местење натпревари – Kurir.mk

Тенисер доживотно суспендиран за местење 133 натпревари

Ивона Петрова — Fri, 10 Feb 2023 10:31:23 +0000

Поранешниот марокански тенисер Јунес Рашиди (36) е доживотно исфрлен од тенисот откако е прогласен виновен за местење на резултатите на 135 натпревари, објави Меѓународната агенција за интегритет на тенисот (ITIA). Ова е досега рекорден број прекршоци од еден играч откриен од ITIA. Рашиди бил вмешаност во местење натпревари со уште двајца алжирски тенисери, кои ITIA неодамна ги казни. Случаите беа откриени по истрага што властите во Белгија ја спроведоа во координација со ITIA.

Земал 30.000 евра за намерно да добие жолт картон: Познат фудбалер обвинет за местење натпревари

Ивана Ефремовски — Wed, 02 Dec 2020 19:34:36 +0000

Шведското Обвинителство подигна обвинение против четири лица, вклучувајќи двајца фудбалери, поради вмешаност во местење натпревари. Како што јавија локалните медиуми, меѓу обвинетите е поранешниот фудбалер на шведскиот прволигаш Елфсборг, познатиот Павел Цибиски, како и уште еден играч од пониските лиги. Цибиски се товари дека примил поткуп во износ од 30.000 евра во замена намерно да добие жолт картон на натпреварот од шведското првенство против Калмар во мај 2019. На Цибиски, кој во минатото настапуваше за шведската репрезентација до 21 година, ќе му се суди за „пасивно подмитување“ и „кршење на законот за игри на среќа“. Доколку бидат прогласен за виновен му се заканува казна затвор од две години.

Доживотна суспензија за 21-годишен тенисер: Цело семејство биле измамници! (ФОТО)

Ивана Ефремовски — Tue, 05 May 2020 10:39:24 +0000

Египќанецот Јусеф Хосам направи дури 21 прекршок за обложување поради што е доживотно суспендиран од тенисот. Единицата за чување на интегритетот во тенисот вчера објави дека Хосам никогаш повеќе нема да заигра на некој тениски турнир, информира СуперСпорт. Тенисерот учествувал во корупција меѓу 2015 и 2019 година, па за тој период направил дури 21 прекршок на резултатите на тениските натпревари во послабите рангови. Тенисерот од Египет најдобар ранг вокариерата имаше во 2017 година, кога беше пласиран на 291 место, додека во моментов беше 820. тенисер, но нема сомнеж дека наскоро ќе биде избришан од АТП-листата. Семејството Хосам е познато по „местење“ на натпревари, со оглед на тоа дека и постариот брат на Јосеф, односно Карим пред две години доби доживотна суспензија.

Фелисијано Лопез вмешан во местење натпревари

Дарко Андоновски — Tue, 18 Jun 2019 20:11:41 +0000

Фелисијано Лопез е осомничен за местење натпревар со неговиот партнер во двојки, Марк Лопез. Според весникот „АС“, двајцата Лопез се осомничени за начинот на игра при поразот на „Вимблдон“ во 2017 година. Тогаш 11-тите во шемата го губат натпреварот од првото коло против Австралијците Џон-Патрик Смит и Мет Рид во четири сета, откако го освоија првиот сет – 6:3, 6:7, 2:6, 4:6. Според информациите, наместениот натпревар е планиран од поранешните фудбалери Карлос Аранда и Раул Браво, кои се во основата на оформениот во последниве недели скандал со местење дуели во Примера дивизион. Полицијата има снимена дискусија на поранешниот фудбалер во која тој охрабрува друг човек да се обложи за пораз на Фелисијано Лопез и Марк Лопез. Од полицијата откриваат дека Карлос Аранда „има информации за спортски настани на високо ниво“. Според полициските извештаи Аранда изјавил ден порано дека Шпанците ќе го изгубат натпреварот и го охрабрил контактот да се обложи на натпреварот, откако тој ќе зема 50 отсто провизија. „Имам информации за натпревар, дали сакаш“, започнува Аранда. „Да, се разбира, ако можеш“, е одговорот. Аранда прво ги бара посочените 50 отсто. „Можете да ставите колку што сакате, ова е Вимблдон, момче!“ Фелисијано Лопез брзо одговори со отфрлање на обвинението и ги насочил од „АС“ да го постават прашањето на неговиот адвокат. Во моментов, Фелисијано Лопез е во Лондон, каде учествува на турнирот „Квинс Клуб“. Тој ќе игра во парови со Енди Мареј, кој се враќа на теренот подолгоотсуство.

Македонка ги испрала сите пари за местењето натпревари во Белгија- еве ги деталите

Катерина Бојаџиева — Mon, 22 Oct 2018 21:37:29 +0000

Македонката Марија Богојевска е една од главните учесници во аферата која го потресе белгискиот фудбал. Во акцијата „Чисти раце“, која ја спроведе белгиската полиција и при која беа уапсени тренери, менаџер и други лица за вмешаност во перење пари, местење натпревари и финансиски малверзации, еден од главните актери е всушност Богојевска, пренесува порталот Спорт1. Таа е девојка на еден од главните осомничени во аферата менаџерот Дејан Вељковиќ и „испрала“ два до три милиони евра за нејзиното момче, пишуваат белгиските медиуми. Вељковиќ ја замолил Богојевска да отвори девизна сметка во банка во Белград за да и префрли пари. Овие пари менаџерот наводно сакал да ги сокрие од својата поранешна сопруга со која бил во разводна постапка. Македонката не се сомневала во намерите на нејзиниот дечко се до март оваа година, кога ја открила вистинската причина, зошто Вељковиќ и префрлил толку многу пари на сметка. Таа при телефонски разговор и признала на својата мајка што прави Вељковиќ. „Дејан ја користи мојата сметка да пере пари“, рекла Богојевска. Со оглед на фактот дека белгиската полиција почнала да ги прислушкува телефонските разговори на сите вмешани во скандалот уште кон крајот на минатата година и телефонскиот број на Богојевска бил меѓу тие кои биле следени. Таа е приведена од белгиската полиција, бидејќи знаела за парите и не го пријавила делото. Засега таа е пуштена да се брани од слобода. Марија Богојевска е поранешна сопруга на поранешниот македонски кошаркарски репрезентативец Илија Боцевски. Таа е единствената жена помеѓу осумината уапсени во ацкијата „Чисти раце“, што ја спроведе белгската полиција. Меѓу уапсените е и македонскиот менаџер Драган Силјановски. Извор: Спорт1