Месут Озил – Kurir.mk

„СИНЕ ЦЕЛ МИЛАН И ИНТЕР ЈА ПОМИНАА ТВОЈАТА ДЕВОЈКА“: Мурињо му открил пикантни детали за неа, а Озил му се налутил – денес таа е секс бомба (ФОТО)

Дарко Андоновски — Mon, 27 Mar 2023 18:31:33 +0000

Која е убавицата со која Месут Озил се забавуваше во Мадрид, а која Жозе Мурињо многу добро ја познаваше од периодот кога работеше во Интер. Германскиот фудбалер Месут Озил реши да стави крај на кариерата на средина од сезоната бидејќи му беше доста од сè. Озил е со години далеку од врвно ниво, а со заминувањето во Турција во 2021 година беше јасно дека на неговата кариера и’ се ближи крајот.

View this post on Instagram

A post shared by 𝒜𝒾𝒹𝒶 𝒴𝑒𝓈𝓅𝒾𝒸𝒶 (@aidayespica27official)

Играше за Фенербахче, па летово пристигна во Башакшехир каде беше целосно незаинтересиран и одигра помалку од 200 минути за овој клуб, но тоа не значи дека нема да ги паметиме неговите добри денови. Најдобар беше во Реал Мадрид каде играше од 2010 до 2013 година, но на крајот се пресели поради претседателот на клубот Флорентино Перез со кого прво имаше одлични односи, а потоа односите им се оладија.

View this post on Instagram

A post shared by 𝒜𝒾𝒹𝒶 𝒴𝑒𝓈𝓅𝒾𝒸𝒶 (@aidayespica27official)

Пред неколку години шпанскиот весник „Ел Конфиденсијал“ објави снимки од разговорите на Флорентино Перез, во кои се слуша дека претседателот на Реал Мадрид знаел сè за љубовниот живот на Месут Озил и не кажал ништо убаво за неговата избраничка. Тогаш Озил се забавувал со венецуелската манекенка Аида Јеспика, а тоа воопшто не му се допаднало на Перез, кој забележал дека Германецот сè послабо игра откако се заљубил во неа.

View this post on Instagram

A post shared by 𝒜𝒾𝒹𝒶 𝒴𝑒𝓈𝓅𝒾𝒸𝒶 (@aidayespica27official)

„Озил се заљуби во манекенка од Милано, а Мурињо му рекол: „Сине, целиот тим на Милан, целиот тим на Интер и целиот тренерски штаб спиеја со твојата девојка”. Мислам дека Озил раскина со неа по таа изјава. Месут имаше 21 година кога ,,фати” девојка и ја откри магијата на Мадрид па го промени својот животен стил“, изјави Перез за таа случка а може да се каже дека после тоа и Мурињо и Озил беа во конфликт бидејќи на германскиот фудбалер не му се допаѓало што Мурињо така зборува за Аида.

View this post on Instagram

A post shared by 𝒜𝒾𝒹𝒶 𝒴𝑒𝓈𝓅𝒾𝒸𝒶 (@aidayespica27official)

Месут Озил стави крај на кариерата

Дарко Андоновски — Wed, 22 Mar 2023 13:38:06 +0000

Поранешниот германски репрезентативец Месут Озил преку социјалните мрежи потврди дека решил да замине во пензија, откако за такво нешто размислуваше уште на почетокот на февруари. Озил стави крај на богатата кариера, откако последниот ангажман го имаше во Истанбул Башакшехир, а претходно играше за Арсенал, Реал Мадрид, Вердер, Фенербахче и Шалке. „Сакам да им се заблагодарам на сите тимови, како и тренери кои ме поддржуваа. Специјална благодарност и до моето семејствои моите пријатели кои беа дел од моето патување од првиот ден. Сега со нетрпение го чекам тоа што е пред мене со мојата сопруга Амине“, вели Озил.

Thank you ❤️ pic.twitter.com/Aqr4pB5SI2
— Mesut Özil (@M10) March 22, 2023

Озил го поздрави Жиру поради специфичната техника: Кој те научи на ова? (ВИДЕО)

Ристе Здравков — Mon, 05 Dec 2022 14:06:22 +0000

Месут Озил долги години му беше соиграч на Оливие Жиру во Арсенал и двајцата изградија навистина пријателски однос, што може да се види и од последната објава на поранешниот германски репрезентативец. Озил како секој фудбалски фан будно ги следи случувањата во Катар и повремено коментира дел од натпреварите на Светското првенство, а очекувано, не можеше да остане мирен по националниот рекорд кој го постави Жиру. Популарниот Оли го надмина Тјери Анри на вчерашниот натпревар против Полска истана најдобриот стрелец во историјата на француската фудбалска репрезентација со 52 гола, но она што посебно му привлече внимание на Озил беше неговата завршница. Наместо директен удар, напаѓачот се одлучи топката да ја шутне во земја и истата да добие уште поголема брзина и понезгодна траекторија, нешто што своевремено го „специјализираше“ Озил во редовите на Арсенал. – Убав гол….. кој те научи на ова брате…..

Nice goal... who taught you that bro 😂😎🔥 #FRA #YaGunnersYa #Worldcup2022 @_OlivierGiroud_ pic.twitter.com/kiydGvQ5Ii
— Mesut Özil (@M10) December 4, 2022

Озил ја продолжува кариерата во Башакшехир

Ивана Ефремовски — Thu, 14 Jul 2022 15:57:56 +0000

Поранешниот германски фудбалски репрезентативец Месут Озил (33) ќе ја продолжи кариерата во турскиот прволигаш Башакшехир, соопшти синоќа клубот од Истанбул. Озил во клубот, чиј навивач е неговиот кум и претседател на Турција, Реџеп Таип Ердоган, доаѓа без обесштетување, откако неодамна го раскина договорот со Фенербахче. Поранешниот фудбалер на Реал Мадрид и Арсенал имаше проблеми со физичката подготвеност и посветеноста на тренинзите и поради тоа од март не беше во плановите на Фенербахче. Роден во Гелзенкирхен, Озил за репрезентацијата на Германија одигра 92 натпревари и постигна 23 голови, а во 2014 година ја освои светската титула на Мундијалот во Бразил. (МИА)

Фенербахче го исклучи од екипата капитенот Озил

Тале Кристо — Thu, 24 Mar 2022 15:48:37 +0000

Третопласираниот тим во турското фудбалско првенство Фенербахче го исклучи денеска на неодредено време својот капитен Месут Озил.

Во штурото соопштение од 26 зборови, Фенербахче наведе дека против Озил и неговиот соиграч Озан Туфан се отворени постапки, пренесе Би-Би-Си.

Озил е веќе 14 месеци во Фенербахче и ја носи капитенската лента, откако минатата сезона потпиша договор на три и пол години со клубот од Истанбул.

Од почетокот на сезонава Озил постигна осум голови.

Толку беше од Фенербахче: Месут Озил пред враќање во Премиер лигата

Ристе Здравков — Fri, 22 Oct 2021 11:34:50 +0000

Поранешниот германски репрезентативец Месут Озил е блуску до враќање во Премиер лигата. Поранешниот играч на Арсенал е желба на новите сопственици на Њукасл. Тој не задоволен од животот во Истанбул и сака назад на Островот. Новите сопственици на Њукасл планираат за време на зимскиот преоден рок да потрошат околу 60 мил. фунти.

Месут Озил нов играч на Фенербахче

Тале Кристо — Sun, 24 Jan 2021 15:21:14 +0000

Фудбалерот за врска Месут Озил се приклучи на турскиот клуб Фенербахче. Поранешниот играч на Арсенал потпиша 3,5-годишен договор со истанбулскиот тим. Фенербахче објави и фотографија од Озил откако беше подложен на лекарски преглед. -Јас сум навивач на Фенербахче. Затоа, јас сум многу среќен што сум во Турција. Бог ми даде можност да играм овде. Ќе се обидам да му помогнам на тимот. Долго време не сум на теренот, но сум во добра форма, изјави Озил. Претходно беше објавено дека Арсенал ќе ја исплаќа платата на Озил во следните шест месеци. Потоа играчот ќе започне да заработува 5 милиони евра годишно во Фенербахче.

ОФИЦИЈАЛНО: Озил заминува од Арсенал

Магдалена Андонова — Sat, 16 Jan 2021 12:06:08 +0000

Најавите за можен трансфер на Месут Озил во Фенербахче се пред реализација, откако германскиот фудбалер со турско потекло постигна начелен договор со Арсенал за прекин на соработката. Лондонски „Дејли мејл“, повикувајќи се на ексклузивната информација што ја објави спортскиот портал „Атлетик“, пренесе попладнево дека Озил се согласил на предвремен прекин на договорот што истекува на крајот на сезоната. Озил има неделна плата од 350.000 фунти и Арсенал со негово предвремено заминување ќе заштеди седум милиони фунти. Поранешниот германски репрезентативец пристигна во Арсенал во 2013 година од Реал Мадрид, а сезонава нема одиграно ниту еден натпревар за „Топчиите“. Интерес да го донесат во своите редови има од турскиот прволигаш Фенербахче и екипата од американската МЛС лига ДЦ Јунјатед, а самиот Озил изминатиот период во неколку наврати најави дека сака да му се приклучи на клубот од Истанбул. (МИА)

Озил: Не жалам што играв за Германија

Ивона Петрова — Tue, 12 Jan 2021 10:56:19 +0000

Играчот за врска на Арсенал, Месут Озил не жали затоа што играл за репрезентацијата на Германија. – Секако, имам многу одлични спомени од играњето за националниот тим. Го освоивме Светското првенство во Бразил и бевме дел од големата ера на германскиот фудбал. Никогаш нема да кажам дека жалам што играв за Германија. Многу е кажано за крајот на мојата кариера во националниот тим, и не жалам за оваа одлука. Секогаш треба да продолжите понатаму во животот, изјави Озил. Играчот за врска ја напушти германската репрезентација по критиките во земјата за фотографирање со турскиот претседател Реџеп Ердоган. Тогаш Германецот со турско потекло изјави дека чувствува кон него „расистички и нефер третман.

Озил не сака да го напушти Арсенал во зимскиот трансфер прозорец

Магдалена Андонова — Wed, 16 Dec 2020 14:13:28 +0000

Еркут Согут, агент на играчот за врска на Арсенал, Месут Озил, изјави дека фудбалерот нема намера да ги напушти „топџиите“ во зимскиот преоден рок. – Срамота е што Месут не игра за Арсенал. Да, секој зборува за неговата голема плата, и јас разбирам зошто, но тука гледам неправедност, со оглед на креативноста и талентот на Озил. Многу екипи сакаат да го имаат во својот состав, но тој го почитува договорот и сака да игра за Арсенал. Месут е човек од збор, таквата лојалност ретко се среќава каде било овие времиња, истакна Согут за „Tuttomercatoweb“. Триесет и двегодишниот Германец со турско потекло, не се појави на теренот во сезоната 2020/21. Арсенал одлучи да не го стави на списокот во сите натпреварувања. Договорот на играчот „топџиите“ важи до крајот на јуни 2021 година. (МИА)