метадон – Kurir.mk

Фатени на дело како користат метадон во Струга

Ивана Ефремовски — Wed, 13 Apr 2022 18:31:04 +0000

На 12.04.2022 околу 09:00 часот во ОВР Струга приведени се С.М.(37) и Б.К.(42), двајцата од Струга. При претходно извршен преглед кај месноста „Сатеска“, полициските службеници ги затекнале при користење метадон и кај нив пронашле шприц со метадон. Против нив ќе биде поднесена соодветна пријава.

Кривични пријави за двајца млади кичевчани, полицијата ги затекната во „Опел Астра“ со метадон

Магдалена Андонова — Thu, 10 Feb 2022 16:00:26 +0000

ОВР Кичево поднесе кривична пријава против Д.М.(25) и А.К.(27), двајцата од Кичево, поради постоење основи на сомнение за сторено кривично дело „овозможување употреба на наркотични дроги“. Двајцата биле затекнати во патничко возило „опел астра“, а кај нив полициските службеници пронашле и одзеле метадон.

Поради метадон: Приведени две лица од Пробиштип

Ивана Ефремовски — Wed, 08 Dec 2021 17:49:56 +0000

На 07.12.2021 во 10:15 часот на ул.„Миро Барага“ во Пробиштип, полициски службеници од Полициската станица Пробиштип ги лишиле од слобода И.Ј.(38) и Д.М.(33), двајцата од Пробиштип, затоа што кај нив биле пронајдени и одземени шишиња со метадон. Тие биле приведени во полициска станица и по целосно документирање на случајот против нив ќе биде поднесена соодветна пријава.

Во багажот имал шишиња со метадон, кривична за штипјанец

Ивана Ефремовски — Thu, 28 Oct 2021 16:46:32 +0000

СВР Скопје – Единица за недозволена трговија поднесе кривична пријава против А.П.(33) од Штип, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 28.09.2021, полициски службеници извршиле преглед во патничко возило „сеат“, управувано од пријавениот, при што во багажниот простор биле пронајдени и одземени поголем број шишиња со метадон.

Штипјанец под истрага за илегална трговија со метадон во Скопје

Катерина Бојаџиева — Thu, 30 Sep 2021 13:26:52 +0000

Основното јавно обвинителство Скопје донесе Наредба за спроведување истражна постапка против 33-годишен жител на Штип за кого постои основано сомнение дека го сторил кривичното дело – Неовластено производство и пуштање во промет наркотични дроги, психотропни супстанции и прекурсори согласно член 215 став 1 од Кривичниот законик. Во патничко моторно возило Сеат толедо со штипски регистарски ознаки, кое осомничениот го управувал на улицата „Петар Георгиев“ во Скопје, полициски службеници пронашле 30 оригинални шишенца метадон со вкупен волумен од 300 милилитри. Синтетичкиот опијат кој е контролиран како опојна дрога бил скриен во просторот за резервна гума во багажот на автомобилот. Јавниот обвинител до судијата на претходна постапка од Основниот кривичен суд Скопје достави предлог за опртеделување мерка притвор за осомниченото лице, бидејќи постојат околности кои укажуваат дека би можел да се даде во бегство или да го повтори делото.

Скопјанец продавал метадон и ампули диезепам, сега ќе оди во притвор

Ивана Ефремовски — Fri, 26 Mar 2021 12:26:00 +0000

Основното јавно обвинителство Скопје донесе Наредба за спроведување истражна постапка против едно лице за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничениот, на 25 март, во својот дом на улицата „Ордан Чопела“ во Гази Баба неовластено заради продажба држел 97 шишенца метадон со вкупен волумен од 970 мл, како и 980 фабрички ампули психотропна супстанција – инјекционен раствор на диазепам со вкупен волумен од 1.960 мл. Поради опасност од бегство и можност да го повтори делото, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот 47-годишник.

Трагедија: Млад Германец пронајден мртов во Скопје, познат e неговиот идентитет и што правел пред да умре

Ивана Ефремовски — Tue, 02 Apr 2019 13:55:31 +0000

На 01.04.2019 во 18:22 часот во СВР Скопје, од Итна медицинска помош било пријавено дека во хангар на улица „Димче Мирчев“ во Скопје имало починат маж. Екипа на Итна медицинска помош констатирала смрт без траги на насилство и било утврдено дека се работи за лицето П.М.К.(30) од СР Германија, кој претходно таму бил со Д.К.(29) и користеле метадон. По наредба на јавен обвинител, телото на починатиот било дадено на обдукција.