месинџер – Kurir.mk

Се укинува популарната опција на Месинџер, еве што да направите ако ја користите

Ивона Петрова — Thu, 10 Aug 2023 09:23:40 +0000

Понекогаш може да биде доста фрустрирачки кога Facebook Messenger со секоја апликација прашува дали сакате да го користите за испраќање СМС пораки. Но, верувале или не, има многумина кои се токму за тоа - сите пораки на едно место. За нивна жал, стигнуваат лоши вести бидејќи од септември Facebook и официјално ќе ја укине опцијата. -По ажурирањето што ќе пристигне на апликацијата на 28 септември, корисниците повеќе нема да можат да го користат Messenger за испраќање и примање СМС пораки, се вели во соопштението на Мета. Затоа, се препорачува да ја вратите стандардната апликација за пораки со одење до поставките на телефонот, наоѓајќи „Апликации“ и потоа „Стандардни апликации“. Забележано е дека по ажурирањето, корисниците автоматски ќе почнат да добиваат СМС преку друга или стандардна апликација. Оваа опција за првпат беше претставена во 2012 година, но Facebook многу брзо ја отстрани. Четири години подоцна, Фејсбук повторно ја воведе функцијата и ја задржа до сега. Кој знае дали ќе има трет обид...

Предупредување за корисниците на Фејсбук Месинџер кои праваат „скриншот“

Ивана Ефремовски — Thu, 03 Feb 2022 10:12:12 +0000

Основачот на Фејсбук и извршен директор на матичната компанија Мета, ги предупреди корисниците на Фејсбук Месинџер кои праваат „скриншот“ од нивните разговори, пренесува Индепендент. Тој објави дека со ажурирањето на апликацијата, Месинџер ќе ги извести корисниците доколку некој направи „скриншот“ од нивниот разговор. Сепак, ова важи кога е вклучена опцијата за исчезнување на пораки (vanish mode). Во соопштението Марк наведува и дека додаваат ГИФ, налепници и реакции на шифрираните разговори. Соопштението следи по ажурирањето на широко користената платформа Фејсбук Месинџер што им овозможува на луѓето да изберат опција нивните пораки да исчезнат. Функцијата досега беше воведена во САД и се очекува да биде воведена за корисниците на Фејсбук во Европа во наредните недели.

Нова опција: Фејсбук ги спои Инстаграм и Месинџер

Ивона Петрова — Mon, 04 Oct 2021 08:26:56 +0000

По две години подготовка Фејсбук соопшти дека од сега корисниците ќе може да разменуваат пораки меѓу Инстаграм и Месинџер. Инстаграм и Месинџер од сега ќе се интегрираат и низ групен разговор. На Месинџер ќе може да ги гледате своите Инстаграм контакти и преку Месинџер ќе може да се допишувате со тие контакти без да ја промените апликацијата. Преку Месинџер ќе може да се поврзете со контактите од Инстаграм и да ги организирате и поврзете своите контакти во група за допишување. Во групата за допишување ќе може да се промени позадината, да се прават анкети, а сите корисници ќе видат кој пишува порака, како што е случај со двете апликации. Новата опција Фејсбук ја пушти на 1 октомври и со ажурирање на апликациите ќе може да се користат новите функции.

Експерт по сајбер безбедност открива зошто не би требало да користите Месинџер

Ивона Петрова — Thu, 10 Jun 2021 08:27:13 +0000

Корисниците на Фејсбук Месинџер можеби треба да размислат да се откажат од популарната апликација по советот на експертот за сајбер безбедност Зака Дофман, кој вели дека користењето на услугите во моментов на апликацијата може сериозно да го ризикува пресретнувањето на испратените пораки. -Треба да се префрлите на лична комуникација и разговор или што и да сакате да е безбедно, најмалку на ВатсАт или уште подобро на Сигнал, ги предупредува Дофман корисниците во својот текст објавен на Форбс. Ова можеби звучи драматично, но има добра поента. За оние кои не се свесни, Месинџер допрва треба да воведее end-to-end енкрипција во својот сервис. Бес дополнувања до подесувањата, започнувањето на нов разговор - вашите пораки повеќе нема да бидат заштитени од љубопитните погледи. Ова всушност значи дека се што се испраќа мешу еден до друг уред може да биде пресретнато и испратено на трета страна. Додека ВатсАп, освен Сигнал, е една од оние апликации кои ја имаат воведено оваа некрипција, Месинџер заостанува. Компанијата е свесна дека очигледно не успева да ги исполни овие мерки на безбедност, па во неодамнешната објава се вели: „Работиме напорно на тоа да воведеме end-to-end енкрипција во сите наши услуги за разменување на пораки.“. Месинџер се подобрува и со фактот што Фејсбук неодамна претстави бројни алатки за приватност и сигурност, вклучително и повеќе опции за приватност, заклучување на апликации, ограничувања за проследување пораки и уште многу други. Сепак, Дофман нагласува дека енкрипцијата која е могу значајна ја нема, па додека не биде воведена во 2022 година, ви советува дека можеби попаметно е да пронајдете друг начин на комуникација.

Фејсбук привремено оневозможи некои функции на Месинџер и Инстаграм

Ивана Ефремовски — Sun, 20 Dec 2020 15:11:17 +0000

Фејсбук ги информираше корисниците на Месинџер и Инстаграм во Европа дека некои функции во моментот се привремено недостапни. Пораката се појави во апликациите на Фејсбук, Месенџер и Инстаграм за европските корисници оваа недела, истакнувајќи дека некои карактеристики не се достапни поради „усогласеност со новите правила на услугите за пораки во Европа“. Фејсбук не прецизира точно кои функции ќе недостасуваат, но компанијата на своите страници за поддршка открива дека истражувањата и на „Месинџер“ и „Инстаграм“ во моментов не се достапни во Европа. Етикетите на Инстаграм исто така недостасуваат и персонализираните одговори на Месинџер не се можни. Други недостатоци може да вклучуваат испраќање одредени датотеки до Messenger и неможноста да се постават прекари.

Делумно уривање на Фејсбук, Инстаграм и Месинџер

Магдалена Андонова — Thu, 10 Dec 2020 12:10:08 +0000

Фејсбук, Инстаграм и Месинџер се урнаа утрово. Според „Даун детектор“, проблемите започнале околу 9 часот наутро и ги погодиле корисниците ширум Велика Британија и Европа. Но, се чини дека најзасегнати се западна и централна Европа. Причината за проблемите засега останува нејасна. Од оние кои пријавиле проблем, 80 отсто рекле дека не добиваат пораки, додека 20 отсто – оти не можат да се најават. (МИА)

Падна Месинџер, корисниците ширум Европа пријавуваат проблеми

Магдалена Андонова — Thu, 10 Dec 2020 11:36:27 +0000

Илајдници корисници на популарните социјални мрежи Фејсбук и Инстаграм утрово и пладнево јавуваат проблеми при интеракцијата со други луѓе. На Месинџерот на Фејсбук пишува „Нема интернет конекција“ или „Се конектира…“, па има проблеми при праќање на пораки до други виртуелни пријатели. Преку платформата „Down detector“, проблеми со Фејсбук месинџерот јавуваат луѓе од Јапонија, Унгарија, Бугарија, Тунис, САД, Холандија, Италија, Непал, Кипар, Полска, Тајланд, Романија, Британија… Извор: ПЛУСИНФО

Фејсбук почна со реализација на планот: Се спојува со Инстаграм и Месинџер

Ристе Здравков — Tue, 18 Aug 2020 07:16:26 +0000

Пред повеќе од година „Фејсбук“ го најави својот план за спојување на своите платформи за допишување, за на корисниците да им овозможи меѓусебно допишување без оглед на тоа која апликација ја користат. Планот предизвика негодување кај многу регулатори во светот бидејќи сметаат дека може да се загрози приватноста на корисникот, но и да му овозможи на „Фејсбук“ да создава уште подетални профили со чија помош би реализирал целно огласување. Но, очигледно дека од „Фејсбук“ одлучиле да ги игнорираат потенцијалните истраги и казни и да го почнат процесот, па корисниците во САД почнале да добиваат известување при отворањето на апликацијата „Инстаграм“.

Wooh!! What a change in @instagram messaging ? They mix it with messenger ? pic.twitter.com/BXMHen3ADH
— you don't deserve it but still i (@sleeping__alien) August 15, 2020

Постои нов начин за допишување на „Инстаграм“, пишува во известувањето кое ги повикува корисниците на ажурирање на апликациите, нудејќи цела низа можности. Така, посебно се истакнуваат новиот разнобоен изглед на четовите, реакциите со помош на емоџи, допишување на пријателите кои се на „Фејсбук“. Во известувањето стои дека и да не ја ажурирате апликацијата, може да почнете да добивате барања за допишување од профилот на „Фејсбук“. Откако ќе се ажурира апликацијата, икончето за пораки на горниот десен агол на „Инстаграм“ е заменето со логото на „Фејсбук месинџер“. Четовите на „Инстаграм“ навистина имаат повеќе бои, но моментално не е возможно да се испраќаат пораки на фејсбук-корисници преку „Инстаграм“. Но „Фејсбук“ веќе ги објави плановите за спојување на платформите на популарните апликации „Месинџер“, „Инстаграм“ и „Вацап“, така што сигурно ќе го реши и тој проблем.

Ова ќе ви се допадне додека сте во изолација: Фејсбук ја објави новата алатка Messenger Rooms

Ивана Ефремовски — Mon, 27 Apr 2020 13:40:09 +0000

Компанијата Фејсбук ја објави својата нова алатка Messenger Rooms, со која се овозможува групни аудио и видео повици со најмногу 50 луѓе. Исто така, од компанијата го удвојуваат капацитетот на луѓе во видео повици на WhatsApp од четири лица на осум лица. Алатката Messenger rooms нема ограничување на разговорите, при тоа овозможува дури и оние кои немаат кориснички профил на Фејсбук да учествуваат во поканите за групниот разговор. Оној што ќе го креира повикот има целосна контрола на разговорот, односно може да покани или исклучи било кого од конверзацијата. Негативна карактеристика кај оваа алатка е што за разлика од видео повиците на WhatsApp кои се шифрирани од крај до крај, што воедно им нуди дополнителна заштита на корисниците, кај Messenger rooms повиците не се шифрирани до крај. Од Фејсбук велат дека е тешко да се примени целосна енкрипција на 50 корисници, но информираат дека нема да ги гледаат или слушаат повиците. -Messenger Rooms ќе бидат достапни во Messenger апликацијата во скоро сите земји каде е достапен Фејсбук, велат од компанијата.

Нова опција на Месинџер: Еве како може да го активирате „Dark mode“

Катерина Бојаџиева — Tue, 05 Mar 2019 10:17:02 +0000

Фејсбук одамна најави дека ќе овозможи нова опција, односно нов изглед – „Dark Mode“ (темен режим) за Месинџер, меѓутоа, четири месеци подоцна компанијата сѐ уште не ја објави достапноста на функцијата и како таа може да се активира. Иако социјалната мрежа официјално не ја објави опцијата, во апликацијата постои една кратенка која им овозможува на корисниците да го активираат темниот изглед. Темниот режим на Фејсбук Месинџер може да се активира со задржување на емоџито од полумесечина во некој од вашите разговори. Веднаш откако ќе задржите ова емоџи неколку секунди, би требало горе на екранот да ви се појави известување „You Found Dark Mode!”, а под него ќе забележите и опција која овозможува да се активира режимот, со назнака „Turn on in Settings”.