгласни поддржувачи на СДСМ. Меѓу нив и Мери Николова Буџаку, кога пред 5 години активно работеше во кампањата на Пендаровски. Сега таа пишува: „За Стево на претходните претседателски избори многу работев и финансирав. Лично му честитав за изборот за Претседател на мобилен. Тој е добар човек, но нека ми прости. И јас имам своја гордост. Се додека имаме министер за смрт кој не распишува тендери за лекови на лица со ретки болести. Се додека бројчаникот не проработи. Се додека немаме правна држава јас не излегувам и не гласам за никој ниту сега ниту во иднина. Но битно е тоа дека не сум само јас со ваков став, многу сме. Знаеме за што се боревме и стоеме цврсто зад тоа. Мразам дволични луѓе и подалеку од таквите“-вели Николова Буџаку. На нејзиниот статус, реагираат и “соборците“ од шарената револуција. Тие велат дека револтот им е настанат затоа што не се исполнети ветувањата кои им биле дадени, дека власта не се грижи за здравјето на граѓаните. најавуваат бојкот на претстојните избори. Николова Буџаку со уште една критика до власта: „Претходните со мерцедес 600.000 евра. Сегашните со авион 20.000.000 евра. Па нели ќе се штеди за граѓаните, што ви текна сега?“-напиша таа.

Николова Буџаку со жестоки критики до власта и Филипче: Не можам да дозволам ближните да ни умираат, а вие да уживате

Ивана Ефремовски — Fri, 01 Mar 2019 10:02:31 +0000

Мери Николова Буџаку, долгогодишен член на СДСМ, со остри критики до состојбата во здравството. Таа во три свои статуси на социјалните мрежи директно го повикува Филипче да си даде оставка, но ја критикува и власта што тоа не го бара од него. -Како бе не ви е срам, секој ден ни умираат луѓе по болниците и никако од Филипче да се побара одговорност или сам од морални причини да си даде оставка. А можевте по брза постапка да барате разрешување од директорот на затворот на Шутка, ни крив ни должен, но морален. Ајде сега зборувајте ми за правда и правичност. Мизерија, порачува таа. Николова Буџаку, раскажува и загрижувачки пример на кој била сведок, а тоа го наведува како уште една од причините зошто Филипче треба да биде разрешен. -Една пациентка случајно ја сретнав денес и со солзи во очите ми се обрати. „Имав денес повреда и требаше да примам вакцина. Никаде ја нема и не ја примив“. Требало две ампули, едната ја немало, некаде се чекало тендер, а тендерот никако да се распише. „Од Ресен дојдов до Скопје болна и така ќе се вратам. Се повредив на рака. Одговорот од Итната беше дека едната ја имаат, другата не, а за да има ефект треба да се примат двете заедно“, напиша таа. Политичарката која со години жестоко ги бранеше СДСМ, сега вели дека ова е уште една причина власта да го разреши Филипче. На денот на ретките болести, Николова Буџаку испрати апел дека луѓето умираат, а тендери нема. Министерот Филипче го нарекува профитер, а министерството со кое раководи-министерство за смрт. -Ти си ми една од причините поради што ќе ги бојкотирам претседателските избори. Не можам да дозволам ближните да ни умираат, а вие да уживате. А не сум сама, многу сме! Ќе се уверите после избори кога ќе го дознаете резултатот, им порача таа на своите сопартијци.