метеорит – Kurir.mk

Метеорит го осветли небото над Турција

Ристе Здравков — Sun, 03 Sep 2023 15:03:20 +0000

Несекојдневна случка доцна синоќа беше снимена над небото над Турција. Метеорит влета во горните слоеви од атмосферата при што накратко го осветли целото небо. Настанот се случил синоќа, а снимките се направени од градот Ерзурум и покраината Гумушане во источна Турција. На една од снимките може да се забележи траекторијата на движење по која поминува светлечката топка притоа исфрлајќи силна зелена светлина. Дел од светските експерти објаснуваат дека телото влетало во горните делови од атмосферата на Земјата, а поради големото триење се загреало и притоа се ослободила силна светлина.

Французинка погодена од метеорит на својата тераса

Ивона Петрова — Wed, 19 Jul 2023 07:48:48 +0000

Жена, на почетокот на овој месец, додека седела на својата тераса пиејќи кафе, на североистокот на Франција доживеала несреќа, кога ја погодил метеорит со големина на пинг-понг топче. Случаите во коишто метеорити удираат во луѓе се исклучително ретки, но една Французинка се најде меѓу нив откако метеорит ја погодил кај ребрата. Таа, како што раскажува прво слушнала звук на покривот, а потоа и удар во ребрата. Сепак, се работи за мало парче камен што се одбило од кровот и завршило кај жената, па предизвикало само модринки. - Мислев дека е некое животно - како лилјак, или пак, парче цемент, вели таа. Немала други повреди. Камчето потоа таа го однела кај геологот д-р Тиери Ребман, кој преку анализа утврдил дека се работи за карпа со вонземско потекло. Во Франција во 21. век се забележани пет случаи поврзани со луѓе погодени од метеорит. Според „Нејшнал џиографик“ (National Geographic), Ен Хоџис е првата потврдена и официјално документирана личност во историјата која била погодена од метеорит и преживеала. Тоа се случило во 1954 година, кога црно парче карпа со ширина од 10-на цм го продупчила таванот и ја погодила жената која се здобила само со една голема модринка.

ФОТО: Семејство во шок – Метеорит им паднал во куќата, го пробил покривот и завршил во спалната соба

Ивона Петрова — Tue, 16 May 2023 09:27:15 +0000

Семејство од Њу Џерси вели дека е во шок откако метеорит им го пробил покривот. Кристин Лојд вели дека метеоритот завршил на подот од семејната куќа на нејзиниот татко во градот Хоупвел. Метеоритот го пробил покривот, поминал низ таванот и завршил на подот. Но, тоа не било крајот на неговата траекторија, додава тој, бидејќи метеоритот се одбил и повторно удрил во таванот, завршувајќи на второто место на подот. Парчето кое „патувало“ низ нивниот семеен дом е со големина од 10 до 15 сантиметри. Факултетот за наука на Универзитетот во Њу Џерси потврди дека делот дошол од вселената. -Возбудени сме што можеме да потврдиме дека објектот е вистински хондрит метеорит, рече шефот на одделот за физика Нејт Меги. Семејството вели дека во моментот на ударот во куќата немало никој.

ВИДЕО: Метеорит влезе во атмосферата и го осветли небото над Ла Манш

Тале Кристо — Mon, 13 Feb 2023 07:37:14 +0000

Мал метеорит утринава влезе во атмосферата на Земјата и можеше да се види како го осветлува небото над Ла Манш, наликувајќи на ѕвезда којашто паѓа. Метеоритот, инаку голем околу еден метар, е виден утрово нешто пред 03:00 часот по средноевропско време. Сѐ тоа најјасно можеше да се во јужна Англија и северна Франција. Паднатото вселенско тело е наречено „Сар 2667“.

ВИДЕО: Метеорит снимен во пад над Хрватска

Дарко Андоновски — Wed, 25 Aug 2021 11:49:37 +0000

Метеорит падна во реон околу градот Риека, во Хрватска, ноќта на 14 август, а стручњаците од Хрватското астрономско здружение проценуваат дека грутка од околу 150 грама завршила на земјата. Сепак, нема можности да се побара тоа, зашто областа е непроодна и опасна. Огнената топка е снимена од камерите на Хрватската метеорска мрежа, но и Глобалната метеорска мрежа која има станици во Италија и Словенија, па дури и од Прага. „Во својот најголем отсјај, огнената топка беше над Риека и беше светла како полна Месечина. Светлечката топка го започна својот лет… над Средна Европа на висина од 92,7 километри со брзина од 13 километри во секунда и заврши на висина од 23,2 километри по околу 8 секунди“, соопшти Здружението. Според пресметките, при самиот пад останале околу 150 грама метеорит што сега е некаде во планините југоисточно од Риека, на непроодно подрачје. Потрага по каменот од Вселената нема да биде организирана. – Не може да процениме колку би вредело ова на пазарот, бидејќи не знаеме од каков материјал е направено. Затоа треба да се најде, рече генералниот секретар на Здружението, Доријан Божичевиќ. Најевтините метеори обично вредат неколку евроценти за грам. Највредни се грутките од Марс, кои се и најретки.

ВИДЕО: Возеле по пат, па одеднаш ноќта се претворила во ден- огнена топка го осветли небото

Предраг Кукиќ — Mon, 19 Aug 2019 09:50:30 +0000

Мештаните на Сардинија ги изненадила голема огнена топка која изненадно се појавила на небото. Необичната глетка била снимена со камерата на еден возач. Станува збот за метеорит кој при поминувањето низ атмосферата „го запалил“ небото, а феноменот можел да се види од неколку места долж Медитеранот. Опсерваторијата на Ибица поради оваа глетка примила дури 55 повици. Метеоритот е парче карпа, комета или планетоид кој од универзумот паѓа на Земјата.

Gracias a @RedSpmn por su ayuda para darle forma a nuestra estación de vídeo detección de bólidos, a Albert por el aviso, y a todos los que forman parte del grupo de bólidos de @IbizaAstronomia AAE, porque el proyecto ya es una realidad y está dando sus frutos. #bólido #meteoro pic.twitter.com/AXRkV4zewx
— AAE (@IbizaAstronomia) August 17, 2019

ФОТО: Метеорит со големина на фудбалска топка падна во Индија

Ивона Петрова — Fri, 26 Jul 2019 08:54:23 +0000

Објект за кој се верува дека е метеорит со големина на фудбалска топка падна во оризово поле во источниот дел на Индија и ги вознемири локалните земјоделци, соопштија денеска локалните власти. Очевидци велат дека избегале од нивата кога објектот паднал во подрачјето на нивното село, после што почнал да излегува чад. – Земјоделците работеле во поле во моментот кога оваа тешка карпа паднала од небото со многу силна бучава, изјави Ширсат Капил Ашок, окружен судија во државата Бихар. Селаните се вратиле кога се расчистил чадот и ја извлекле карпата од кратер кој бил длабок 1,5 метри. – Утврдивме дека има многу силно магнетно дејство, дека светка и тежи околу 15 килограми, рече Ашок. Објектот ќе го анализираат научници за да утврдат дали се работи за метеорит. Метеорите се честички прашина или карпи кои обично согоруваат кога поминуваат низ Земјината атмосфера, а оние кои ќе паднат на површината се нарекуваат метеорити. МИА

(ВИДЕО) Огромен метеорит паднал во Русија и го блокирал коритото на река

Предраг Кукиќ — Mon, 24 Dec 2018 15:22:01 +0000

Огромен метеорит паднал пред неколку дена во реонот на Хабаровск во Русија. Метеоритот паднал среде коритото на реката Буреја, на околу 70 км од најблиското село Чекунда и го блокирал течението. Властите не исклучуваат воведување на режим за вонредни ситуации, изјавил раководителот на тој регион, Андреј Маслов. „Очигледно е дека метеоритот бил огромен, штом го блоирал коритото на реката во должина од околу 40 метри. На тоа место се испратени две екипи, една од нашиот реон, друга од Амурската област. Имаат сателитски телефони и радиометри за да го измерат нивото на радијација. Неколку дена бевме известувани дека притокот на реката е намален, но не можеше да се определи причината з атоа. Се надевам дека бргу ќе имаме информации од групите на терен, рекол Маслов. Постои опасност нивото на реката да се зголеми и со тоа водата да поплави некои села, поради што би била објавена вонредна ситуација. На нтернет се публикувани и снимки од местото. Според авторот на видеот метеоритот образувал гигантски кратер.

Три децении користела метеорит како потпирач за врата

Предраг Кукиќ — Tue, 09 Oct 2018 09:01:14 +0000

Професорка по геологија од Универзитетот на Мичиген, Монализа Сиберску открила дека еден локален жител над 30 години како држач за врата користел камен тежок десетина килограми, кој всушност бил метеорит чија вредност може да достигне и до 100.000 долари. - Ова е највредниот предмет кој кога било сум го држела в рака, како во парична, така и во научна смисла, изјави Сиберску. Како што објави „Хафингтон Пост“, сопственикот на метеоритот, кој претпочитал да остане анонимен, и рекол на професорката дека каменот го нашол во 1988 година на својата фарма во градот Едмор во американската сојузна држава Мичиген. (МИА)

Со карпа потпирал врата во домот 30 години: Не бил ни свесен дека тоа парче е нешто сосема друго и чини 100.000 долари (ВИДЕО)

Ивана Ефремовски — Fri, 05 Oct 2018 18:24:53 +0000

Карпа од 22 килограми што со децении служела за потпирање врата во Мичиген се покажа дека е метеорит вреден 100.000 долари, објави Централниот универзитет во Мичиген. Мона Сирбеску, професор по геологија на ЦМУ, постојано е замолувана од луѓе да ги испита карпите што ги носат кај неа, но досега ниту една не била карпа од вселената. За изминативе 18 години, според неа, за ниту една од карпите не било потврдено дека е метеорит. Но, сето тоа се сменило кога била замолена да ја испита неверојатно обликуваната голема карпа што еден човек од Мичиген, кој не сакал да биде именуван, ја чувал изминативе 30 години. -Можам веднаш да кажам дека ова е нешто посебно, рече Сирбеску. По тестирањето, таа утврдила дека станува збор за метеорит што се состои од 88,5% железо и 11,5% никел. Со тежина од 22 килограми, тоа е шестото најголемо снимено откритие во Мичиген – чија потенцијална вредност е 100 000 долари. -Тоа е највредниот примерок што некогаш сум го држела во рацете – и според паричната, но и научната вредност, рече Сирбеску. За двојна верификација, парче од карпата е испратено до Смитсонијан институтот во Вашингтон, каде што беше потврдено дека е всушност метеорит.