мерки за заштита – Kurir.mk

Германските мерки за спречување на пандемијата се недоволни, тврди министерот за здравство

Магдалена Андонова — Mon, 07 Dec 2020 15:25:14 +0000

Мерките на германската Влада за спречување на пандемијата на коронавирусот се недоволни, бидејќи се уште има висока стапка на нови инфекции, изјави германскиот министер за економија Питер Алтмаер. Тој нагласи дека треба да се преземат многу интензивни консултации во наредните денови и недели за да се утврди дали се потребни дополнителни мерки, покрај постојните, кои вклучуваат делумно затворање и ограничувања на бројот на контакти, што беа воведени во ноември. – Се уште високата стапка на инфекција е „далеку полоша од нашите очекувања, рече Алтмаер, додавајќи дека „би можело да се каже дека претходните мерки не се доволни за вистински да се спречи вториот бран на инфекција“. Федералните и локалните политичари веќе повикаа на поостри мерки во областите со голем број новоинфицирани со Ковид-19, а се планира и нов состанок на федерални и провинциски политичари. Германската сојузна покраина Баварија донесе одлука за новите мерки за време на викендот. Досега бележи најголем број смртни случаи од последици од коронавирус на државно ниво и најави дека ќе воведе построги мерки на затворање од среда до 5 јануари. Германскиот институт Роберт Кох денеска објави за 12.332 нови случаи на заразени, повеќе отколку што беше забележано на 30 ноември, кога имаше 11.000 случаи. Германските здравствени власти пријавија 147 смртни случаи во последните 24 часа, нешто повеќе отколку што беше објавено минатата недела, кога имаше 125 смртни случаи. (МИА)

Нови мерки за заштита од Ковид-19 во Хрватска

Магдалена Андонова — Sun, 25 Oct 2020 12:48:32 +0000

Хрватскиот вицепремиер и шеф на националниот штаб за цивилна заштита Давор Божиновиќ денеска претстави нови епидемиолошки мерки, што ќе стапат во сила утре на полноќ. Тие вклучуваат ограничувања на собири, забрана за продажба на алкохолни пијалоци од полноќ до шест часот наутро, задолжително физичко растојание … Божиновиќ рече дека епидемиолошките мерки се утврдуваат за 14 дена, по што ќе бидат проценети повторно. – Подготвивме одлука што ќе стапи на сила утре во 00:00 часот. Одлука за неопходните епидемиолошки мерки за ограничување на собирите. Сакам да нагласам дека правиме одредба со која се пропишува строга мерка за физичко растојание, избегнувајќи близок контакт – најмалку два метра во затворени простории и 1,5 метри на отворено, рече Божиновиќ. Тој додаде дека сите јавни настани и собири со над 50 лица ќе бидат забранети. – Може да има најмногу 30 лица на свадби. Максимум 30 луѓе можат да присуствуваат на погреби. Може да има најмногу 15 лица на други приватни церемонии и собири. Спортските натпревари може да се одржат само без публика, објасни Божиновиќ. Тој додаде дека јавните настани, собири и церемонии можат да траат до 22 часот, освен свадби што можат да траат до полноќ. Потенцираше дека се воведува обврската за доставување известувања за одржување јавни настани, собири и церемонии со над 30 лица до надлежната служба за цивилна заштита и обврската за водење писмена евиденција за учесниците на сите настани со над 15 лица. – Се забранува продажба на алкохолни пијалоци од полноќ до 06.00 часот – генерално. Ќе биде задолжително да се користат маски за лице или медицински маски на отворено кога не е можно да се одржува физичка оддалеченост и задолжителна употреба на маски при влегување на гробишта, рече Божиновиќ. Што се однесува до вработените работодавачите се должни да забранат доаѓање на работници со треска и респираторни проблеми. – Се препорачува да се намали физичкиот контакт секогаш кога е можно, да се воведе работа од дома кога е можно, да се воведе работа во смени и групи и да се намали бројот на физички состаноци, рече Божиновиќ. (МИА)

Дерковски: Преземавме целосна заштита на здравје на граѓаните од корона вирусот на денот на гласање

Магдалена Андонова — Tue, 07 Jul 2020 09:32:06 +0000

Првиот човек на Државната изборна комисија Оливер Дерковски во интервју за емисијата 360 степени на Алсат М, вели дека ДИК ги презела сите потребни мерки за зголемување на пристапноста на избриачките места на лицата со попреченост кои што во изминатиот периодсе жалеле за ова. Деркоски додаде дека ДИК ги презело сите мерки за целосна заштита на здравјето на граѓаните од корона вирусот на денот на гласањето. -Се обидовме голем дел од избирачките места од горе да ги симниме на призјеме, нешто кое што лоцата со попреченост се жалеа во изминатиот период.Доста од избирачките меса се сега во спортски сали на приземје, во училниците на призјеме и на тој начин ја зголемивме пристапноста до изборачките места.Ќе им помогнеме на луѓето, а од аспект на нивна заштита заради опасноста од Ковид 19, како за сите останати граѓани, ние ги преземаме мерките и за овие граѓани, вели Дерковски.

„Уживајте во престојот и останете безбедни“ – кампања со упатства за туристите во Грција

Магдалена Андонова — Fri, 26 Jun 2020 08:09:02 +0000

Во пресрет на отворањето на границите и аеродромите во Грција на 1 јули, Генералниот секретаријат за цивилна заштита со девет упатства, преку кампањата „Уживајте во престојот и останете безбедни“ , ги информира туристите и посетителите за неопходните мерки за заштита од Ковид-19, јави дописничката на МИА од Атина. Следната среда се отвораат 27 аеродроми, седум копнени гранични премини и седум пристаништа за влез во Грција, а предвидено е на сите влезни точки да постои информативен материјал и упатства за заштита од Ковид-19. Кампањата на Генералниот секретаријат за цивилна заштита на Грција со е во соработка на Националната организација за јавно здравје, со Агенцијата за цивилно воздухопловство, компанијата „Фрапорт“ што управува со регионалните аеродроми и атинскиот аеродром. Упатствата се на англиски, француски и германски јазик и ги потсетуваат туристите на главните мерки за превенција, односно да користат маска, да ги дезинфицираат рацете, да одржуваат растојание, да избегнуваат употреба на лифтови, да избегнуваат допирање на очите, устата и носот, доколку е можно, да користат плаќање со бесконтактна картица и сл. -Целта на информативната кампања, што е целосно во согласност со базата на информации на Министерството за здравство и Светската здравствена организација, е да обезбеди точни информации, така што отворањето на грчкиот туризам да обезбеди безбедноста за сите, за посетителите и постојаните жители во нашата земја, соопштуваат од Генералниот секретаријат за цивилна заштита на Грција. (MИА)