мериленд – Kurir.mk

ВИДЕО: Пет безживотни тела пронајдени во куќа во Мериленд

Ивона Петрова — Sat, 05 Nov 2022 18:12:59 +0000

Пет лица загинаа во престрелка во американската сојузна држава Мериленд. Полицијата на округот Чарлс на Твитер објави дека по телефонски повик се слушнале истрели во округот, а во истата куќа пронашле безживотни тела на пет лица. Сите загинати во вооружениот напад, кој се случи во регионот Ла Плата на 55 километри од главниот град Вашингтон, се полнолетни. Истрагата е во тек, а се наведува дека полицијата работи на утврдување дали убиените се поврзани.

Жена уби три лица пред да се самоубие во Мериленд

Катерина Бојаџиева — Fri, 21 Sep 2018 06:10:38 +0000

Три лица загинаа, а тројца беа повредени синоќа при пукање во американската држава Мериленд. Тоа го соопшти шерифот на округот Харфорд Џефри Галер. Сторителот е 26-годишна жена која работела во магацин на фармацевтска компанија во градот Абердин. Од непознати причини, таа отворила оган со пиштол кон своите колеги, кратко време по 9 часот по локално време, пред да го насочи оружјето кон себеси.

ВИДЕО: Вооружен напад во Мериленд во САД, има мртви (ВО ЖИВО)

Матеја Петровски — Thu, 20 Sep 2018 16:13:41 +0000

Во округот Харфорд во американската сојузна држава Мериленд дошло до пукање во кое има најмалку три жртви, Од полицијата соопштуваат дека засега не се познати повеќе детали. -Можеме да потврдиме дека имало пукање. Има повеќе жртви. Ситуацијата сè уште трае. Избегнувајте го тоа подрачје“, објави полицијата на „Твитер“. Локалните медиуми пренесуваат дека полицијата е на терен. Пукањето се случило во Перимен, град во близина на Балтимор, околу 9 часот по локално време.

Вооружен инцидент во Мериленд

Ивона Петрова — Thu, 20 Sep 2018 15:25:29 +0000

Повеќе лица се повредени во вооружениот инцидент што денеска се случи во Абердин, во округот Харфорд, американската сојузна држава Мериленд. Според дел од американските медиуми, пукотниците се во магацин на фармацевстка компанија. Гувернерот на Мериленд соопшти дека неговата канцеларија внимателно ја следи ситуацијата и оти државата е подготвена да пружи секаков вид помош. МИА

Најмалку четворица застрелани во новинска агенција во Мериленд

Ивона Петрова — Thu, 28 Jun 2018 20:22:10 +0000

Најмалку четири лица се застрелани во новинската редакција на весникот „Капитал“, во Анаполис, Мериленд. Локалната полиција на Твитер соопшти дека зградата е евакуирана и оти одговарила на повикот, со кој им било јавено дека некоја личност пука кон вработените. Локалниот шериф Рон Бејтмен изјави дека еден осомничен е уапсен. Претходно, „Д Балтимор Сан“, кој го поседува весникот од Анаполис, потврди дека имало пукање во редакцијата.