мерлин монро – Kurir.mk

Новиот биографски филм за Мерилин Монро ќе се прикажува од септември

Дарко Андоновски — Fri, 17 Jun 2022 09:20:09 +0000

Многу очекуваниот филм „Русокоса“ (Blonde) заснован на романот на Џојс Керол Оутс, за животот на Мерилин Монро, ќе биде објавен на Нетфликс на 23 септември, објави стрим-платформата. Улогата на холивудската ѕвезда која почина на 36-годишна возраст во 1962 година и којашто сè уште ги фасцинира САД, 60 години подоцна ја глуми кубанско-шпанската актерка Ана де Армас. Адриен Броди, исто така, се појавува меѓу глумците како драматургот Артур Милер, сопруг на Мерлин. Режисер на филмот е Ендрју Доминик, а продуцент е Бред Пит. Некогашниот претседател на САД, Џон Ф. Кенеди, за кого познатата русокоса ја отпеа веќе легендарната „Happy Birthday, Mr. President“, a гласините говорат и дека му била љубовница, ќе го глуми Каспар Филипсон. Филмот ја доби ознаката „17 плус“, што значи дека не е за лица под 17 години, поради сцените со експлицитно сексуално насилство. Делото на Џојс Керол Оутс, објавено во 2000 година, е еден од најпознатите негови дела. Романот-биографија го прикажува животниот пат на Норма Џин Бејкер – вистинското име на Мерилин Монро, отсликува и жесток портрет на Америка – особено Холивуд, во 50-тите и 60-тите години на минатиот век.

Прв Музеј на бикинито на најпознатите холивудски ѕвезди

Тале Кристо — Fri, 03 Jul 2020 11:19:33 +0000

Бикинито на Мерлин Монро, Скарлет Јохансон, Памела Андерсон и на многу други ѕвезди ќе добијат нов дом во град во југозападна Германија. Во Бад Репенау сместен меѓу Франкфурт и Штутгард ќе се отвори во недела на петти јули „Музеј посветен на уметноста на бикинито“. Тој ќе ја прикажува еволуцијата на бикинито од 1870 година па до денес. Ова е битен чекор бидејжи ја прикажува поранешната еманципација на жената.

Познат актер тврди: „Мерилин Монро не почина од предозирање, ја уби Кенеди“

Предраг Кукиќ — Mon, 04 Mar 2019 10:21:56 +0000

Актерот Џани Русо, познат по улогата на Карл Ричи во познатиот филм „Кум“, тврди дека имал афера со Мерлин Монро кога имал само 16 години и знае како таа навистина починала. Тој во мемоарите пишува за многу интересни случки од неговиот живот, а исто така не пропушти и да се осврне на познатата холивудска убавица Мерлин Монро. Русо тврди дека таа не починала од предозирање, како што потврдила обдукцијата, туку дека ја убил Роберт Кенеди, брат на поранешниот американски претседател Џон Кенеди.

Фустан на Мерилин Монро на аукција за 100.000 долари

Дарко Андоновски — Thu, 07 Feb 2019 10:13:20 +0000

Црн фустан на познатата холивудска актерка Мерилин Монро ставен e на аукција. Вредноста на волненото парче облека со ролка, е во тоа што таа го носела 1954 година на прес конференција, на којашто го најави разводот од бејзбол играчот Џо Димаџио, помалку од една година по венчавката. На наддавањето закажано за 30 март, аукциската куќа Крас ГВС очекува фустанот да достигне цена меѓу 100.000 и 150.000 долари. Мерилин Монро и Димаџио стапија во брак во јануари 1954, а глумицата како причина за разводот, кој беше финализиран наредната годинa, ја наведе „психичкото тормозење“. Љубавно писмо кое Димаџио ѝ го напиша на Монро по конференцијата, беше продадено на аукција во 2014 година за 78.125 долари.

Лекции за љубовта од Мерилин Монро

Ристе Здравков — Sun, 14 Oct 2018 15:14:29 +0000

Мерилин Монро е една од најсексипилните жени во историјата на шоу-бизнисот. Покрај тоа, таа е позната и по нејзиниот бурен љубовен живот кој бил исполнет со многу подеми и падови. Па затоа, нејзините совети се навистина досетливи и интересни и би ви биле од голема помош доколку ги применити во вашиот љубовен живот! Морате да знаете каков статус заслужувате во љубовната врска – вие вредите колку што сте тешки! „Јас сум себична, нетрпелива и малку несигурна. Правам грешки, губам контрола и понекогаш е тешко да ме поднесат. Но, ако не може да се носи со мене кога сум најлоша, тогаш сигурно не ме заслужува кога сум најдобра.“ Па што ако сте раскинале? Утре ќе биде подобро! „Верувам дека се се случува со причина. Луѓето се менуваат за да научиме да ги пуштиме да си одат, работите одат во погрешен правец за да ги цениме кога се е во ред, веруваме на лаги за да научиме да не веруваме никому освен на самите себе и понекогаш добрите работи се распаѓаат за да се создадат подобри работи.“ Вистинската љубов се крие во малите работи „Вистинскиот љубовник е оној човек кој може да ве возбуди кога ќе ве бакне во чело и знае да се насмее само за ваши очи.“ Ако сакате нешто, не чекајте мажот да го оствари тоа за вас. Потрудете се сами. „Колку е погрешно тоа што жената очекува од мажот да изгради свет каков што таа сака, наместо таа сама да го создаде? Ако не успеете од прва... „Љубовниците доаѓаат и си одат. Не сакам да го кажувам ова, но речиси сите ќе ти го скршат срцето. Но, не смееш да се откажеш, затоа што ако се откажеш, никогаш нема да ја пронајдеш својата сродна душа. Никогаш нема да ја најдеш половината која те прави цела. Само затоа што еднаш не успеало, не значи дека ќе пропадне се што ќе започнеш. Продолжи да се обидуваш, држи се и секогаш, секогаш, секогаш верувај во себе, затоа што ако ти не веруваш, кој ќе верува во тебе? Исправи се, крени ја главата и што е најважно, продолжи да се смееш. Животот е прекрасен и полн со работи кои се вредни за насмевка.“

ФОТО: Меланија Трамп како Мерлин Монро – ветерот си поигра со нејзиниот фустан

Ивана Ефремовски — Fri, 27 Jul 2018 07:25:33 +0000

Меланија Трамп во сив фустан се појави во Нешвил, Тенеси за да ја промовира својата кампања „Be Best".

Додека се качуваше во воениот авион во базата во Мериленд, фустанот се подигнал поради ветерот, а многумина ова ги потсети на сцената кога на Мерлин Монро се подигнува здолништето во филмот „Седум години верност". За време на посетата во Тенеси ја посети и детската болница, каде поголемиот дел од времето се дружеше со малите дечиња.