Во Мексико од илегални пијалоци на база на метанол починаа 18 лица

Тале Кристо — Tue, 09 Jun 2020 12:47:04 +0000

Уште десет лица во Мексико починаа како резултат на труење откако конзумирале фалсификувани пијалоци направени на база на метанол, со што бројот на смртни случаи се зголеми на 18, потврдија надлежните органи. Властите во државата Гуреро на југот на Мексико соопштија дека 18 лица починале во планинската населба Тапа де Комонфорт, откако конзумирале пијалок сличен на текила од непознати производители. Поради симптоми на труење, хоспитализирани се 16 лица, а четворица се во критична состојба. Властите во оваа држава објавија дека пијалокот е означен како „дестилирана агава“, а од ова растение, слично на кактус, се добиваат текила и мескал. Од фалсификувани алкохолни пијалоци починаа стотина лица во Мексико од почетокот на пандемијата на коронавирусот, кога многу градови забранија легална продажба на алкохолни пијалоци.

Иран: Починаа над 700 луѓе, од коронавирус се лекувале со метанол

Ивона Петрова — Tue, 28 Apr 2020 05:54:28 +0000

Повеќе од 700 луѓе починаа во Иран од труење со метанол, за што погрешно мислеле дека лекува од Ковид-19, соопшти иранското Министерство за здравство. Советникот во Министерството, Хосеин Хасаниан изјави дека бројот на починати од труење со метанол е поголем, бидејќи дел од жртвите починале во своите домови, а не во болница. – Околу 200 луѓе починаа надвор од болниците, посочи Хасаниан. Според иранското Министерство за здравство во периодот од 20 февруари до 7 април починале 728 луѓе од труење со алкохол, додека нивниот број минатата година изнесувал – 66.

метанол – Kurir.mk

Во Мексико од илегални пијалоци на база на метанол починаа 18 лица

Иран: Починаа над 700 луѓе, од коронавирус се лекувале со метанол