месна заедница галичник – Kurir.mk

ФОТО: „Мечките се одомаќинети“ – Галичани бараат помош, институциите пет години молчат

Ивона Петрова — Thu, 27 Jul 2023 08:43:47 +0000

Одомаќинети диви животни во населени места претставуваат голема опасност за населението, велат жителите на Галичник на кои мечки им шетаат во селото и дворовите. За проблемот кој го имаат, велат уште во 2019 и 2020 година се обратиле до Министерството за земјоделство шумарство и водостопанство и до Државниот инспекторат за ловство, но и по пет години ништо не е преземено. -Месната заедница Галичник повеќе пати сосем официјално се обраќа до Министерството за земјоделство шумарство и водостопанство и до Државниот инспекторат за ловство укажувајќи на растечкиот проблем со присуство на мечки во Галичник. Дописи се доставени преку архивите на двете институции во 2019 и 2020 година, а минатата недела се обративме на службениот мејл на Инспекторатот. Апелираме надлежните да дејствуваат и да дадат насоки на локалното население. Одомаќинети диви животни во населени места претставуваат голема опасност за населението, истакнуваат Галичани. Посочуваат дека од година во година расте бројот на мечки во овој регион. Велат, кај населението постои страв, но не бараат дозвола отстрел. Тоа, според нив, е последна опција за решавање на проблемот, но бараат одговор од надлежните за понатамошно постапување.

Утре ќе биде познато кои ќе бидат зетот и невестата на овогодинешната Галичка свадба

Ивона Петрова — Mon, 30 May 2022 06:22:34 +0000

Советот на Месната заедница Галичник утре треба да ја објави одлуката за избор на зет и невеста на Галичката свадба 2022 година. Пријавувањето траеше до 31 март годинава, а заинтересираните кандидати мораа да исполнуваат неколку критериуми. Потребно е двајцата или едниот да имаат потекло од Галичник, да имаат искуство во учество на Галичка свадба во друга улога, да учествувале во активностите на Месната заедница и ова да им е прв црковен брак. Галичка свадба оваа година ќе се одржува од 15 до 17 јули.

МЗ Галичник: Земјотресот во15:25 предизвика штети во куќи во Галичник

Магдалена Андонова — Wed, 11 Nov 2020 15:36:59 +0000

Последниот во низа земјотреси во мавровскиот регион во 15:25 предизвикал штети во одделни куќи во Галичник. Во објава на Месната заедница Галичник на Фејсбук споделени се фотографии од штетите на куќтите по земјотресот. - Ве информираме дека од земјотресот во 15.25 часот има настанато штета во одделни куќи во Галичник. Би било пожелно сопствениците на куќите да ја проверат состојбата на истите и доколку има настанато штета, штетата да се пријави на надлежните институции, стои во објавата на Фејсбук.