метадонска терапија – Kurir.mk

Метадонска терапија и пари украдени во близина на болницата во Куманово

Ивана Ефремовски — Sat, 17 Jun 2023 19:28:14 +0000

На 16.06.2023 во 11.40 часот во Полициска станица Куманово Е.С.(44) од Куманово пријавил дека околу 08,00 часот во близина на Општа болница Куманово бил физички нападнат со тврд предмет од У.З., кој му одземал метадонска терапија и пари. Се преземаат мерки за расчистување на случајот.

Граѓаните од Ченто на нозе: Нема да дозволат зависиците да се лекуваат во нивната населба

Ивана Ефремовски — Sat, 27 Jul 2019 09:54:18 +0000

Откако граѓаните на општина Аеродром кажаа гласно НЕ за зависниците да примаат терапија во „Јане Сандански“, денес се кренаа на нозе и граѓаните на населба Ченто. Тие излегоа на протест по најавата на министерот за здравство Венко Филипче, дека дел од зависниците од Кисела Вода ќе завршат во нивната населба. Инаку, пациентите кои се вклучени во програмата за третман и превенција на зависности ќе можат да добиваат метадон на пет локации кои им се најблиску до местото на живеење, односно во поликлиниката во населбата Ченто, во поликлиниката „Јане Сандански“, во Психијатриска болница-Скопје, на веќе познатата локација во општина Кисела Вода и во Градската општа болница „8 Септември“. По повеќегодишниот отпор од граѓаните на Кисела Вода и цврстото НЕ од оние од Гази Баба, Министерството за здравство најде ново решение. Зависниците ќе ги распредели во други општини. Стравот кој го имаа родителите од Кисела Вода и Гази Баба, сега оди на терет на граѓаните од Аеродром, Ченто и Карпош. Министерот за здравство потврди дека со дисперзијата што ја прават, во Центарот за зависности во Кисела Вода ќе останат само мал број на корисници на метадон и не очекуваат проблеми со локалното население. Граѓаните од Ченто велат дека ова е само првиот чекор во нивната битка да не дозволат зависици да се лекуваат на исто место со нивните деца.

Жителите на Ченто во сабота излегуваат на протест

Ивона Петрова — Wed, 24 Jul 2019 07:03:20 +0000

Жителите на скопската населба Ченто најавуваат протест за во сабота. Како што е најавено во креираниот настан на социјалните мрежи, жителите не се согласуваат со одлуката за давање метадонска терапија во поликлиниката во оваа населба. -Во сабота во 11:00 часот ќе се оддржи граѓански протес против одлуката на Министерството за Здравство, за давање на метадонска терапија во Поликлиника Ченто. Протестот ќе се одржи пред влезот поликлиникат, стои во објавата.