мет дејмон – Kurir.mk

Бен Афлек и Мет Дејмон ги израдуваа фановите, покажаа какви се како пријатели и соработници во своите 50-ти години

Ивана Ефремовски — Mon, 20 Mar 2023 18:54:19 +0000

Со годините, Бен Афлек и Мет Дејмон, се чини, се сè поблиски пријатели и соработници, а сега најавија и еден готов и снимање нов филм.

Двоецот повторно се обедини заради нивниот нов филм „Воздух“ (Air), што ја раскажува приказната за тоа како „Најки“ изгради империја врз основа на чевелот наречен по НБА-кошаркарот Мајкл Џордан. Покрај Бен и Мет, во филмот глумат и Џејсон Бејтмен, Вајола Дејвис, Крис Такер, Крис Месина, Џеј Мор, Марлон Вејанс. Сценариото е на Алекс Конвери, а Афлек ќе ја има и улогата на режисер. Просечната оценка за филмот на ИМДБ, засега, е 8,9 / 10. - Тоа беше една од работите што сакавме да ја направиме. Некако, не се дружиме и не минуваме повеќе време заедно како порано, а успеавме да останеме пријатели цело време, рече 50-годишниот Афлек во новото интервју за Си-би-ес. На тоа, Дејмон (52), се пошегува дека сега и двајцата се во шестото десетлетие од својот живот, па „може да го видат крајот на тунелот“. Динамичните двајца глумци и продуценти израснаа заедно во Кембриџ, Масачусетс, и заедно поминаа десетлетија како филмаџии во Холивуд. Во 1997 година со „Добриот Вил Хантинг“ освоија „Оскар“ за најдобро оригинално сценарио. - Март '98-ма, имав 25 години... Се гледам себе и размислувам - имам уште многу да учам. Знаеш, тоа е проклетството да имаш 25 години - мислиш дека сè имаш сфатено, вели Афлек. Тој, исто така, го сподели задоволството од новата работа со неговата сопруга, Џенифер Лопез, која ќе се појави во „Незапирливи“ (Unstoppable). Филмот чие снимање допрва претстои, е за Ентони Роблс, американски борач роден со една нога. Дејмон и Афлек ќе бидат продуценти. (МИА)

Мет Дејмон продаде имот во Лос Анџелес за 18 милиони долари

Ивона Петрова — Tue, 23 Nov 2021 09:33:51 +0000

Американскиот глумец Мет Дејмон ја продаде својата луксузна вила во Лос Анџелес за 18 милиони долари. Тој својата резиденција во населбата Пацифик Палисејдс ја стави на пазарот во јануари, за 21 милион долари, а вилата беше продадена за три милиони помалку од првично бараната цена. Зданието од 13.508 квадратни метри се наоѓа на една од најпосакуваните улици во оваа област, а има седум спални соби и 10 бањи. Внатрешноста се одликува со мешавина на материјали вклучувајќи природен камен и дрво, како и со средиштен атриум постојано исполнет со светлина, со сводови високи 35 метри. Куќата е опкружена со бујно зеленило и е еден од најголемите имоти во соседството. Дневната соба и трпезаријата се пространи и опкружени со прозорци и стаклени ѕидови, што овозможува огромна природна светлина. Основниот апартман има приватна тераса, двоен гардеробер, соба за масажа, спа и пространа туш-кабина. Внатрешноста вклучува и бар, канцеларија, вежбалница, соби за персоналот, винарска визба и соба за дегустација. Надвор има простран двор, детски простор за играње, голем базен и спа-центар, вештачки водопад и езерце.

Мет Дејмон: За вакцините, верувајте ѝ на науката, не на Фејсбук

Ивана Ефремовски — Thu, 22 Jul 2021 09:46:09 +0000

Американскиот глумец Мет Дејмон повторно повика на борба против корона-пандемијата, а како едно од најефикасните оружја ја наведе вакцината. -Тешко ми е, имам неколку пријатели кои се имунокомпромитирани и не можат да се вакцинираат, така што немаат друг избор освен да се потпрат на нас останатите да си ја одработиме својата улога за да стигнеме до имунитетот на народот („толпата“). Така јас гледам на тоа. Би сакал да излезе овој народ и да рече: „Видете, ако сите го сториме ова, тогаш ќе се заштитиме едни со други подобро“, отколку – „Па, јас не сум во оваа група и не мора да се грижам оти нема да ме повреди толку многу“. Само е треба да велиме „јас“, туку „ние“, вели ѕвездата на филмот „Зараза“ (Contagion) од пред 10 години, кој многу потсеќа на денешната реалност. Глумецот натаму вели дека Америка е слободна земја и секој одлучува за себеси, но и советува: - Верувајте ѝ на науката повеќе отколку она што го читате на Фејсбук. Во мигов, глумецот е актуелен со трилерот „Мирен како водата“ (Stillwater). (МИА)

Мет Дејмон „заглавен“ во Ирска, локалните жители пресреќни

Ивана Ефремовски — Thu, 16 Apr 2020 13:00:43 +0000

Холивудската ѕвезда Мет Дејмон деновиве се наоѓа во ирското гратче Далки, каде што постојано се дружи со околните жители кои, според нивните коментари – го засакале како свој. „Мет Дејмон е заглавен во Далки со недели. Снимањето на неговиот филм е ставено во мирување, па тој е во изолација со своите кучиња“, гласи еден коментар на Твитер. Глумецот, инаку го снимаше последниот филм на Ридли Скот – „The Last Fuel“ пред 27 март, кога подрачјето беше затворено поради мерките против коронавирусот. (МИА)

Мет Дејмон и Бен Афлек со нов заеднички проект: „Последниот двобој“

Ивана Ефремовски — Tue, 23 Jul 2019 10:17:15 +0000

По филмот „Добриот Вил Хантинг“, за кој добија „Оскар“ за најдобро сценарио, глумците Мет Дејмон и Бен Афлек повторно ќе снимаат заеднички проект. Овојпат тие ќе бидат ѕвезди на новиот филм „Последниот двобој“. Приказната е за двајца воини од Франција во 14. век, продуцирана и режирана од сер Ридли Скот. Станува збор за адаптација на книгата на Ерик Јагер „Последниот двобој: Вистинска приказна за злосторство, скандал и искушение во битките на средновековна Франција“.

Бен (46) и Мет (48), ќе ги глумат главните улоги, ќе го работат сценариото и ќе го продуцираат филмот преку својата продуцентска компанија „Перл стрит филмс“.

Ова ќе биде првиот филмски проект во кој Мет и Бен ќе глумат заедно, но и ќе го пишуваат сценариото по оскаровскиот „Добриот Вил Хантинг“ од 1997 година.

Тага во семејството на Мет Дејмон

Ивона Петрова — Mon, 25 Dec 2017 09:18:51 +0000

Кент Дејмон (74) починал на 14 декември по долгата битка со ракот. За тешката дијагноза дознале пред осум години, а по само неколку месеци состојбата знаќително му се влошила. -Мојот татко е многу болен. Молете се за него, рекол Мет Дејмон на почетокот на овој месец. Инаку, холивудскиот катер бил многу поврзан со својот татко. За да биде со него тој не се појавил ниту на промоцијата на филмот „Downsizing“ во кој ја игра главната улога. -Изгубил многу пријатели поради таа лоша болест, но никогаш не мислев дека мојот татко кој трчаше маратон може да заболи од истата, изјавил актерот. Кент често го фалел својот син велејќи дека е добар сопруг и грижлив татко.