мериот – Kurir.mk

Макотен: Нема потреба од сензација, купопродажбата на посебниот дел од Мериот е спроведена 100% законски!

Ивана Ефремовски — Thu, 26 Jan 2023 10:19:19 +0000

Нема потреба од сензација, купопродажбата на посебниот дел од Мериот е спроведена 100% законски, реагираат од Макотен. Нивното соопштение го пренесуваме во продолжение: Во врска со медиумските прилози за купопродажбата на недвижен имот, посебен реален дел во хотелот „Мериот“, компанијата Макотен ДООЕЛ Гевгелија, чиј единствен содружник е Новоматик од Австрија, во чија групација е и “Казино Фламинго”, сака да го адресира следното: Целокупната постапка за купопродажба на посочениот недвижен имот е спроведена исклучиво во согласност со позитивните законски прописи. “Новоматик” како реномирана корпорација и светски бренд кој доаѓа од земја членка на ЕУ нема никогаш да си дозволи било какви деловно - правни односи кои можат да го нарушат нашиот имиџ на компанија која секогаш работи 100 % законски. Како повеќегодишен закупец на посочениот недвижен имот менаџментот на “Макотен ДООЕЛ Гевгелија” во согласност со добрите деловни обичаи и правото на првенствен откуп во случај на продажба, одлучи да пристапи кон купување на недвижниот имот кој досега како “Казино Фламинго” го имаше во владение по основ на закуп. И оваа, како и сите наши претходни инвестиции во Македонија ги сметаме како добра порака до сите други инвеститори за перспективите и стабилноста на македонската економија. Потенцираме дека вредноста на нашите досегашни инвестиции во Македонија изнесуваат 80 милиони евра и воедно амбициозно планираме нови проекти кои ќе ја движат македонската економија напред и ќе отвораат нови работни места. Ние сме дел од македонската економска гранка - игри на среќа веќе 17 години и како претставник на “Групацијата Новоматик Македонија” ќе продолжиме да имплементираме највисоки европски и светски стандарди во нашето деловно работење. Се трудиме да ја разбереме потребата да се направи сензација, но сепак апелираме до дел од медиумите да се воздржат од евентуално ставање во негативен контекст на реномираната “Новоматик” и нејзино намерно или случајно поврзување со некакви дневно - партиски агенди или тековни правосудни постапки. Искрено се надеваме дека со ова ги разјаснуваме сите наши деловни активности околу купопродажбата на посочениот недвижен имот и сакаме да веруваме дека нема да бидеме доведени во крајна нужда за да користиме правни дејствија да го заштитиме угледот на корпорацијата која ја претставуваме во Македонија.

Нема да има жолти ленти на „Мериот“: Заев вели дека по појавувањето на Мијалков нема правна основа за заплена на имотот

Ивана Ефремовски — Thu, 25 Feb 2021 14:01:52 +0000

Нема да има жолти ленти за хотелот „Мериот“. Премиерот Зоран Заев за ТВ21 појасни дека правната основа за ова отпаднала откако екс директорот на УБК Сашо Мијалков се појавил. Тој посочи дека постоело кривично дело и со тоа и правна основа за заплена на имотот, сметките како и компаниите кои се уште се на негово име. -Постоеше основа за заплена на се она што е на име и на неговото семејство, поради тоа што тие можеа да бидат осомничени за кривично дело помагање на бегство. Но со самото појавување на Мијалков, правната основа за сето ова е падната и всушност тој и затоа и се појави, вели премиерот за ТВ21.

Хотел Мериот: Хакери украле податоци на 500 милиони гости

Ивана Ефремовски — Fri, 30 Nov 2018 15:52:21 +0000

Хотелскиот синџир Мериот информираше денеска дека хакери украле лични податоци на 500 милиони нивни гости. Американската компанија извести за неовластен пристап на базата на податоци во нивната хотелска подружница Старвуд. Ова било утврдено по истрагата спроведена на почетокот на месецот. Компанијата верува дека со упадот се погодени околу 500 милиони гости кои резервирале соби во сопственост на Старвуд. Станува збор за информации за имињата, адресите, броевите на мобилните телефони, електронските адреси, број на пасош и други лични информации за нивниот престој во хотелот, наведуваат од Мериот. Мериот првпат се посомневал за можен хакерски напад уште во септември. Од хотелот информираат дека се информирани надлежните институции.

„Хилтон“ и „Мериот“ во Кина се извинија за нехигиенската практика

Ристе Здравков — Fri, 16 Nov 2018 13:56:13 +0000

„Хилтон“, „Мериот“ и уште неколку глобални синџири на хотели, јавно се извинија поради нехигиенските практики во Кина, откако на Веибо се појави 11-минутно видео на кое вработени во „Валдорф Асторија“ во Пекинг, користат ист сунѓер за миење садовите и мијалник, а подот во бањата го бришат со крпи наменети за гостите. – Ако е вака лошо во хотел со пет ѕвездички, тогаш како е во хотелите со три ѕвезди!?, коментира Сем Џао, аналитичар од пекиншката маркетинг компанија „Кантар Ворлдпанел“. По објавувањето на видеото, извинувања објавија и хотелот „Булгари“ во Шангај, кој е во сопственост на „Мериот Интернејшнл“, „Рич-Карлтон“, како и неколку други хотели.