Мерилин Монро – Kurir.mk

Уривањето на куќата на Мерилин Монро привремено запрено

Тале Кристо — Mon, 11 Sep 2023 08:02:45 +0000

По одлука во Градскиот совет на Лос Анџелес, следи привремено одложување на уривањето на домот на американската уметница Мерилин Монро во Брентвуд - луксузен дел од Лос Анџелес. Советничката Трејси Парк побрза да го спаси последното живеалиште на славната русокоса откако во средата дозна дека сопствениците - креативната интернет-страна „Глори оф д Сноу траст“ (Glory of the Snow Trust), побарале дозвола да ја урне култното здание во шпански колонијален стил, објави „Лос Анџелес тајмс“. - Јас и мојот тим веднаш тргнавме во акција... Но, за жал, Секторот за градежништво и безбедност издаде дозвола за уривање пред мојот тим и јас да можеме целосно да интервенираме и да го решиме ова прашање, рече Парк непосредно пред седницата на Градското собрание во петокот. Таа одржа говор најавувајќи предлог за разгледување на статусот на домот на американската пејачка и глумица како историски споменик на културата. - Денеска сум тука со вас како чувар на областа во којашто се наоѓа последната резиденција на Мерилин Монро. Денеска сум тука и како бранител на богатата историја и наследство на нашиот град, рече Парк. Предлогот претставен пред Советот бара итен почеток на разгледување домот да биде прогласен за историски и културен споменик. Натаму се наведува дека со тоа нема да му се одземат никакви права на сопственикот на куќата, но оти треба да се проценат историските и културните вредности на имотот.

Ќе докажува дека е ќерката на Мерилин Монро и Џон Кенеди, од ДНК анализа ќе зависи судбината на 100 милиони долари

Ивона Петрова — Sat, 15 Oct 2022 16:25:32 +0000

Мерилин Монро наводно ја родила ќерката Гладис Бејкер Морис, а татко на детето е поранешниот американски претседател Џон Кенеди со кој се шпекулира дека имала страствена љубовна романса. Тврдењата на гинекологот на Монро кој пред многу години изјави дека Мерлинка по два абортуси во јуни 1961 година родика ќерка, би можеле да го потврдат постоењето на Гладис Бејкер Морис. Таа покренала судска постапка со оглед на фактот дека најголем дел од животот го минала верувајќи дека е потомок на познатата актерка, односно ќерка на нејзина роднина, Медерит Бејкер. Во март 2014 година Мередит на смртната постела и признала на својата ќерка дека е посвоена и дека всушност е плод на забранета љубов меѓу Мерилин Монро и Џон Кенеди. -Ми кажа дека Мерилин се плашела дека браќата Кенеди ќе ја убијат и неа и детето ако дознаат за бременоста, па се породи во тајност и набрзо по раѓањето ме сокрила, открила Гладис. Откако пронашла документи дека навистина е посвоена, таа е при крај со постапката за докажување роднинска врска со еден од најинтригантните парови во историјата Доколку со ДНК се докаже дека таа е навистина ќерка на Мерилин Монро и Џон Кенеди се проценува дека ќе добие 100 милиони долари богатство од актерката кое секоја година се зголемува за неверојатни пет милиони.

Пред 60 години почина Мерилин Монро- нејзината смрт и денес е мистерија

Катерина Бојаџиева — Fri, 05 Aug 2022 07:51:48 +0000

На денешен ден во 1962 во Холивуд умрела Мерилин Монро, северноамериканска филмска актерка. Играла во филмовите “Џунгла на асфалтот”, “Нијагара”, “Мајмунска работа”, “Автобуска станица”, “Седум години верност” и други. Родена била во Лос Ангелес, на 1 јуни 1926 година. Таа беше и остана олицетворение на холивудската убавина и гламур, а за многумина ја претставува најубавата жена на светот. И покрај нејзиниот гламурозен живот, Мерлин страдаше од депресија, која на крајот ја уништи. Но, постојат бројни теории на заговор кои тврдат дека познатата ѕвезда била убиена. Она што е познато е дека била пронајдена во нејзиниот дом, кој го купила шест месеци пред смртта, со телефон во раката и шише со апчиња за спиење на работ од креветот.

Мерилин Монро денеска ќе наполнеше 96 години: Таа продолжува да инспирира и интригира

Магдалена Андонова — Wed, 01 Jun 2022 10:45:04 +0000

Жената која беше симбол на женственост и стил во 1950-тите, денес продолжува да живее низ модата, филмовите, фотографиите, книгите... Мерилин Монро беше една од најголемите филмски ѕвезди во златното доба на Холивуд. Таа е родена на денешен ден пред 96 години, а нејзината смрт под чудни околности на 5 август 1962 година одекна во светот. Мерилин - име кое прилега на толку многу убавина, тага, живот, афера и љубов, пред речиси 60 години резервира карта за вечноста и со тоа стана легенда за која ќе се зборува со генерации. Детството и тинејџерските денови ги поминала претежно во сиропиталишта и кај роднините, бидејќи татко и ја оставил, а мајка и релативно брзо по породувањето била испратена во болница за ментално болни. Сепак, и покрај сите животни несреќи, падови и емотивни бродоломи, Мерилин успеа да се издигне од ситуацијата и да стане светска ѕвезда. Нејзините почетоци се карактеризираа со споредни филмски улоги, но сепак брзо напредувала. Пролетта 1945 година станала позната како сон на сите фоторепортери, а таа година се појавила дури 33 пати на насловните страници на престижните списанија. Жена пред своето време Жената од 1950-тите едноставно немаше доволно сила и моќ да ги диктира сопствените услови. Затоа Мерилин на крајот ќе ги прогласи феминистките за икони. На неа најпрво се гледаше како учебнички пример за неопходноста од борба против сексуалната експлоатација и објективизација на жените, а потоа стана препознаена како некој што се грижи за себе и за жената која отиде пред своето време. Таа остави женски цитати кое времето не ги „прегазило“: - Не ми пречи да живеам во машки свет, се додека можам да бидам жена во него. Таа исто така зборуваше: - Ако не можеш да ме поднесеш кога сум најлоша, сигурно не ме заслужуваш ни кога сум најдобра. - Убавината е во несовршеноста. Лудилото е генијално и подобро е да бидеш апсолутно смешен отколку апсолутно досаден. Денес, нејзиниот лик е симбол на моќната женственост, незаменлив дел од поп културата. Портретот на познатата русокоса, дело на американскиот поп-арт уметник Енди Ворхол, продаден е за 195 милиони долари, што е највисоката цена што едно уметничко дело од 20 век ја достигнала на аукција. Репликите на делото се дел од амбиентот на многу приватни и јавни ентериери, кои му даваат посебен шмек на доминантниот поглед на уникатната Мерилин.

Портрет на Мерилин Монро проценет на 200 милиони долари

Ивона Петрова — Tue, 22 Mar 2022 07:33:30 +0000

Аукциската куќа „Кристи“ објави дека во мај ќе се продава портрет на Мерилин Монро од американскиот поп-арт“ уметник Енди Ворхол. Сликата е проценета на 200 милиони долари. Станува збор за делото „Shot Sage Blue Marilyn“ („Мудрата Мерилин во сино“) насликано 1964 година, соопштија од „Кристи“. Познатата слика сега ѝ припаѓа на Фондацијата на Томас и Дорис Аман од Цирих. Средствата ќе бидат наменети за децата ширум светот и подобрување на животот преку здравствени и образовни програми. „Сите приходи ќе одат во добротворни цели“, соопшти аукциската куќа. Енди Ворхол (1928 – 1987) се смета за еден од најважните претставници на „поп-артот“. Насликал обвивки за неколку прехранбени производи, меѓу кои и „Кока-кола“. Познат е и по портретите на холивудските икони, а осмислил и омоти за два албума на рок-групата „Ролинг стоунс“.

Четири години од смртта на Хју Хефнер, основачот на „Плејбој“ плати за да биде погребан до Мерилин Монро

Ивона Петрова — Mon, 27 Sep 2021 08:47:06 +0000

На 27 септември во 2017 година, на 91-годишна возраст почина најголемиот плејбој на светот, Хју Хефнер. Роден е во Чикаго, како прва професионална работа е забележана онаа во култното списание „Есквајер“. Плејбој според неговите зборови ќе го започне во својата кујна каде пишувал текстови. За многу кратко време ова списание ќе биде најпродавано на глобално ниво, а во 70-те ќе достигне тираж од седум милиони примероци. Основачот на магазинот „Плејбој“ даде 75.000 долари за да биде закопан покрај Мерилин Монро на гробиштата Вествуд меморијал парк, каде што се закопани некои од најголемите филмски и телевизиски ѕвезди. Мерилин се соблече за насловната страница на „Плејбој“ далечната 1953 година и тој број на магазинот е продаден во 50.000 примероци за рекордно кусо време.

Овие ѕвезди имаа проблеми со законот, а ретко кој знае за тоа: Погледнете за кого ФБИ собирале тајни информации! (ФОТО)

Ивана Ефремовски — Fri, 06 Sep 2019 08:00:25 +0000

Низ годините, ФБИ имаат собрано тајни информации за милиони луѓе ширум светот, а славните очигледно не се исклучок. Многу актери, музичари и познати имиња во светот на шоу бизнисот биле „на мета“ на истражувањата на ФБИ поради сомнеж за криминал. За овие ѕвезди со сигурност се знае дека имале досие:

Витни Хјустон

Поради турбулентната историја со дрога, големи суми на пари, бурни романси, како и анонимни писма, во ФБИ будно се следело нејзиното име.

Стив Џобс

Во 1991 година ФБИ направиле истражување на Џобс, кога постоела можност да се сретне со тогашниот претседател на САД.

Мерилин Монро

Со оглед на тоа што Мерилин била подвижна мистерија околу која постојано имало прашина и била поврзувана со значајни имиња, не е ни чудо што имала отворено досие.

Волт Дизни

Волт Дизни и ФБИ имале „комплицирана врска“ преку 30 години.

Чарли Чаплин

Чарли Чаплин имал прилично долго досие, кој од непознати причини бил воедно сметан за закана за националната безбедност.

Џон Ленон

Популарноста во ’60-тите му донела можност да биде „погласен“ и на тема политика, па поради активизмот на тоа поле во неколку наврати бил тема на тајни истражувања.

Мајкл Џексон

Сите сме сведоци на темната страна која го следеше со години, како и шпекулациите за секакви бизарни навики, па во овој случај не нè чуди информацијата дека постои ФБИ досие со негово име.