Делчево го слави великанот Методија Митевски – Брицо, пред 60 години гимназијата го доби неговото име

Ивана Ефремовски — Sat, 15 Apr 2023 11:27:49 +0000

Делчево го слави роденденот на Методија Митевски Брицо, еден од најпознатите организатори и учесници во НОБ и патрон на делчевската гимназија која пред точно 60 години го преименуваше името од Јане Сандански во Методи Митевски Брицо. Како што истакна директорката Дијана Цонева повеќе од гордост е што гимназијата го носи името на Брицо кој оставил неизбришлив белег во општествениот економскиот и образовниот развој на градот Делчево. -Во учебната 1961/62 во Делчево се појави првата средношколска институција во ова подрачје под името “Брака Миладинови”. Името е променето во 1963 во Методи Митевски Брицо. Методи Митевски Брицо е еден од најпознатите организатори и учесници во НОБ. Роден на 15 април 1924г. во Делчево, животот го завршува во 1962г. во водите на Охридското Езеро. Оваа гимназија имаше за цел да образува кадри за понатамошен побрз стопански и општествен развој во оваа подрачје. Бројот на учениците во оваа гимназија постепено се зголемува, а особено од учебната 1975/76 година со воведувањето на повеќе струки. Оттогаш па до денес бројот на учениците е поголем, рече Цонева. Додаде дека визијата кон која установата се стреми да ја оствари е создавање училиште во кое на учениците ќе им биде понудено квалитетни знаења, услови за развивање на креативноста и истражувачкиот дух и стекнување на самостојност и самодоверба. -Шеесет и две години постоење е сериозна бројка во која младоста и зрелоста се обединуваат, а продуктивноста е на највисоко ниво. Нашите ученици секоја година учествуваат на многу регионални и државни натпревари каде добиваат голем број награди и признанија. СОУ „Методи Митевски Брицо“ Делчево ја отпочна реализацијата на проектот Чекор по чекор – за професионален развој, во рамките на програмата ЕРАЗМУС +, поддржана од Националната агенција за европски образовни програми и мобилност. Исто така Методи Митевски Брицо е повторно Суперучилиште во програмата на долгорочно партнерство, со проектот Don’t Give Up, додаде Цонева. По повод 62 годишното постоење беше организиран пригоден настан на кој меѓу останатото беше доделена благодарница на градоначалникот на Делчево, Горан Трајковски за поддршката која Општината ја дава за понатамошен развој на училиштето. За Трајковски претставува посебна гордост што ова училиште редовно учествува на натпревари за иновации, реди награди и признанија и отвора нови можности и перспективи на младите генерации. -Во моментите кога СОУ „М.М.Брицо“ одбележува 99 години од раѓањето на патронот Методи Митевски –Брицо, како и 62-години од постоењето на оваа образовна институција во Делчево, ќе потенцирам дека делчевската гимназија е нашата гордост. Како единствено средно училиште во градот, СОУ „М.М.Брицо“ во Делчево веќе 62 години успешно ги спојува гимназиската и стручната насока и образова, воспитува и гради генерации и генерации млади луѓе кои утре ќе дадат свој придонес во развојот на нашиот град, држава. Им посакувам успешна работа, уште многу успеси во иднина. Нека е за многу години, рече Трајковски. Во рамки на Патрониот празник годинава беше отворена изложба во делчевската гимназија, а беа доделени наградите за учениците кои постигнаа одлични резултати на регионалните натпревари.

Партизација на образование, основно училиште споделува политички постови

Ивона Петрова — Thu, 25 Jun 2020 10:31:14 +0000

И основното училиште „Методи Митевски Брицо“ во Лозово се вклучи во предизборната кампања. Фејсбук профилот на Основото училиште „Методи Митевски Брицо“ во Лозово сподели политичка објава која се однесува на резултати од објавена анкета. На ваков начин се врши директна партизација на образованието.

Драма во средното фискултурно во Скопје: Родител физички нападнал професор бидејќи го избркал неговото дете од час

Матеја Петровски — Tue, 18 Sep 2018 13:31:59 +0000

Од МВР информираат дека во текот на вчерашниот ден во 13:00 часот во Секторот за внатрешни работи Скопје М.Н.(40) пријавил дека истиот ден околу 11,00 часот во средното училиште „Методија Митевски-Брицо“ повеќе пати предупредил ученик дека го нарушувал часот со неговото однесување и од страна на М.Н. бил отстранет од час. По завршување на часот М.Н. му укажал во иднина да не влегува на час ако планира да ја нарушува наставата, а ученикот почнал вербално да се заканува по што од страна на обезбедувањето ученикот бил отстранет од училиштето, се вели во полицискиот билтен. Во 12:10 часот во училишниот двор пријавителот го забележал родителот на ученикот кој го повикал да зборуваат и откако му било укажано на истиот дека неговиот син бил проблематичен физички го нападнал М.Н.. Од полицијата информираат дека се работи на целосно расчистување на случајот.

методи митевски брицо – Kurir.mk

Делчево го слави великанот Методија Митевски – Брицо, пред 60 години гимназијата го доби неговото име

Партизација на образование, основно училиште споделува политички постови

Драма во средното фискултурно во Скопје: Родител физички нападнал професор бидејќи го избркал неговото дете од час