меси – Kurir.mk

Ал Хилал го потврди интересот за Меси

Ивона Петрова — Fri, 13 Jan 2023 10:42:51 +0000

Директорот на Ал Хилал, Фаед Ал – Мофариј, ја потврди денеска заинтересираноста за услугите на Лионел Меси, ден откако шпанските медиуми објавија дека саудискиот клуб е подготвен да му понуди на аргентинскиот фудбалер тригодишен договор вреден рекордни 900 милиони евра. „Го прашав Ал – Мофариј за можноста да го ангажира Меси. Ми рече: Сè е исто како и во случајот со Кристијано Роналдо. Не станува збор само за интерес на нашиот клуб, ова не е работа само за нашиот клуб. Сите саудиски клубови имаат иста цел, а тоа е голем исчекор на кој нè инспирираше нашиот министер за спорт“, објави на социјалните мрежи Еслам Магди од Дубаи. Меси има договор со ПСЖ до крајот на оваа сезона, а според француските медиуми, Аргентинецот постигнал начелен договор со клупското раководство да го продолжи договорот за уште две сезони за годишна заработка од 40 милиони евра.

Меси во ПСЖ останува до средината на 2024 година

Тале Кристо — Sun, 25 Dec 2022 13:09:45 +0000

Париз, 25 декември 2022 (МИА) – Најдобриот светски фудбалер Лионел Меси се договори со актуелниот француски првак ПСЖ за продолжување на договорот до лето 2024 година, пренесува британскиот сервис Би-Би-Си. Актуелниот договор на Меси со ПСЖ истекува за шест месеци и постоеја шпекулации околу можно враќање на аргентинскиот фудбалер во Барселона, но по освојувањето на светската титула со Аргентина од тоа дефинитивно нема ништо. Меси лани се пресели во редовите на ПСЖ, откако 21 година го носеше дресот на Барселона. Во дресот на парискиот клуб одигра 53 натпревари на кои постигна 21 голови, а лани ја освои шампионската титула во Франција.

Борисов: Бугарија си има свој Меси, а тоа сум јас

Тале Кристо — Sun, 04 Dec 2022 14:23:26 +0000

На средбата со младинските активисти на ГЕРБ, Бојко Борисов најави дека има две опции за номинација за премиер на ГЕРБ-СДС, тој или партиски неопределен кандидат, јави дописникот на МИА од Софија. Борисов изјави дека Бугарија има свој Меси и додаде дека не гледа конкуренција против него. Според него, Бугарија треба на најбрз начин да формира влада, бидејќи тоа ќе придонесе за пристапување во Шенген. Втората опција е да се формира малцинска влада, но тешко дека ќе биде најдобра за стабилноста во Бугарија во моментов. Според него, одлуката ќе зависи од тоа дали ќе се најде договор со другите партии за приоритетните политики, меѓу кои и Продолжуваме со промената. Борисов истакна дека изминатите две години се тотален удар врз професионалноста на бугарското МВР, велејќи дека се направени само политички назначувања и чистки, кои доведоа до ваков резултат. Борисов ја коментираше евентуалната декларација во Народното собрание на Бугарија за можни контрамерки против Холандија, велејќи дека ГЕРБ нема да ги поддржи. – Бугарија мора најбрзо да формира редовна влада во рок од еден месец и да не ја влече Романија за да да ја гарнира безбедноста на нејзината граница со Турција и да продолжи да оди во пакет со трите земји за Шенген и еврозоната заедно со Романија и Хрватска, посочи Борисов. Претседателот на Бугарија Румен Радев утре на ГЕРБ ќе му врачи првиот мандат за формирање влада. Од ГЕРБ сè уште не соопштуваат кој ќе биде нивниот кандидат за премиер. Пред две години ГЕРБ го номинираше поранешниот министер за надворешни работи Даниел Митов за премиер на Бугарија. Медиумите во Софија шпекулираат дека ГЕРБ сега може да ја предложи или Десислава Атанасова, која е шеф на пратеничката група или Томислав Дончев, кој беше вицепремиер за европски фондови во владите на Бугарија предводени од Борисов.

ВИДЕО: Меси на пена од пиво, навивачите во Катар можат да добијат пиво со ликот на омилениот фудбалер

Ивона Петрова — Sat, 26 Nov 2022 21:35:26 +0000

Навивач од Катар сподели видео од специјално „украсено“ пиво кое може да се добие за време на Светското првенство. Видеото што го сподели прикажува „машина за пиво“ на која можете да го изберете ликот на вашиот омилен фудбалер кој сакате да го видите на пијалокот. Во Катар можете да земете пиво со вашиот омилен играч на него, стои во описот. На видеото се гледа како навивач избира слика на Меси која потоа е нацртана на пената. Иако пивото е забрането во зоните околу стадионот, истото може да се добие во навивачките зони.

View this post on Instagram

A post shared by Sports Illustrated Soccer (@si_soccer)

Венгер за СП 2022: Последна шанса за Меси, Роналдо, Нејмар

Ивана Ефремовски — Sun, 20 Nov 2022 09:26:37 +0000

Долгогодишниот поранешен тренер на Арсенал, Арсен Венгер изјави дека Светското првенство во 2022 година може да биде последно за многу ѕвезди. -Мислам дека ова Светско првенство е последна шанса за големите играчи кои ни го покажаа својот талент во изминатите 10-15 години. Тие ќе дојдат на турнирот мислејќи: „Сега или никогаш“. Прекрасно е да се види ова бидејќи Меси, Роналдо, Нејмар и Бензема се меѓу најдобрите играчи во светот. Левандовски исто така. Сите тие ќе мислат: „Ова е мојата шанса“. Нашиот спорт има среќа бидејќи се заснова на технологија. И покрај зголемениот интензитет, на крајот од натпреварот гледате кој ја направи разликата, кој ја донесе победата, а тоа се играчи со добра визија на теренот, со техника која им овозможува да ја реализираат оваа визија. Ако науката се злоупотребува, тоа може да биде штетно. Играчите ќе станат премногу зависни од податоците и ќе престанат да играат слободно. Затоа, науката мора да се користи правилно, таа мора да поттикне донесување смели одлуки. Ако тоа не се случи, тогаш тоа ќе му наштети на квалитетот на играта, изјави Венгер. Од листата ѕвезди кои ги именува Венгер, Мундијалот во Катар веќе е завршен за Карим Бензема кој се повреди пред стартот на шампионатот. (МИА)

Роналдо, Меси, Халанд, Бензема, Левандовски и Салах се меѓу финалистите на „Глоуб Сокер“ во категоријата „Најдобар играч на годината“

Тале Кристо — Thu, 03 Nov 2022 13:47:01 +0000

Познати се финалистите на Глоуб Сокер наградите во категоријата „Најдобар играч на годината“. Во потесниот избор влегоа: Карим Бензема, Тибо Куртоа (двајцата од Реал Мадрид), Роберт Левандовски (Барселона), Лионел Меси, Килијан Мбапе (двајцата од ПСЖ), Ерлинг Халанд (Манчестер сити), Кристијано Роналдо (Манчестер јунајтед), Луис Дијаз, Мохамед Салах и Садио Мане (тројцата од Ливерпул). Номинирани за наградата играч на годината во избор на навивачите преку Тикток се: Кевин де Брујне, Ерлинг Халанд (двајцата од Манчестер сити), Карим Бензема (Реал Мадрид), Роберт Левандовски (Барселона), Лионел Меси (ПСЖ), Мохамед Салах (Ливерпул) и Кристијано Роналдо (Манчестер јунајтед). Церемонијата на доделување на наградите ќе се одржи во Дубаи (ОАЕ) на 17 ноември. Најтрофеен досега е Кристијано Роналдо – наградата за најдобар играч на годината ја доби шест пати.

Меси има постигнато гол на 300 натпревари, најмногу во историјата на Ла Лига

Тале Кристо — Mon, 17 May 2021 07:56:01 +0000

Напаѓачот на Барселона, Лионел Меси го отвори резултатот на синоќешниот меч од шпанскиот шампионат со Селта (1:2). Аргентинецот го одигра 300. натпревар во Ла Лига, на кој постигна барем еден гол. Ова е најдобриот резултат во историјата на натпреварувањето. Второто место му припаѓа на поранешниот напаѓач на Реал Мадрид, Раул со 186 натпревари на кои се запишал во листата на стрелците.

Меси прв фудбалер со 25+ голови 12 сезони по ред

Тале Кристо — Fri, 23 Apr 2021 06:47:06 +0000

Напаѓачот на Барселона, Лионел Меси постигна два гола во победата од 5:2 остварена синоќа над Хетафе во шпанската Ла Лига. Триесет и тригодишниот Аргентинец ги постигна 24. и 25. погодок во сезоната. Така, Меси постави рекорд со 25 или повеќе дадени голови 12 последователни сезони. Најблизу до достигнувањето на Меси беше фудбалерот на Јувентус, Кристијано Роналдо, кој играше за Реал Мадрид. Португалецот постигна 25+ голови во 11 од последните 12 сезони во лигата. Тој во сезоната 2018/2019 имаше 21 гол во Серија А.

Меси го израмни рекордот на Чави во Барселона

Ивана Ефремовски — Mon, 15 Mar 2021 20:55:35 +0000

Еден од најдобрите светски фудбалери на сите времиња, Аргентинецот Лионел Меси (35) се израмни со Чави Хернандез на врвот на листата играчи со најмногу настапи во дресот на каталонскиот гигант. Мeси вечерва се најде во почетниот состав во натпреварот од 27. коло во Примера против Хуеска на „Камп Ноу“, запишувајќи го својот 767 настап за Барселона во сите натпреварувања. Со тоа, Меси го израмни рекордот на Чави, кој во периодот од 1998 до 2015 година, исто така, одигра 767 натпревари во дресот на каталонскиот клуб.

Меси на второ место во Ла Лига по број на постигнати голови како резервен играч

Тале Кристо — Mon, 08 Feb 2021 08:17:07 +0000

Капитенот на Барселона, Лионел Меси по постигнатиот гол синоќа против Бетис (3:2) во мечот од 22. коло на шампионатот на Шпанија се најде на второто место на листата на стрелци на играчи кој на натпреварот влегле од клупата за резерви. Триесет и тригодишниот Аргентинец има 27 голови по замената, со што го стигна играчот на Реал Сосиедад, Оскар де Пол. Во водство е уште еден поранешен Каталонец, Хулио Салинас кој своевремено постигна 28 погодоци, откако во игра влегол како замена. По 22 кола, Барселона е на делба на 2. место во Ла Лигата со 43 бода колку што има и Реал Мадрид. Лидер е Атлетико со 50 бода и два натпревари помалку.