мерна станица – Kurir.mk

О2 иницијатива: Дивата депонија во Шутка „пуштена на максимум“- се игнорираат пораките од Институтот за јавно здравје, мерната станица во Карпош не работи

Дарко Андоновски — Fri, 24 May 2019 14:32:05 +0000

Иницијативата О2 на својот Фејсбук профил споделија видео од дивата депонија во Шутка, потенцирајќи дека никој не се грижи во државава за здравјето на граѓаните, како и потенцирајќи на мерната станица во Карпош која не функционира од вчера. -До кога? Се игнорираат барањата на граѓаните, се игнорираат заклучоците на Институтот за јавно здравје каде се потенцира сериозната закана по јавното здравје. Дивата депонијата Шутка пуштена на максимум. Мерната станица на Минстерството за животна средина во Карпош вон функција од вчера! Ова држава е или луднца?, прашуваат од О2 иницијативата.

Стаменковска: Кога мерната станица во Гази Баба ќе профункционира!?

Ивана Ефремовски — Thu, 27 Dec 2018 11:10:47 +0000

Невенка Стаменковска, пратеник од редовите на ВМРО-ДПМНЕ и Коалицијата при заседавање на седницата во Собрание на Република Македонија, посочи дека не е задоволна од одговорот што го има поставено до Министерството за животна средина за мерната станица во Гази Баба. Бидејќи во рамки на прашањето кое што го поставила барала дури и гаранција дека мерната станица во Гази Баба ќе биде поправена и во рамки на овој писмен одговор да добие гаранција кога мерната станица ќе биде поправена. -Она што го добив како одговор, кој што стигна вчера е дека мерната станица во Битола сте ја поправиле, дека била некое време надвор од употреба и дека сте ја поправиле. Но гаранција ниту одговор кога мерната станица во Гази Баба конечно ќе профункционира нема, нагласи Стаменковска. Стаменковска замоли да не и се одговора колку и како Министерството за животна средина работи на подобрување на воздухот, бидејќи и тоа не е напишано туку само со една реченица стои дека работат на подобрување на квалитетот на воздухот. Што, за неа, не е доволно. -Кога мерната станица во Гази Баба ќе профункционира, побара одговор Стаменковска од министерството.

Хидролозите предупредуваат: Функционира само една мерна станица за нивото на Охридското езеро

Ивона Петрова — Sat, 01 Dec 2018 18:11:13 +0000

Охридското езеро е премногу значајно за да се прават експерименти со него, од 4 мерни станици во охридско- струшкиот регион кои треба да дадат веродостојни информации за нивото на езерото, функцира само една – во центарот на Охрид, објавува Алфа телевизија. Мерните станици во Свети Наум, Пештани и Струга се надвор од употреба – укажуваат хидролозите. Згора на тоа, недостасува и стручен кадар, во Управата за хидрометеоролошки работи има само двајца хидролози инженери а потребни се најмалку десетмина. Во минатото во Управата работеле 35 хидролози, а сега се 12. Доколку сакаме да имаме добар мониторинг, треба да се инвестира во нови вработувања и не само тоа, проблем се и парите-буџетот кој го издвојува државата за оваа намена е смешен. Соочени со негрижа од државата, од УХМР преку странски донации доаѓаат до сретства за набавка на современи инструменти за изработка на хидролошки прогностички модел, меѓудругото и за мониторинг на езерото кое оваа година драстично осцилира. Од УХМР уште на почетокот од годинава забележале опасност од високи водостои но нивните укажувања вклучително и за осцилациите на езерото биле попусти.