мерлин менсон – Kurir.mk

Мерлин Менсон и Есме Бјанко се спогодија околу сексуалниот напад

Катерина Бојаџиева — Wed, 25 Jan 2023 07:50:04 +0000

Пејачот Мерилин Менсон постигна спогодба со глумицата Есме Бјанко, која поднесе тужба во април 2021 година, обвинувајќи го музичарот – со вистинско име Брајан Ворнер, за сексуален напад, недозволен физички сексуален контакт и трговија со луѓе. Договорот од вчера уследи неколку недели откако судијата ја отфрли федералната тужба на манекенката Ешли Морган Смитлајн од 2021 година против Мерилин Менсон. Во тужбата, моделот тврдеше дека хеви-метал пејачот сексуално ја нападнал повеќепати во 2010 година. – Г-ѓа Бјанко се согласи да ги реши нејзините барања против „Брајан Ворнер и Мерилин Менсон рекордс“, со цел да продолжи со својот живот и кариера, изјави нејзиниот адвокат, Џеј Д. Елвангер. Адвокатот на Менсон, Хауард Кинг го потврди исходот од тужбата. Не се соопштуваат други подробности околу спогодбата.

ИМАЛ СОБА ЗА ЗЛОСТАВУВАЊЕ: Полицијата упадна во станот на познатиот пејач и затекна хаос, јавноста згрозена од вистината која излезе на виделина!

Ивана Ефремовски — Wed, 01 Dec 2021 13:08:39 +0000

Властите во понеделникот го претресле домот на контроверзниот пејач Мерлин Менсон во Западен Холивуд како дел од истрагата за тврдењата за сексуален напад и сексуално злоставување, се вели во извештајот, пишува„Њујорк пост“. Детективите на Специјалните единици за жртви во понеделникот влегле во куќата со налог за претрес и заплениле дискови и единици за складирање документи, кои ќе бидат прегледани пред случајот да биде поднесен до обвинителот на Лос Анџелес. Менсон не бил во домот кога инспекторите од Одделот на шерифот на округот Лос Анџелес влегле да го извршат налогот, според ТМЗ, кој се повикува на извори од органите за спроведување на законот. -Властите ги отстраниле „медиумските единици“ од домот на Менсон, се вели во извештајот. Портпаролката на канцеларијата на шерифот рекла дека е запознаена со извештајот, но не можела да го потврди претресот или да понуди какви било детали во понеделникот вечерта. Иако Менсон во тоа време не бил дома, тие ги земале сите технолошки апарати на кои евентуално нешто би можело да биде снимено. Детективите од канцеларијата на шерифот на округот Лос Анџелес почнаа да го истражуваат Менсон поради извештаите за семејно насилство помеѓу 2009 и 2011 година, каде во тоа време живеел, а поради кои го пријавила неговата поранешна девојка, актерката Еван Рејчел Вуд. Да потсетиме, бројни луѓе сведочеа против музичарот, а во едно сведочење е објавено дека тој имал „соба за злоставување“. Менсон, чие вистинско име е Брајан Варнер, повеќе од 15 жени го обвинија за сексуално и физичко злоставување. Идентитетите на сите жени вклучени во случајот не се откриени, но неколку од нив оваа година јавно изјавија дека Менсон физички, сексуално и емоционално ги злоставувал, а некои поднесоа тужби. Жртвите изјавиле дека Менсон наводно ги заклучувал во мала, звучно изолирана стаклена просторија во куќата, која ја нарекол „соба за лошите девојки“. Жртвите утврдиле дека просторот го користел како самица за психичко мачење на жените. -Прво собата ја опиша како „многу кул“, а подоцна ја опиша како исклучително казнива. Прво се борев, но тој во тоа уживаше. Научив да не се борам, за да не му пружам уживање, само талкав со мислите. Кога врескав, никој не ме слушаше, рекла девојката по име Ешли Морган Смитлајн.

Мерлин Менсон пуштен од затвор

Ивона Петрова — Fri, 09 Jul 2021 07:11:49 +0000

Мерлин Менсон (52) беше во затвор од 2 јули откако и се предаде на полиција во Лос Анџелес по потерница поради наводен напад на плукање кон видеограф на концерт кој во 2019 година го одржал во Њу Хемпшир. Рокерот, чие вистинско име е Брајан Ворнер, се товари за две прекршочни точки од нападот поврзани со инцидентот од 18 август 2019 година. Шефот на полицијата во Гилфорд, Антони Бурпи вчера потврди дека рокерот се предал на властите и дека Менсон е процесуиран и пуштен со кауција. -Задоволни сме со одлуката на господин Ворнер конечно да се јави по налогот на апсење кој е распишан од 2019 година, вели Бурпи. Рокерот би требало да има судење, но датумот се уште не е објавен.