местење – Kurir.mk

ДАЛИ ГО МЕСТИТЕ СВОЈОТ КРЕВЕТ НАУТРО? Еве што кажува тоа за вашата личност

Ристе Здравков — Wed, 31 May 2023 12:39:00 +0000

Местењето на креветот по будењето за некој е обврска, додека на другите им претставува губење време. Најновите истражувања кои се спроведени на 68.000 луѓе, покажуваат дека 27 проценти од луѓето имаат навика да си го наместат креветот, пишува „Psychology Today“. Психолозите трврдат дека оваа мала навика може потполно да ви го промени животот и откриваат што таа зборува за луѓето. Состојбата на креветот е состојба на умот Мислењето дека животниот простор е одраз на состојбата на свеста на човекот, па така оние кои сакаат уреден кревет, сакаат да имаат ред во животот. Оние кои со задоволство би ја прескокнале оваа навика добро се снаоѓаат во креативниот хаос. Се чувствувате корисно Доколку го наместите креветот веднаш штом ќе станете сте исполниле една задача. Поради тоа што денот сте го започнале работно може да бидете горди на себе и ќе продолжите лесно да ги завршувате сите задачи. Одраз на среќа и продуктивност Во споменатото истражување, 71 процент од луѓето кои го местат својот кревет секое утро тврди дека се среќни, бидејќи, како што велат експертите, уживаат во своите обврски, редовно вежбаат и повеќе спијат. Сакаат контрола Луѓето кои редовно го местат својот кревет по будењето сакаат да го имаат животот под контрола, а креветот е само еден детаљ во таа сложувалка.

Бенфика под истрага за местење натпревари

Ивона Петрова — Mon, 09 Jan 2023 13:15:48 +0000

Португалскиот фудбалски гигант Бенфика е под истрага за наводно местење натпревари во периодот од 2016 до 2020 година, јавија локалните медиуми. Португалската полиција почна истрага откако во јавноста излегоа информации по хакерски напади на бројни клупски фајлови. Под истрага се сите луѓе кои во тој период биле дел од раководството, како и актуелниот претседател Руи Кошта. Претседател на Бенфика во тоа време беше Луис Фелипе Виеира, додека Кошта беше втор човек во клупската хиерархија. „По објавените вести на оваа тема, можеме да потврдиме дека од 3. јануари се води истрага против клубот, против сите членови на Управниот одбор од 2016 до 2020 година, како и сите кои се дел од актуелното раководство на клубот“, соопшти Бенфика на својот официјален сајт.

Зошто сепак не треба да го местиме креветот наутро? Навика која повеќе наштетува отколку што е од корист

Ристе Здравков — Fri, 04 Feb 2022 10:43:08 +0000

Веројатно повеќето ќе кажат „да“ затоа што оваа постапка не воведува во понатамошната организација на денот. Меѓутоа, зошто да почекаме малку со средување? Топлината и влажноста се идеална средина за развој и размножување на грините, а местото каде што спиеме е идеално. Корисниците на социјалната мрежа Тик Ток често споделуваат корисни совети, а сега имаме и еден поврзан со бубачки. Доктор сподели необични факти за здравјето, а неодамна објасни зошто не треба да го местиме креветот веднаш по будењето. Тој објасни колку всушност се потиме во текот на ноќта и како тоа влијае на нашата постелнина. – Ако го наместите креветот наутро, ќе ги фатите бубачките кои се насобрале во текот на ноќта. Грините се помалку од милиметар, се хранат со лушпи од човечка кожа и напредуваат во влажна средина – објасни тој. Кога спиеме, нашите тела стануваат топли и испотени, што не прави главна цел за хранење со грини. Овие штетници можат да бидат виновни за разни алергиски реакции, а чистењето на креветот веднаш по будењето ја задржува целата влага во него и го прави идеално место за грини. – Наместо тоа, оставете го креветот малку ненаместен. Ова ги изложува грините на воздух и сончева светлина, што ги дехидрира и предизвикува нивно исчезнување – советува докторот.

@dr.karanr Stop making your bed #learnontiktok #schoolwithdrkaran #sleep #bed ♬ Steven Universe - L.Dre

Истрага за местење натпревари во белгискиот фудбал, осомничени прволигашки екипи и судии

Тале Кристо — Fri, 14 Jan 2022 19:06:18 +0000

Белгискиот фудбал се соочува со скандал од големи размери, откако Јавното обвинителство најави можни десетици обвиненија како резултат на серија истраги за повеќе недозволени активности, вклучувајќи и местење натпревари на прволигашки екипи. Вкупно 56 лица, како и една компанија, се осомничени за измама, перење пари, местење натпревари и членство во криминална организација, меѓу другите обвиненија, јавија денеска локалните медиуми. Повикувајќи се на извори од истрагата, весникот „Dernière Heure / Les Sports“ објави дека меѓу осомничените има функционери од неколку белгиски прволигашки екипи, како и фудбалски судии.

Експерти за чистење тврдат дека не треба да го наместите креветот веднаш штом ќе се разбудите, еве зошто

Магдалена Андонова — Wed, 24 Mar 2021 16:45:54 +0000

Местењето на кревет е задача што многумина од нас ја извршуваат веднаш штом ќе се разбудат, со цел да се подготват за продуктивен ден. Но, излегува дека таа навика може да биде лоша за вашето здравје. Експертите за чистење и чистачите од MattressNextDay ги открија деветте најчести митови за чистење душеци и постелнини, вклучувајќи и зошто не треба да го чистите креветот веднаш по будењето, а причината е доста загрижувачка. Како што објаснија, грините ја сакаат топлината на вашиот кревет и остануваат на него. Затоа, треба да ги тресете покривачите секое утро и да ги оставите да зрачат и да го отворите прозорецот за да се ветрее собата. Тие исто така додадоа дека постелнината треба да се мие еднаш неделно, на 60 степени, за да се убијат сите штетници и да се отстрани нечистотијата. Од друга страна, нечистотијата, потта и производите што ги ставате на кожата пред спиење може да се насоберат на навлаката за перници. Затоа, перниците треба да се чистат почесто од ќебињата - двапати неделно.

Томовски: Скандалозен тендер од 19 милиони евра на ЕЛЕМ, кој се мести да го добие фирма блиска до власта

Тале Кристо — Sat, 22 Feb 2020 10:42:09 +0000

Нови скандалозни тендери на ЕЛЕМ за РЕК и рудниците. Објавена е јавна набавка за огромни 19 милиони евра без претходно објавен технички дијалог, односно без проверка на пазарот. 19 милиони евра е голем тендер кој се договара со низа пропусти и низ процедура која отвора сомнеж дека однапред треба да го добие блиска фирма до власта, истакна на денешната прес-конференција Ивица Томовски од ВМРО-ДПМНЕ. Дополнително станува збор за јавна набавка со краток период за прибирање на понуди од само еден месец, во кој е опфатен периодот на новогодишните и божиќните празници. Заради краткиот период за подготовка на потребните документи и поднесување на понуди компаниите барале пролонгирање на рокот за поднесување на понуди за 10-20 дена, но од страна на АД ЕЛЕКТРАНИ биле дозволени само дополнителни 6 дена за поднесување на истите. Она што следи потоа, односно на 24.01.2020 година на неполни 7 дена пред крајниот рок за поднесување на понудите, АД ЕЛЕКТРАНИ направиле измена на тендерската документација и тоа во девет делови на постапката со кои се направени големи промени во техничките спецификации кои биле првично објавени, открива Томовски. Понатаму селективно е бодувањето кое се бара од најдобриот понудувач што укажува на сомнеж дека се мести тендер за блиска фирма до власта. Од вкупно 20 дела на тендерската документација само за дел 1 и дел 2 е предвидено моторот и хидрауликата да се од еден производител, што значи дека доколку не се од истиот производител понудувачот би добил 0 бодови. Доколку ова барање е битно за да се бодува квалитетот на опремата се поставува прашањето зошто истиот не е поставен и за останатите делови каде што има исто и мотор и хидраулика туку само за дел 1 и дел 2?, прашува Томовски. Симптоматично тоа е што наместо да се бара банкарска гаранција на понудата АД ЕЛЕКТРАНИ на Македонија бараат изјава за сериозност на истата. Она што заслужува посебно внимание е бараниот услов од компаниите да имаат овластен теренски сервис со сервисна служба и опрема во Република Македонија или истиот да го формираат во рок до испорака на опремата но не подоцна од 6 месеци од потпишување на договор. При тоа треба да се има во предвид дека никаде во Законот за јавни набавки не се пропишани вакви одредби за утврдување на техничката професионалност и способност на компаниите, вели тој. Јасно е дека ова е тендер од 19 милиони евра кој се мести да го добие фирма блиска до Заев и власта. Низа пропусти и скандалозни постапки фрлаат темна дамка врз целиот тендер. Затоа бараме итно поништување на тендерот и запазување на сите потребни законски процедури. Бараме да се стопира криминалот, криминалниот тендер и ограбувањето на буџетот на Република Македонија за цели 19 милиони евра, потенцираше Ивица Томовски.

Аргентинскиот тенисер Кикер прогласен за виновен за местење натпревари

Матеја Петровски — Fri, 25 May 2018 08:29:35 +0000

Аргентинскиот тенисер Николас Кикер е прогласен за виновен за местење натпревари. Дваесет и петгодишниот Кикер се обидел да намести две средби на „Челинџ“ турнири во Италија и Колумбија во 2015 година. Тој, исто така, е прогласен за виновен и затоа што не објаснил точно како го сторил делото и затао што не соработувал во истрагата. Одлуката за неговата казна ќе биде донесена дополнително, но тој привремено е дисквалификуван. Во моментов Кикер е на 84-ти на светската ранг листа, а неговата највисока позиција беше 78-мо место во јуни 2017 година. (Миа)