метју палмер – Kurir.mk

Палмер: Владата на Заев подобро да се справува со корупцијата

Катерина Бојаџиева — Tue, 30 Mar 2021 18:36:33 +0000

Заменик-помошникот државен секретар на САД, Метју Палмер, изјави дека Соединетите држави очекуваат македонската Влада подобро да се справи со корупцијата, од што ќе зависи дали НАТО членките ќе инвестираат во државата или не, а во однос на членството во Европската унија (ЕУ), дека меѓувладината седница треба да се одржи што побргу. -Колку подобро Владата се справи со корупцијата, толку повеќе овој пороблем ќе го стави под контрола, и повеќе други држави, вклучувајќи и НАТО сојузници, ќе гледаат на Северна Македонија како место во кое ќе сакаат да инвестираат, ќе веруваат дека договорите ќе се почитуваат, каде нема да бидат подмитувани, и каде ќе имаат разумен повраток од инвестицијата во средина во која има предвидливост, вкучително и во делот на судството, рече Палмер за „Гласот на Америка“. Палмер повтори дека е неопходно итно да се одржи Меѓувладината конференција за почеток на преговори со Европската Унија, апелирајќи уште еднаш спорот со Бугарија да се решава на билатерален начин. „Чувствуваме момент на итност. Сметаме дека Северна Македонија и Албанија ја заслужија Меѓувладината конференција, формалното отворање на пристапните преговори. Многу сакаме да видиме тоа да биде договорено оваа година. Сакаме препреките да ги видиме отстранети. Двете држави заршија тешка работа, ја завршија нивната домашна задача и ги направија неопходните реформи. Одржете ја Меѓувладината конференција и ставете го овој процес цврсто на пат“. На прашањето како ги коментира заканите од Бугарија со безбедносни служби да ги средува наводните проблеми на бугарската дијаспора во државата, Палмер за „Гласот на Америка“ одговори: -Она што сакаме да го видиме е Северна Македонија и Бугарија преку дијалог да ги решат прашањата во билатералните односи, да ги држат тие проблеми надвор од мултилатерални формати, вклучувајќи го НАТО, и конкретно сега Европската Унија. Сигурно никој не сака да види еден НАТО сојузник, НАТО партнер да му се заканува на друг.

Мицкоски: Имав пријателски разговор со Палмер за пописот и блокадата од Бугарија кон ЕУ која е хегемонистичка

Катерина Бојаџиева — Fri, 26 Mar 2021 17:56:36 +0000

Во вечерашното издание на дебатната емисија „Што не е јасно“ на ТВ Алфа гостуваше претседателот на ВМРО-ДПМНЕ, Христијан Мицкоски кој се осврна на моменталната политичка ситуација во земјата, лошите владини политики и мерки во однос на здравствената криза, како и на чекорите кои ВМРО-ДПМНЕ ќе ги превземе во наредниот период. Мицкоски посочи дека денес остварил телефонски контакт со г. Метју Палмер, со кој требало да се слушнат уште пред пандемијата и овие мрачни времиња, но поради здравствената ситуација на Мицкоски тој разговор се случил денеска. Тој даде дека разговорот бил плоден и во истиот биле опфатени теми во врска со национални прашања, ковид механизмите и се она кое што ги засега граѓаните, „Денес остварив еден пријателски разговор со г. Палмер. Во однос на политичките проблеми со кои се соочува Република Македонија, Палмер потенцираше дека САД ќе остане поддржувач на Република Македонија, сега уште повеќе поради заедничкото присуство во НАТО пактот. Позборувавме во однос на пописот кој власта сака да го спроведе во Македонија и можам да кажам дека се согласивме дека пописот е неопходен и потребен, но не сега и во ова време. Ги кажав моите ставови и ставовите на ВМРО-ДПМНЕ во однос на пописот, како и ставот во однос на корупцијата и криминалот кои власта ги форсира во општеството“, истакна Мицкоски. -Се разговараше и во однос на блокадите од Бугарија кон ЕУ, кои што се рефлектираат на европскиот пат на Република Македонија. Се согласивме дека Република Македонија отстапи од многу работи, за кои можеби и не требаше ни да разговара, а тоа не наиде на поздрав од ЕУ, односно Република Македонија не почувствува бенефит од тоа, заврши Мицкоски.

Телефонски разговор Мицкоски- Палмер: Потврдено стратешкото пријателство со САД и посветеноста во исполнување на агендата поврзана со НАТО

Катерина Бојаџиева — Fri, 26 Mar 2021 17:29:12 +0000

Претседателот на ВМРО-ДПМНЕ, Христијан Мицкоски оствари телефонски разговор со заменик помошник државниот секретар на САД за Европа и Евроазија, Метју Палмер, при што се разговараше за актуелните политички и општествени случувања во земјава, како и исполнувањето на стратешките приоритети, информираат од партијата. -Во разговорот беше потврдено стратешкото пријателство со САД, и посветеноста во исполнување на агендата поврзана со НАТО Алијансата и исполнување на потребните демократски вредности. Од страна на претседателот Мицкоски беше истакната потребата за почитување на принципите за владеење на правото и правната држава, како и неопходноста од реформи кои ќе значат одлучна борба против криминалот и корупцијата. Воедно беше истакната потребата од дијалог на највисоко ниво за клучните прашања важни за граѓаните и заедничкиот напредок. Во разговорот од страна на Мицкоски беше посочено дека потребни се квалитетни решенија за престојниот попис на населението, како и конечен договор со источниот сосед, кој нема да опфати било какви национални и идентитетски отстапки, а нашиот источен сосед ќе подржи одржување на меѓувладина конференција, без дополнителни условувања, а билатералните прашања да се решаваат надвор од процесот на интеграција на Македонија во ЕУ, дтои во партиското соопштение. За телефонскиот разговор со Палмер информираше и Мицкоски на Фејсбук. И од Амбасадата на САД во Скопје информираа на Фејбук за телефонскиот разговор Мицкоски- Палмер.

Палмер: САД и ЕУ работат на тоа Западен Балкан да стане дел од ЕУ

Ристе Здравков — Wed, 29 Jul 2020 19:01:36 +0000

Вашингтон, 29 јули 2020 () САД и ЕУ тесно се координираат и работат за влез на регионот во унијата но и на меѓусебна интеграција на земјите од Западен Балкан преку таканаречаната иницијатива „мини Шенген“. Ова денеска на самитот на Западнобалканската шесторка организиран од Атлантскиот совет го истакна Метју Палмер, специјален претставник на Стејт департмент за Западен Балкан. –Земјите од регионот ги гледаме како членки на унијата.кои прават реформи неопходни за да ја постигнаат таа цел, истакна Палмер. Додаде дека САД и ЕУ соработуваат тесно во таа насока наведувајќи неколку примери. -Работиме на тоа Северна Македонија и Албанија да ги испорачаат неопходните реформи за да се убеди Европскиот совет да ги отвори преговорите за членство на двете земји во ЕУ, изјави Палмер. Го наведе и договорот склучен на 5 јуни во Албанија за изборни реформи во земјата, како плод на партнерството меѓу САД и ЕУ, но и договорот во Мостар, БиХ, за првите општински избори во тој град после многу години. ЕУ и САД работа на дијалог меѓу Косово и Србија за нормализација на односите меѓу двете земји со ангажман на Мирослав Лајчак, специјален претставник на ЕУ во дијалогот ПриштинаБелград. -Земјите имаат Трансатланстка иднина… и Вашингтон се стреми тие да започнат меѓусебна потесна соработка со идеи за да се надминат тековните економски и социјални предизвици, како и предизвиците со Ковид-19, изјави Палмер. Го истакна проектот „Зелени коридори“, за слободен проток на стоки меѓу земјите од Западен Балкан кој во иднина би можел да се прошири и за проток на стоките со соседите како Хрватска, Унгарија или Грција. На прашање за тоа како САД ги гледаат зачестените руски и кинески инвестиции во регионот, Палмер истакна дека Вашингтон не е против инвестиции „ако тие не се засновани на коруптивни практики и не ги нарушуваат законите“. -Но најважно е да се почитуваат законите… и тоа дека постои правна клима, безбедност и функционални институции за потенцијалните инвеститори да се убедат да дојдат во регионот, изјави Палмер.

Има ли информации Палмер дека Заев заминува во политичка пензија: Апелиpa дека имплементацијата на Преспанскиот договор е клучна и по изборите

Катерина Бојаџиева — Sat, 07 Mar 2020 16:56:59 +0000

Авторот на текстот нотира дека Македонија е пред предвремени парламентарни извори од чиј исход би можела да зависи динамиката на приближување на земјата кон Европската Унија (ЕУ). Палмер запрашан дали Преспанскиот договор би бил во опасност во случај на победа на опозициската партија, одговори: „Имплементацијата на Преспанскиот договор е клуч за прогресот на Македонија кон НАТО и кон Европската Унија. Овие нешта се испреплетени и взаемно се поддржуваат и зајакнуваат“ нагласи Палмер. Тој потенцира дека посакува земјава да продолжи по патеката кон НАТО и изрази надеж дека Шпанија во наредните неколку недели ќе ја забрза постапката за ратификација на Протоколот за членство на земјава во Алијансата. „Мојата надеж е дека многу скоро ќе бидеме во прилика да го прославиме влезот на Македонија како 30 членка на НАТО. Тоа би бил голем ден на кој работевме долги години“, заклучи Палмер.

Палмер: Грција има право да ги брани нејзините граници

Ивана Ефремовски — Fri, 06 Mar 2020 17:32:33 +0000

Грција има право да ги брани нејзините граници, тоа е апсолутно логична позиција. Тоа е обврска и одговорност на секоја држава, рекол заменик помошникот државен секретар на САД за Европа и Евроазија Метју Палмер за време на настан организиран во Атина од „Делфи економскиот форум”, пренесе грчката новинска агенција АНА-МПА. Палмер изразил поддршка за Грција и ја поздравил одлуката на ЕУ да ѝ помогнме на земјата. -Ова што во овој момент се случува на границата меѓу Грција и Турција истакнува колку е кревка ситуацијата. Грција може да се потпре на пријателството, поддршката и односите со САД, рекол Палмер. Според АНА-МПА, истакнал дека Соединетите амрикански држави би сакале и понатаму да постојат канали на комуникации меѓу Грција и Турција, а „САД ќе сторат сѐ што можат за да се избегне било каков сериозен инциидент и да се избегне тензија”. Палмер во Атина оствари средби со министерот за одбрана на Грција Никос Панајотопулос, со министерот за внатрешни работи Такис Теодорикакос, со алтернативниот шеф на грчката дипломатија Милтиадис Варвициотис, како и со надлежниот за надворешна политика во опозициската СИРИЗА, Јоргос Катругалос, јави дописничката на МИА од Атина. Како што соопштија од Министерствата за одбрана и надворешни работи на Грција, разговорите на заменик помошникот државен секретар на САД за Европа и Евроазија со Панајотопулос и Варвициотис биле околу ситуацијата на границата со Турција кај Еврос, мигрантското/ бегалското прашање, но и Западен Балкан. Палмер и Панајотопулос разговарале за дополнително зајакнување на одбранбената соработка Грција – САД, а грчкиот министер за одбрана информирал за „масовното и организирано движење на население на границата”, со поттик од Турција и за зголемените бранови мигранти од трети земји на грчките острови и ја истакнал „решеноста на Грција да ги обезбеди нејзините граници, кои се и надворешни граници на Европската унија”. -За време на разговорите, беше истакнат суштинскиот придонес на Грција во промовирање на безбедноста и стабилноста во поширокиот регион на Балканот и Источниот Медитеран, соопштуваат од Министерството за одбрана на Грција. (МИА)

Ѓорчев во САД се сретна со Метју Палмер

Ристе Здравков — Mon, 16 Dec 2019 09:37:21 +0000

Меѓународниот секретар на ВМРО-ДПМНЕ Владимир Ѓорчев при посета на САД, Вашингтон оствари средба со Метју Палмер, специјален претставник на САД за Балканот, како и со Џил Дитрих од канцеларијата за Македонија во Стејт департментот, соопштуваат од ВМРО-ДПМНЕ. -На средбата Ѓорчев ги информираше соговорниците за актуелната политичко економска состојба во Македонија, како и за зголемената поддршка за ВМРО-ДПМНЕ во пресретна на предвремените парламентарни избори кои ќе се одржат на 12 април. Ѓорчев истакна дека приоритет на државата е пријателството и сојузништвото со САД, потенцирајќи дека токму затоа ќе се продолжи со развивање и соработка во делот на меѓународните односи, одбраната, економијата, инвестициите и дипломатијата, истакнуваат од партијата. -Исто така, разговаравме за билатералните односи меѓу Македонија и САД. Пријателството и сојузништвото со САД се меѓу приоритетите на нашата надворешна политика. Затоа, ќе продолжиме да ја развиваме нашата соработка во делот на меѓународните односи, одбраната, економијата, инвестициите, дипломатијата и сите други области, вели Ѓорчев.

Метју Палмер во посета на Скопје

Ивона Петрова — Tue, 29 Oct 2019 06:38:48 +0000

Специјалниот претставник на американскиот државен секретар на САД за Западен Балкан, Метју Палмер денеска престојува во работа посета на Македонија. Палмер, како што соопшти Министерството за надворешни работи, ќе биде примен од шефот на дипломатијата Никола Димитров. Се очекува Димитров и високиот претставник на Стејт департментот да дискутираат за севкупниот развој на билатерални односи меѓу Македонија и Соединетите Американски Држави, како и за поддршката од САД за евро-атлантските интеграции на нашата држава, а ќе бидат разменети и мислења за состојбите во регионот.

Трамп го смени Метју Палмер, Ричард Гренел сега ќе посредува меѓу Србија и Косово

Предраг Кукиќ — Fri, 04 Oct 2019 19:34:53 +0000

Српскиот претседател Александар Вучиќ изјави дека е изненадувачка вест за него одлуката на американскиот претседател Доналд Трамп да го назначи актуелниот американски амбасадор во Германија Ричард Гренел за специјален претседателски претставник за преговорите на Белград и Приштина и најави дека ќе има телефонски разговор со него во текот на денот. По состанокот со претставниците Српска листа во Белград, Вучиќ кажа дека преговорите меѓу Белград и Приштина веќе се одвиваат под покровителството на Европската Унија и дека специјален пратеник бил Метју Палмер. -Американскиот претседател Доналд Трамп сега назначи нов човек и денес ќе имам разговор со Гренел. Тој е, секако, сериозен човек од доверба на Трамп и ќе видиме во која насока ова ќе оди, рече Вучиќ. Тој додаде дека Србија „не изразува незадоволство“ од дијалогот спонзориран од ЕУ. Претседателот на САД, Доналд Трамп, претходно го назначи Ричард Гренел, сегашниот американски амбасадор во Германија, за специјален претседателски претставник за преговорите меѓу Белград и Приштина, соопшти Белата куќа. Како што јави дописникот на МИА од Белград, коментар за назначувањето на Гренел даде и министерката за евроинтеграции Јадранка Јоксимовиќ која оцени дега овој чекор го потврдува засилениот интерес на САД за преговарачкиот процес. -Ова покажува зголемен интерес на САД и со оглед дека тој е амбасадор во Германија, претпоставувам дека тој има увид во досегашниот тек на преговорите, изјави Јоксимовиќ. Таа потсети дека ЕУ посредува во дијалогот меѓу Белград и Приштина и дека форматот не се менува.

Палмер: Новата влада во Приштина мора да биде подготвена да ги укине таксите

Ивана Ефремовски — Thu, 19 Sep 2019 06:41:34 +0000

Специјалниот претставник на американскиот државен секретар за Западен Балкан Метју Палмер изјави дека следната косовска влада во Приштина мора да биде подготвена да ги укине царините на српските производи, кои, како што наведе, се пречка за продолжување на дијалогот меѓу Белград и Приштина. Палмер за Гласот на Америка рече дека САД се надеваат оти Србија на укинувањето на тарифите ќе одговори со свои иницијативи, кои би опфатиле и потенцијална суспензија на кампањата за повлекување на признавањето на Косово, и оти врз тие основи, двете страни би можеле да се вратат на преговарачка маса во позитивна атмосфера, свртени кон постигнување договор. -Прво да ги почекаме изборите на Косово кои се закажани за 6 октомври, после што следува процес за формирање влада, рече Палмер по враќањето од посетата на регионот. (МИА)