Метју Милер – Kurir.mk

Милер: Во конфликтот помеѓу Израел и Хамас загинаа девет државјани на САД

Катерина Бојаџиева — Mon, 09 Oct 2023 13:19:39 +0000

САД денеска потврдија дека девет американски државјани загинаа во војната конфликтот помеѓу Израел и Хамас. - Во овој момент можеме да ја потврдиме смртта на девет американски државјани, изјави портпаролот на Стејт департментот, Метју Милер. Тој додаде дека има и американски државјани кои се водат како исчезнати и оти Вашингтон соработува со Израел за нивно пронаоѓање.

Милер: Кинеското поттикнување граѓаните да се шпионираат едни со други предизвикува загриженост

Тале Кристо — Thu, 03 Aug 2023 07:10:18 +0000

Американскиот Стејт департмент ги критикуваше најавите на кинеското Министерство за државна безбедност заради усвојувањето на новите мерки во борбата против шпионажата, оценувајќи дека со тоа Пекинг поттикнува контрашпионажа меѓу граѓаните. -Поттикнувањето на граѓаните да се шпионираат едни со други предизвикува голема загриженост, изјави портпаролот на Стејт департментот Метју Милер, откако кинеското министерство неделава претходно соопшти дека има воспоставено систем за масовно учество во борбата против шпионажата, јавија британските медиуми. Кинеското министерство, што се занимава со странските разузнавачки служби и контрашпионажа, во својата прва објава на својот профил WeChat соопшти дека Кина треба да ги охрабри своите граѓани да се приклучат на напорите против шпионажата. Ова подразбира создавање телефонски линии за поединци да пријават сомнителна активност. „Работата за контрашпионажата бара мобилизација на сите делови од општеството, што, исто така, комбинира отворена работа и тајна работа, како и специјализирана работа“, пишува весникот „Пекинг Глобал Тајмс“, цитирајќи ја деталната изјава на кинеското Министерство за државна безбедност, јави агенцијата Анадолија. „Сите државни органи и вооружени сили, сите политички партии и сите народни групи, компании и други општествени организации имаат обврска да ги спречат и запрат шпионските активности и да ја одржуваат националната безбедност“, се додава во изменетиот закон за контрашпионажа. Британските медиуми додаваат дека се планира и за ова граѓаните да бидат пофалени и наградени.

Стејт департмент: Приемот на Украина во НАТО за време на воени дејствија би значело војна меѓу САД и Русија

Тале Кристо — Wed, 12 Jul 2023 15:10:37 +0000

Нема да се случи прием на Украина во НАТО за време на воени дејствија, бидејќи тоа би значело војна меѓу САД и Русија, изјави синоќа на редовниот брифинг портпаролот на Стејт департментот Метју Милер. -Приемот на Украина во НАТО би бил несоодветен сега кога таа се наоѓа во состојба на војна, тоа би значело вовлекување на САД во војна со Русија. Претседателот Бајден уште на самиот почеток даде до знаење дека додека тој раководи (со администрацијата на САД), тоа нема да се случи, изјави Милер. Додаде дека САД се одговорни пред Украина. -Самата Украина покажа дека спроведува реформи... САД и понатаму ќе даваат помош (на Киев) во сферата на безбедноста, што му е потребна да извојува победа. Тоа е задача број еден и најважна од што и да било, изјави Милер. Милер додаде дека откако Украина ќе го обнови својот одбранбен сектор, за обезбедување долгорочен ефект на задржување (на Русија), САД потоа ќе ги разгледуваат реформите што Киев треба да ги направи не само со САД туку и со другите земји членки на НАТО а со цел да стане полноправна членка на Алијансата.